完整藏文原文 · 德格版页 当前仅加载第 5 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་འཕགས་པ་འདུན་པ་ལ་རྣམ་པ་དུ་མར་བསྟབས་ན་འདིས་ལན་འགའ་ཡང་དང་དུ་མ་བླངས་ཏེ། དེ་དང་དུ་བླངས་པ་གང་ཡིན་པ་འདི་ཡང་དགེ་འདུན་གྱི་ཕྱིར་རོ་སྙམ་ནས་དེ་ངོ་མཚར་སྐྱེས་ཏེ་སྨྲས་པ། འཕགས་པ་བདག་ལ་ཀཱར་ཥཱ་པ་ཎ་དག་ནི་མཆིས་ན། འོན་
D3.005.0247a01.01ཀྱང་ས་གཞི་ནི་རྒྱལ་པོ་དབང་བས་གང་དུ་དགེ་འདུན་གྱི་གཙུག་ལག་ཁང་བགྱིད་དུ་སྩལ་བའི་དོག་ས་མ་མཆིས་སོ། །བྲམ་ཟེ་ཁྱོད་སྙིང་ལས་ཆུང་ངུར་གྱིས་ཤིག་དང་ཁོ་བོས་རྒྱལ་པོ་ལས་ས་བསླང་བར་བྱའོ། །འཕགས་པ་གལ་ཏེ་དེ་ལྟ་ན་ལེགས་སོ། །ཚེ་དང་ལྡན་པ་འདུན་པས་
D3.005.0247a02.01བསམས་པ། ཇི་ལྟར་བྱ་ཇེ་རྒྱལ་པོ་ལ་བསྟེན་པར་བྱའམ་འོན་ཏེ་བློན་པོ་རྣམས་ལ་བསྟེན་པར་བྱ་སྙམ་ནས་དེ་འདི་སྙམ་དུ་སེམས་ཏེ། ལ་ལ་ན་རེ་འདི་སྐད་ཅེས་བསྟེན་པ་ལ་བསྟེན་པར་མི་བྱ་བར་བསྟེན་པ་ལ་བསྟེན་པ་བསྟེན་པར་བྱའོ་ཞེས་ཟེར་རོ་སྙམ་ནས། དེས་བློན་པོ་རྣམས་ལ་བསྟེན་
D3.005.0247a03.01པར་བརྩམས་ཏེ། དེ་དག་ལ་དུས་ལ་ཅུང་ཟད་ཅིག་བསྟེན་པ་དང་། བློན་པོ་རྣམས་ཀྱིས་སྨྲས་པ། འཕགས་པ་བཀའ་སྩལ་པ་ཅི་མཆིས། འདུན་པས་སྨྲས་པ། བཞིན་{བཟངས་,བཟང་}དག་བྲམ་ཟེ་ཞིག་གིས་དགེ་འདུན་གྱི་ཕྱིར་གཙུག་ལག་ཁང་བྱེད་དུ་བཅུག་ནས་གཞི་རྒྱལ་པོ་དབང་བས་
D3.005.0247a04.01གང་དུ་གཙུག་ལག་ཁང་རྩིག་ཏུ་བཅུག་པའི་ས་མེད་ན་དེའི་ཕྱིར་ས་གཞིའི་ཆེད་དུ་ལྷའི་སྙན་དུ་གསོལ་བ་ཞིག་འདོད་ན་དེ་ཁྱེད་ཅག་གིས་གྲོགས་གྱིས་ཤིག །འཕགས་པ་གང་གི་ཚེ་རྒྱལ་པོ་ཚོགས་ཉུང་ངུ་དང་དབེན་པ་ན་བཞུགས་པ་དེའི་ཚེ་ཁྱོད་སྦྲན་པར་བགྱི་ཡིས་སྤྱོན་ཅིག །ཇི་ཙམ་
D3.005.0247a05.01དུས་གཞན་ཞིག་ན་རྒྱལ་པོ་ཚོགས་ཉུང་ངུ་དང་དབེན་པ་ན་འདུག་པའི་ཚེ་བློན་པོ་དེ་དག་གིས་ཚེ་དང་ལྡན་པ་འདུན་པ་ལ། འཕགས་པ་རྒྱལ་པོ་ཚོགས་ཉུང་ངུ་དང་དབེན་པ་ན་བཞུགས་ཀྱིས་སྤྱོན་ཅིག་ཅེས་བང་ཆེན་བཏང་བ་དང་། འདུན་པ་འོངས་ནས་རྒྱལ་པོ་ལ་ཨ་རོག་གྱ་ཞེས་བྱས་ཏེ་མཐའ་
D3.005.0247a06.01གཅིག་ཏུ་འདུག་གོ། །བློན་པོ་རྣམས་ཀྱིས་རྒྱལ་པོ་ལ་གསོལ་པ། ལྷ་འདི་ནི་འཕགས་པ་འདུན་པ་ཞེས་བགྱི་སྟེ། ཤཱཀྱ་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་དང་ལྡན་པ་ལགས་སོ། །རྒྱལ་པོས་སྨྲས་པ་འཕགས་
D3.005.0247a07.01