完整藏文原文 · 德格版页 当前仅加载第 5 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
མགོ་བཞིན་དུ་དྲུངས་ནས་བཅད་ཅིང་གཞི་མི་སྣང་ལ་ཕྱིས་ཀྱང་མི་སྐྱེ་བའི་ཆོས་ཅན་དུ་གྱུར་པས་ཁྱོད་ལ་བཞིན་གཞན་དུ་གྱུར་པའམ། དབང་པོ་རྣམས་སྣ་ཚོགས་སུ་གྱུར་པར་ག་ལ་འགྱུར། དེ་ནས་ཚེ་དང་ལྡན་པ་ཤཱ་རིའི་བུ་དགེ་སློང་རབ་ཏུ་མང་པོ་དག་དང་བཅས་པས།
D3.005.0125b01.01ཚེ་དང་ལྡན་པ་ཉེ་སྡེའི་ལུས་ཀྱི་ཐན་ཀོར་ནས་བཟུང་སྟེ་གཙུག་ལག་ཁང་གི་ཕྱི་རོལ་དུ་བསྐྱལ་ནས། ཚེ་དང་ལྡན་པ་ཉེ་སྡེའི་ལུས་འདི་ལྟ་སྟེ། དཔེར་ན་སྦུན་པའི་ཆང་བུ་ལྟར་རྣམ་པ་བརྒྱར་ཞིགས་སོ། །དེ་ནས་ཚེ་དང་ལྡན་པ་ཤཱ་རིའི་བུས་དེའི་ཚེ་ཚིགས་སུ་བཅད་པ་སྨྲས་པ།
D3.005.0125b02.01ཚངས་སྤྱོད་ལེགས་པར་སྤྱད་པ་དང་། །ལམ་ཉིད་ལེགས་པར་བསྒོམས་པ་ནི། །ཚེ་ཟད་དགའ་བར་འགྱུར་བ་སྟེ། །ནད་དང་བྲལ་བ་ཇི་བཞིན་ནོ། །ཚངས་སྤྱོད་ལེགས་པར་སྤྱད་པ་དང་། །ལམ་ཉིད་ལེགས་པར་བསྒོམས་པ་ནི། །ཚེ་ཟད་དགའ་བར་འགྱུར་བ་སྟེ། །དུག་
D3.005.0125b03.01སྣོད་སྤངས་པ་ཇི་བཞིན་ནོ། །ཚངས་སྤྱོད་ལེགས་པར་སྤྱད་པ་དང་། །ལམ་ཉིད་ལེགས་པར་བསྒོམས་པ་ནི། །འབར་བའི་ཁྱིམ་ནས་ཐར་བ་ལྟར། །འཆི་བའི་མཐར་ནི་མྱ་ངན་མེད། །ཚངས་སྤྱོད་ལེགས་པར་སྤྱད་པ་དང་། །ལམ་ཉིད་ལེགས་པར་བསྒོམས་པ་ནི། །
D3.005.0125b04.01གང་ཚེ་འཇིག་རྟེན་ཤེས་རབ་ཀྱིས། །རྩྭ་དང་ཤིང་འདྲར་མཐོང་གྱུར་པ། །དེ་ཚེ་ཉིང་མཚམས་སྦྱོར་མེད་ལས། །གཞན་པ་འདོད་པར་མི་བྱེད་དོ། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་ཉེ་སྡེའི་ལུས་ལ་ལུས་ཀྱི་མཆོད་པ་བྱས་ནས། བཅོམ་ལྡན་འདས་ག་ལ་བ་
D3.005.0125b05.01དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཙུན་པ་ཚེ་དང་ལྡན་པ་ཉེ་སྡེའི་ལུས་ལ་སྦྲུལ་དུག་
D3.005.0125b06.01མྱུར་དུ་ཁྱབ་པར་བགྱིད་པ། འབར་བ། རྣོ་བ། དུག་དྲག་པ་འདི་ལྟ་སྟེ། དཔེར་བགྱི་ན། མིག་སྨན་གྱི་ཐུར་མ་ལྟར་ཕྲ་བ་ལྷུང་ནས། དེའི་ལུས་འདི་ལྟ་སྟེ། དཔེར་བགྱི་ན་སྦུན་པའི་ཆང་བུ་ལྟར་ཞིགས་པར་གྱུར་ཏོ། །ཤཱ་རིའི་བུ་ཚེ་དང་ལྡན་པ་ཉེ་སྡེ་ལ་གལ་ཏེ་དེའི་
D3.005.0125b07.01