德格《甘珠尔》D3

པས་གཞན་སུ་ཞིག་བྱེད་པར་འགྱུར། འཕགས་པ་གལ་ཏེ་དེ་ལྟ་ན་བདག་གིས་འཕགས་པ་ལ་ཞབས་འབྲིང་བ་དབུལ་ལོ། །རྒྱལ་པོ་ཆེན་པོ་ཨ་རོག་གྱ་དེ་བཞིན་དུ་ལན་བཞིའི་བར་དུ་སྨྲས་ནས། ལན་ལྔ་པ་ལ་ཡང་དེ་ཁོ་ན་སྐད་དུ་བདག་གིས་འཕགས་པ་ལ་

ཞབས་འབྲིང་བ་དབུལ་ལོ་ཞེས་ཟེར་བ་དང་། ཚེ་དང་ལྡན་པ་པི་ལིན་དའི་བུའི་ལྷན་ཅིག་གནས་པ་བདེན་པ་དང་། མཐུན་པ་དང་། ངོ་ཟློག་ཕོད་པར་སྨྲ་བ་ཞིག་གིས་སྨྲས་པ། རྒྱལ་པོ་ཆེན་པོ་གང་ཚུན་ཅད་ནས་རྒྱལ་པོ་ཆེན་པོས་མཁན་པོ་ལ་ཞབས་འབྲིང་བ་དག་གིས་བསྟབས་

པ་ནས་མཁན་པོས་གལ་ཏེ་གཙུག་ལག་ཁང་འདི་ཡལ་བར་བོར་དུ་ལགས་ན་ད་ཙམ་ངོས་རྡིབ་པར་ཡང་གྱུར་ཏོ། །རྒྱལ་པོས་སྨྲས་པ། འཕགས་པ་ཅི་ལགས་བདག་ཅག་གིས་ཡང་དང་ཡང་དུ་ཁས་བླངས་སམ། རྒྱལ་པོ་ཆེན་པོ་ལན་གཅིག་ཏུ་མ་བས་ཀྱི་འདི་ལྟར་འདི་ནི་

ལན་ལྔ་པ་ལགས་སོ། །རྒྱལ་པོ་དེ་བརྗེད་ངས་པས་རྒྱལ་པོ་དེའི་ཀུན་ཏུ་སྤྱོད་པ་ནི་གང་ཡང་རུང་བ་ལ་{ཆུང་ཟད་,ཅུང་ཟད་}ཁས་བླངས་པ་ཅི་ཡང་རུང་སྟེ། དེ་ཐམས་ཅད་ཕྱི་ན་འདུག་པའི་མིས་ཡི་གེར་འདྲི་བར་བྱེད་པས་རྒྱལ་པོ་དེས་མི་དེ་ལ་སྨྲས་པ། ཀྭའེ་ནང་རྗེ་ཁོ་བོས་ཡང་དང་

ཡང་དུ་ཁས་བླངས་པ་བདེན་ནམ། ལྷ་མད་དེ་འདི་ནི་ལན་ལྔ་པ་ལགས་སོ། །དེ་ལྟ་ན་ཁོ་བོ་ཆད་པའི་ལས་ལ་ཐུག་གིས་ཁོ་བོས་འཕགས་པ་ལ་ཞབས་འབྲིང་བ་ལྔ་བརྒྱ་དབུལ་ལོ། །དེས་བློན་པོ་རྣམས་ལ་བསྒོ་བ། འཕགས་པ་ལ་ཞབས་འབྲིང་བ་ལྔ་བརྒྱ་ཕུལ་ཅིག །

ཚེ་དང་ལྡན་པ་པི་ལིན་དའི་བུས་སྨྲས་པ། རྒྱལ་པོ་ཆེན་པོ་ཁོ་བོ་རང་གི་གཡོག་ཉིད་སྤངས་ཏེ་རབ་ཏུ་བྱུང་བ་ལ་གཡོག་དག་གིས་ཅི་བྱ། འཕགས་པ་དགེ་འདུན་གྱི་དོན་དུ་བཞེས་ཤིག །རྒྱལ་པོ་ཆེན་པོ་གལ་ཏེ་དེ་ལྟ་ན་བཅོམ་ལྡན་འདས་ལ་ཞུའོ། །འཕགས་པ་དེ་མ་

ནོངས་ཀྱིས་ཞུས་ཤིག །སྐབས་དེ་ཚེ་དང་ལྡན་པ་པི་ལིན་དའི་བུས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་དོན་དུ་གཡོག་དག་བླང་བར་བྱའོ། །ཚེ་དང་ལྡན་པ་པི་ལིན་དའི་བུས་གཡོག་དེ་དག་