完整藏文原文 · 德格版页 当前仅加载第 5 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པ་ནི་མདུན་དུ་འགྲོ་བའི་དགེ་སློང་མ་ཡིན། ལྷོ་ནས་སྐྱེས་པ་ནི་ཕྱི་བཞིན་འབྲང་བའི་དགེ་སློང་མ་ཡིན་ནོ། །དེ་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཞིང་སྤྱན་སྔར་སོང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་
D3.005.0093a01.01འཚལ་ཏེ་མཐའ་གཅིག་ཏུ་འཁོད་དོ། །བཅོམ་ལྡན་འདས་ཀྱིས་དེ་གཉིས་ལ་ཆོས་བསྟན་ནས། དེ་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་དོང་བ་དང་། ཤར་ནས་སྐྱེས་པ་མདུན་དུ་འགྲོ་བ་དེའི་སྣམ་སྦྱར་ཕྲག་པ་ལ་གྱོན་པ་འཕྱང་བར་གྱུར་ནས། ལྷོ་ནས་སྐྱེས་
D3.005.0093a02.01པ་ཕྱི་བཞིན་འོང་བས་སྨྲས་པ། འཕགས་མ་ཨ་བ་ས་ཋ་ཨ་བ་ས་ཋ། ཤར་ནས་སྐྱེས་པ་དེ་ཆོས་ཀྱི་ཤུགས་ཐོབ་པས་མི་སེམས་པས། སྣམ་སྦྱར་ལྟུང་བར་གྱུར་ནས། ལྷོ་ནས་སྐྱེས་པས་བླངས་ཏེ། དེས་འདི་ལྟར་བདག་གིས་ད་ཕུལ་ན། འཕགས་མའི་དགེ་བའི་ཕྱོགས་
D3.005.0093a03.01ཡོངས་སུ་ཉམས་པར་འགྱུར་བས་དབྱར་ཁང་དུ་ཕྱིན་ནས་དབུལ་བར་བྱའོ་སྙམ་དུ་བསམས་ནས། དེ་གཉིས་དབྱར་ཁང་དུ་སོན་པ་དང་། ཤར་ནས་སྐྱེས་པ་མྱུར་བ་མྱུར་བ་ཁོ་ནར་གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་གཙུག་ལག་ཁང་དུ་ཞུགས་
D3.005.0093a04.01ཏེ་སྐྱིལ་མོ་ཀྲུང་ཕྱེད་ཀྱིས་འདུག་གོ། །ལྷོ་ནས་སྐྱེས་པས་གལ་ཏེ་ཕུལ་ན་ཉེས་དམིགས་དེ་ཁོ་ན་བསྟབས་པར་འགྱུར་བས་རེ་ཞིག་ཕྱིས་ལངས་པ་ལ་དབུལ་ལོ་སྙམ་དུ་བསམས་ནས། དེས་སྣམ་སྦྱར་དེ་རང་གི་གནས་ཁང་དུ་ཁྱེར་ཏེ་ཆོས་གོས་ཀྱི་གདང་ལ་བཞག་གོ། །
D3.005.0093a05.01ཇི་ཙམ་ཉི་མ་གཞན་ཞིག་ན་མཚན་མོ་ནམ་ནངས་པ་དང་། ཤར་ནས་སྐྱེས་པས་སྨྲས་པ། གཞོན་ནུ་མ་སྣམ་སྦྱར་ཁྱེར་ཤོག །བསོད་སྙོམས་ལ་འགྲོའོ། །གཞོན་ནུ་མ་དེ་གནས་ཁང་དུ་ཞུགས་ཏེ། ཆོས་གོས་ཀྱི་གདང་ལ་བལྟས་པ་དང་། སྣམ་སྦྱར་མ་མཐོང་
D3.005.0093a06.01ནས་དེས་སྨྲས་པ། འཕགས་མ་སྣམ་སྦྱར་མ་མཆིས་སོ། །ཤར་ནས་སྐྱེས་པས་སྨྲས་པ། ལྷོ་ནས་སྐྱེས་པའི་གནས་ཁང་དུ་ལྟོས་ཤིག །གཞོན་ནུ་མ་དེ་ལྷོ་ནས་སྐྱེས་པའི་གནས་ཁང་དུ་ཞུགས་པ་དང་། ཆོས་གོས་ཀྱི་གདང་ལ་སྣམ་སྦྱར་བཞག་པ་མཐོང་ངོ་། །
D3.005.0093a07.01