完整藏文原文 · 德格版页 当前仅加载第 8 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་སྐབས་དེ་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྒྱལ་
D3.008.0083a01.01པོ་ཆེན་པོ་དེ་ནི་ཁྱོད་ཀྱི་མཐུ་ཡང་མ་ཡིན། བཙུན་མོའི་འཁོར་གྱི་ཡང་མ་ཡིན། གཞོན་ནུ་རྣམས་ཀྱི་ཡང་མ་ཡིན། བློན་པོ་རྣམས་ཀྱི་ཡང་མ་ཡིན། ཁྲོམ་གྱི་རུ་སྣའི་ཡང་མ་ཡིན། གྲོང་རྡལ་གྱི་མི་དང་། ལྗོངས་ཀྱི་མི་རྣམས་ཀྱི་ཡང་མ་ཡིན། བྲམ་ཟེ་རྣམས་ཀྱི་ཡང་མ་ཡིན་ཏེ། འདི་ལྟར་
D3.008.0083a02.01དེ་ནི་དགེ་སློང་མཽད་གལ་གྱི་བུ་ཆེན་པོའི་མཐུ་ཡིན་ཏེ། གལ་ཏེ་དགེ་སློང་མཽད་གལ་གྱི་བུ་ཆེན་པོས་ཁྱོད་བཙུན་མོའི་འཁོར་དང་། གཞོན་ནུ་དང་། བློན་པོ་དང་གྲོང་རྡལ་གྱི་མི་དང་། ཡུལ་གྱི་མི་དང་བཅས་པ་ལ་མ་བསམས་སུ་ཟིན་ན་དེང་ཉིད་དུ་མཉན་ཡོད་སྤྱོད་ཡུལ་དུ་མི་འགྱུར་བ་ཞིག་
D3.008.0083a03.01ན། དེ་ནི་དགེ་སློང་མཽད་གལ་གྱི་བུ་དེས་ཁྱོད་བཙུན་མོའི་འཁོར་དང་། གཞོན་ནུ་དང་། བློན་པོ་དང་། གྲོང་རྡལ་གྱི་མི་དང་། ཡུལ་མི་དང་བཅས་པ་ལ་བསམས་པའི་མཐུ་ཡིན་གྱིས་དེ་ལ་སེམས་མངོན་པར་དད་པར་གྱིས་ཤིག །རྒྱལ་པོས་གསོལ་པ། བཅོམ་ལྡན་འདས་དེ་ལྟར་དགེ་
D3.008.0083a04.01སློང་མཽད་གལ་གྱི་བུའི་མཐུ་ལགས་ཤིང་བཅོམ་ལྡན་འདས་ཀྱི་ཡང་མ་ལགས་ཉན་ཐོས་ཆེན་པོ་གཞན་དག་གི་ཡང་མ་ལགས་པར་ཇི་ལྟར་འཚལ་བར་བགྱི། རྒྱལ་པོ་ཆེན་པོ་དེ་ནི་ངའི་མཐུ་ཡང་མ་ཡིན། ཉན་ཐོས་ཆེན་པོ་གཞན་དག་གི་ཡང་མ་ཡིན་ཏེ། འདི་ལྟར་དེ་ནི་དགེ་སློང་མཽད་གལ་
D3.008.0083a05.01གྱི་བུའི་མཐུ་ཡིན་ནོ། །གལ་ཏེ་ཁྱོད་སོམ་ཉི་དང་ཡིད་གཉིས་ཟ་ན་ལྷའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་འདི་དག་ས་ལ་བོར་ཞིག །དེས་དེ་དག་ས་ལ་བོར་བ་དང་། རྡོ་རྗེ་རྩེ་གཅིག་པ་དང་། འཁོར་ལོ་དང་། མདའ་བོ་ཆེ་དང་།
D3.008.0083a06.01མཚོན་རྩེ་གཅིག་ལ་སོགས་པའི་མཚོན་ཤ་སྟག་ཏུ་གྱུར་ཏོ། །དེས་དེ་དག་མཐོང་ནས་ཉམ་ང་བར་གྱུར་ཏེ་གསོལ་པ། བཅོམ་ལྡན་འདས་འདི་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཁྱོད་ཀྱིས་ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་
D3.008.0083a07.01