完整藏文原文 · 德格版页 当前仅加载第 5 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ལྟ་བ་བསྒྱུར་ཏེ་འདི་སྐད་ཅེས་མ་ཐོབ་བཞིན་དུ་བདག་གིས་བསམ་གཏན་དང་པོ་ཐོབ་བོ་ཞེས་ཟེར་ན་ཕམ་པར་འགྱུར་རོ། །དེ་བཞིན་དུ་གཉིས་པ་དང་། གསུམ་པ་དང་། བཞི་པ་དང་། སྔ་མ་བཞིན་དུ་བདག་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང་།
D3.005.0189b01.01གཉི་གའི་ཆ་ལས་རྣམ་པར་གྲོལ་བའོ་ཞེས་ཟེར་ན་ཕམ་པར་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་བཅུ་བཞི་པ། འདི་ལྟར་དགེ་སློང་རབ་ཏུ་མང་པོ་དག་གྲོང་མེད་པའི་དགོན་པའི་གནས་ཤིག་ན་གནས་ཤིང་དེ་ན་དེ་དག་ལ་མི་མ་ཡིན་པ་དག་གིས་འཚེ་བ་ན།
D3.005.0189b02.01དེ་ན་དགེ་སློང་གང་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས་དགེ་སློང་གིས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་
D3.005.0189b03.01བསྒྱུར་ཏེ་འདི་སྐད་ཅེས་བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཏེ། དེ་ན་བདག་ལ་མི་མ་ཡིན་པ་རྣམས་འཚེ་བར་མི་བྱེད་དོ་ཞེས་ཟེར་ན་ཕམ་པར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་ཁྱིམ་རྣམས་སུ་མགྲོན་དུ་བོས་ཏེ་ཟ་བར་བྱེད་ཅིང་། དེ་ན་དེ་དག་
D3.005.0189b04.01ལ་སྟན་ཁྲ་བོ་ཉེ་བར་བཀྲ་བ་དག་བཤམས་ཤིང་། དེ་ན་དགེ་སློང་གང་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་ནས། དགེ་སློང་གིས་འདུ་ཤེས་བསྒྱུར་ཅིང་བཟོད་
D3.005.0189b05.01པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་ཀྱང་ཁྱིམ་དེར་མགྲོན་དུ་བོས་ཤིང་ཟོས་ཏེ་དེ་ན་བདག་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་དོ། །ཞེས་ཟེར་ན་ཕམ་པར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དགོན་
D3.005.0189b06.01པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་དང་། གནོད་སེམས་དག་རྒྱུད་ལ་ཀུན་དུ་མི་འབྱུང་ནས། དགེ་སློང་གིས་འདུ་ཤེས་བསྒྱུར་
D3.005.0189b07.01