完整藏文原文 · 德格版页 当前仅加载第 5 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
རུང་གིས་འདི་ལ་ལག་ནས་དྲང་བ་སྦྱིན་ནོ་སྙམ་ནས་དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས། འབར་བ་དང་། གསལ་བ་དང་། ཆར་འབེབས་པ་དང་། གློག་འབྱིན་པའི་ཆོ་འཕྲུལ་དག་བྱ་བར་བརྩམས་
D3.005.0128a01.01སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས་རྔོན་པ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ། རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་སྒྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་
D3.005.0128a02.01སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། རང་སངས་རྒྱས་དེ་རྔོན་པ་དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་རྔོན་པ་དེས་ཟུག་རྔུ་མེད་པར་བྱས་ཏེ་རྨ་ལྷན་གྱིས་གླན་ནས་སྨྲས་པ།
D3.005.0128a03.01འཕགས་པ་སྡུམ་པར་གཤེགས་སུ་གསོལ། གལ་ཏེ་འདིར་གསེར་གྱི་ལྷན་པས་གླན་པར་མཛད་ན་དེ་ཡང་བདག་གིས་སྦྱར་བར་བགྱིའོ། །རང་སངས་རྒྱས་ཀྱིས་བསམས་པ་བདག་གིས་རྣག་གི་ལུས་འདིས་ཐོབ་པར་བྱ་བ་གང་ཡིན་པ་ཐོབ་ཟིན་པས་དེའི་ཕྱིར་ད་ནི་ཞི་བ་ཕུང་པོའི་
D3.005.0128a04.01ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་བྱའོ་སྙམ་ནས་དེ་རྔོན་པ་དེ་ཉིད་ཀྱི་མདུན་དུ་ཡང་ནམ་མཁའི་དཀྱིལ་དུ་འཕགས་ཏེ་ཆོ་འཕྲུལ་རྣམ་པ་སྣ་ཚོགས་དག་རྣམ་པར་བསྟན་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་
D3.005.0128a05.01ངན་ལས་འདས་སོ། །རྔོན་པ་དེ་ནོར་དང་ལྡན་པ་ཡིན་པས་དེས་སྤོས་ཀྱི་ཤིང་ཐམས་ཅད་ཀྱིས་ཕུང་པོར་བཅེར་ཏེ་བསྲེགས་ནས་ཕུང་པོ་དེ་འོ་མས་ཞི་བར་བྱས་ཏེ། རུས་པ་དེ་དག་གསེར་གྱི་བུམ་པར་བཅུག་ནས་ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་རྩིག་ཏུ་
D3.005.0128a06.01བཅུག་སྟེ། གདུགས་དང་། རྒྱལ་མཚན་དང་། བ་དན་དག་བསྒྲེང་ཞིང་། དྲི་དང་། ཕྲེང་བ་རྒྱུ་དང་། བདུག་སྤོས་དང་། ཕྱེ་མ་དང་། སིལ་སྙན་དག་གིས་མཆོད་པ་བྱས་ནས་རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས་བདག་ཡོན་གནས་ཡང་དག་པར་གྱུར་
D3.005.0128a07.01