完整藏文原文 · 德格版页 当前仅加载第 8 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
འགོགས་པར་བྱེད་ན་ལྟུང་བྱེད་དུ་འགྱུར་ལ། གྲུགས་པ་འགོགས་པར་བྱེད་ན་ཉེས་བྱས་སུ་འགྱུར་རོ། །དགེ་སློང་རྩིག་པ་ལ་ཕུར་པ་འདེབས་ན་ལྟུང་བྱེད་དུ་འགྱུར་ལ། རྩིག་པ་ལས་ཕུར་པ་འབྱིན་ན་ཉེས་བྱས་སུ་འགྱུར་རོ། །དགེ་སློང་རྩིག་པ་དང་འབྱར་བའི་ལྕི་བ་འགོགས་
D3.008.0003a01.01པར་བྱེད་ན་ཉེས་བྱས་སུ་འགྱུར་རོ། །དགེ་སློང་རྩིག་པ་ལ་རི་མོ་འདྲེན་པར་བྱེད་ན་ཉེས་བྱས་སུ་འགྱུར་རོ། །ཤོད་དགོད་པའི་བསམ་པ་ལ་ནི་ལྟུང་བ་མེད་དོ། །དགེ་སློང་རྩིག་པ་ལས་ཚྭ་རྒོ་འབྲུལ་བར་བྱེད་ན་ཉེས་བྱས་སུ་འགྱུར་རོ། །དགེ་སློང་རྡོ་བ་ཅན་གྱིས་རྐོ་བར་བྱེད་ན། གལ་ཏེ་ས་ཆེས་
D3.008.0003a02.01མང་ལ་རྡོ་བ་ཆེས་ཆུང་ན་ལྟུང་བྱེད་དུ་འགྱུར་རོ། །གལ་ཏེ་རྡོ་བ་ཆེས་མང་ལ་ས་ཆེས་ཉུང་ན་ཉེས་བྱས་སུ་འགྱུར་རོ། །རྡོ་བ་འབའ་ཞིག་སྐྱོད་པར་བྱེད་པ་ལ་ནི་ལྟུང་བ་མེད་དོ། །དགེ་སློང་བྱེ་མ་ཅན་གྱི་ས་རྐོ་བར་བྱེད་ན། གལ་ཏེ་ས་ཆེས་མང་ལ་བྱེ་མ་ཆེས་ཉུང་ན་ལྟུང་བྱེད་དུ་འགྱུར་རོ། །གལ་
D3.008.0003a03.01ཏེ་བྱེ་མ་ཆེས་མང་ལ་ས་ཆེས་ཉུང་ན་ཉེས་བྱས་སུ་འགྱུར་རོ། །བྱེ་མ་འབའ་ཞིག་རྐོ་བ་ལ་ནི་ལྟུང་བ་མེད་དོ། །དགེ་སློང་ལག་གི་བླས་རྒྱུ་སྐར་གྱི་སྦྱོར་བས་རུང་བར་བྱེད་པ་མེད་ན་ཐུར་མ་སོར་བཞི་ཙམ་ས་ལ་འཛུགས་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་
D3.008.0003a04.01པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ས་རྐོ་བའི་ལྟུང་བྱེད་དེ་བདུན་བཅུ་རྩ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན་སེར་སྐྱའི་གནས་སུ་བྱོན་ནས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་
D3.008.0003a05.01ར་བ་ན་བཞུགས་སོ། །ཤཱཀྱ་མིང་ཆེན་གྱིས་བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན་སེར་སྐྱའི་གནས་སུ་བྱོན་ནས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། བདག་གིས་བཅོམ་
D3.008.0003a06.01ལྡན་འདས་དགེ་སློང་གི་དགེ་འདུན་དང་བཅས་པ་ལན་མང་དུ་གདུགས་ཚོད་ལ་ཁྱིམ་གཞན་དུ་སྤྱན་དྲངས་ཏེ་བཤོས་གསོལ་ན། ལན་འགའ་ཡང་ཡོ་བྱད་ཐམས་ཅད་ཀྱིས་སྤྱན་མ་དྲངས་ཀྱིས་བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཟླ་བ་བཞིར་ཡོ་བྱད་ཐམས་
D3.008.0003a07.01