完整藏文原文 · 德格版页 当前仅加载第 5 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཡོད་པས་དེ་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲགས་དེ་ན་ཡང་གཙུག་ལག་ཁང་གཞན་མེད་པས། རི་བྲགས་པ་དེ་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་
D3.005.0155a01.01ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲགས་དེའི་ཉེན་ཀོར་ན་ཡང་གཙུག་ལག་ཁང་གཞན་མེད་པས་རི་བྲགས་ཀྱི་ཉེན་ཀོར་བ་དེ་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་དག་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་པས་དེར་དབྱར་གནས་པར་ཁས་བླངས་པའི་
D3.005.0155a02.01དགེ་སློང་རྣམས་ལ་རྙེད་པ་མང་པོ་བྱུང་ངོ་། །སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གི་ཀུན་ཏུ་སྤྱོད་པ་ནི་དགག་དབྱེ་བྱས་མ་ཐག་ཏུ་འདུས་ཏེ། བདག་ཅག་གིས་ལས་ཅི་ཞིག་བྱས་ན་དེས་བཙལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་
D3.005.0155a03.01བྱེད་དོ། །དེ་དག་འདི་སྙམ་དུ་སེམས་ཏེ། ཤཱཀྱའི་སྲས་ཀྱི་དགེ་སྦྱོང་འདི་དག་གཞོམ་པར་བྱའོ་སྙམ་མོ། །གཞན་དག་གིས་སྨྲས་པ། དེ་དག་ནི་སྒོ་འཕར་བརྒྱ་སྙེད་བཟླ་བ་བྱས་ཀྱང་། ལྟོ་ཁེངས་པ་འགྲུབ་པར་དཀའ་བས་དེ་དག་ལ་ཅི་ཡང་མེད་ན་བདག་ཅག་ཅིའི་ཕྱིར་ཡུན་དེ་སྲིད་དུ་
D3.005.0155a04.01བསྡད་པར་བྱ། དེ་ན་དགེ་སློང་གི་རྒྱུས་ཤེས་པ་གཅིག་འདུག་པས་སྨྲས་པ། ཁྱེད་ཅི་ཤེས་དེ་དག་ལ་མང་དུ་ཡོད་དོ། །ཇི་ལྟར་ཞིག་གཙུག་ལག་ཁང་འདི་གང་གི་ཡིན་པའི་ཁྱིམ་བདག་དེ་ནི་དད་པ་ཅན་བཟང་བ་དགེ་བའི་བསམ་པ་ཅན་ཡིན་ལ་ཁྱིམ་བདག་དེ་ལ་ཡང་
D3.005.0155a05.01གཙུག་ལག་ཁང་འདི་གཅིག་པུ་འབའ་ཞིག་ཡོད་པས་དེ་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲགས་འདི་ན་ཡང་གཙུག་ལག་ཁང་གཞན་མེད་པས་རི་བྲགས་པ་འདི་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་
D3.005.0155a06.01དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲགས་འདིའི་ཉེན་ཀོར་ན་ཡང་གཙུག་ལག་ཁང་གཞན་མེད་པས་རི་བྲགས་ཀྱི་ཉེན་ཀོར་པ་འདི་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་པའི་ཞིང་བྱེད་པས་འདིར་དབྱར་
D3.005.0155a07.01