完整藏文原文 · 德格版页 当前仅加载第 5 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་པི་ལིན་དའི་བུས་བསམ་པ་དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ནོར་ཅན་གྱིས་དགེ་སློང་
D3.005.0106a01.01གི་དགེ་འདུན་སྐྱོན་མ་མཆིས་ཤིང་ཆུ་བུར་མ་མཆིས་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་བྱུང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་ཀྱིས། འདི་ལྟར་འདས་པའི་དུས་ན་ཡང་འདིས་
D3.005.0106a02.01འཇིག་རྟེན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་ཕྱུང་སྟེ། དེ་ཉོན་ཅིག་དགེ་སློང་དག་འཇིག་རྟེན་འདི་འཇིག་པའི་དུས་གང་ཡིན་པ་དེ་ཡང་ཡོད་དེ། འཇིག་རྟེན་འཇིག་པ་ན་སེམས་ཅན་དག་ཕལ་ཆེར་འོད་གསལ་གྱི་
D3.005.0106a03.01ལྷའི་རིགས་སུ་སྐྱེའོ། །དེ་དག་དེ་ན་གཟུགས་ཅན་ཡིད་ལས་བྱུང་བ་མ་ཚང་བ་མེད་པ། དབང་པོ་མ་ཉམས་པ། ཡན་ལག་དང་ཉིང་ལག་ཐམས་ཅད་དང་ལྡན་པ། བཟང་བ། ཁ་དོག་དང་ལྡན་པ། རང་ལས་འོད་འབྱུང་བ། ནམ་མཁའ་ལ་འགྲོ་བ། དགའ་
D3.005.0106a04.01བ་ཟ་བ། དགའ་བའི་ཟས་དང་ལྡན་པ། ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ན་ས་ཆེན་པོ་འདི་ཆུ་འབའ་ཞིག་དང་། རྒྱ་མཚོ་འབའ་ཞིག་ཏུ་གྱུར་ཏེ། ས་ཆེན་པོ་ཆུ་འབའ་ཞིག་དང་། རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་རླུང་གིས་སྤྲིས་མ་ཀུན་ཏུ་འཆགས་
D3.005.0106a05.01པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དེ། འདི་ལྟ་སྟེ། དཔེར་ན་འོ་མ་བསྐོལ་བ་གྲངས་པར་གྱུར་པའི་སྟེང་དུ་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་པ་དེ་བཞིན་དུ། ས་ཆེན་པོ་ཆུ་
D3.005.0106a06.01འབའ་ཞིག་དང་། རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་ཡང་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དོ། །དེ་ནི་སའི་བཅུད་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་ཡིན་
D3.005.0106a07.01