完整藏文原文 · 德格版页 当前仅加载第 5 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྲགས་པ་རྩྭ་དང་། ཤིང་དང་། ཆུ་མ་བྱིན་པ་ཡོངས་སུ་མི་སྤྱོད་པ་གང་དག་འཁོད་པ་དེ་དག་དེང་ཕྱིན་ཆད་ཅི་བདེར་སྤྱོད་ཅིག་ཅེས་དེ་ལྟ་བུའི་ཁྱུ་མཆོག་གི་བཀའ་རྒྱ་ཆེན་པོ་བཏགས་ཏེ། གཅིག་ཏུ་དང་དུ་བཞེས་ཤིང་འཁོར་གྱི་ནང་དུ་ཡང་དག་པར་སེང་
D3.005.0056a01.01གེའི་སྒྲ་བསྒྲགས་པ་ལྷས་དགོངས་ཤིག །འཕགས་པ་དེ་ནི་ཁོ་བོས་ཡོངས་སུ་མ་བཟུང་བ་ལས་བསམས་ཏེ་སྨྲས་ཀྱི། འདི་ནི་ཡོངས་སུ་བཟུང་བ་དང་བཅས་པ་ཡིན་ནོ། །ལྷ་རེ་ཞིག་ཡོངས་སུ་མ་བཟུང་བ་གང་ལགས་པ་དེ་ལ་ལྷས་ཅི་ཞིག་བགྱིར་མཆིས། དེ་
D3.005.0056a02.01སྐད་ཅེས་སྨྲས་པ་དང་། ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་ཁྲོས་འཁྲུགས་རྔམ་པར་གྱུར་ཅིང་ཡིད་མི་དགའ་ནས་དཔྲལ་བར་དཔྲལ་རྩ་གསུམ་བསྒྲེང་ཞིང་ཁྲོ་གཉེར་བསྡུས། བཞིན་བསྒྱུར། མིག་བགྲད་དེ་ལག་མཐིལ་གཉིས་འདྲིལ་ཞིང་
D3.005.0056a03.01འདི་སྐད་ཅེས་སྨྲས་སོ། །དགེ་སྦྱོང་བསད་པའི་རིགས་པ་ཁྱོད་སོང་ལ་ཕྱིན་ཆད་དེ་ལྟ་མ་བྱེད་ཅིག །དེ་ནས་འཁོར་དེས་ཤེས་ལྡན་དག་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་འདི་ཙམ་དུ་གཏུམ་པ་འདི་ཙམ་དུ་རྟུན་ངས་པ། འདི་ཙམ་དུ་དྲག་
D3.005.0056a04.01ཤུལ་ཆེ་བ། འདི་ཙམ་དུ་ཚམ་ཚོམ་མེད་པ་དེས་དགེ་སྦྱོང་བསད་པའི་རིགས་པ་ཁྱོད་ཅེས་བྱ་བའི་ཚིག་སྙིང་པོ་མེད་པས་སྤྱོས་ཏེ་བཏང་བ་ནི་ངོ་མཚར་ཏོ་ཞེས་སྐད་པོ་ཆེས་སྐད་ཕྱུང་ཞིང་སྒྲ་མཐོན་པོ་དང་། སྒྲ་ཆེན་པོ་ཕྱུང་བར་གྱུར་ཏོ། །དེ་ནས་སྔོན་རྫ་མཁན་དགེ་སློང་
D3.005.0056a05.01ནོར་ཅན་གཙུག་ལག་ཁང་དུ་སོང་སྟེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲས་ཁོ་བོ་གྱོད་ལ་སྐྲིན་ཅིང་སྲོག་དང་བྲལ་བར་དེའུ་བྱས་སོ། །དགེ་སློང་དག་གིས་ཅིའི་ཕྱིར་ཞེས་དྲིས་པ་དང་། དེས་
D3.005.0056a06.01སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྣམ་སྦྱར་གྱོན་ཏེ་དགེ་སློང་ཕྱི་བཞིན་འབྲང་བའི་དགེ་སྦྱོང་ཞིག་དང་
D3.005.0056a07.01