完整藏文原文 · 德格版页 当前仅加载第 8 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
པ། ཁྱེད་ཅག་འཕགས་པ་ཀཱ་ཏྱཱ་ཡ་ན་ཆེན་པོ་འདོད་པའི་དྲི་ང་བ་མེད་པ་ལ་{བརྫུན་,རྫུན་}གྱིས་སྐུར་པ་འདེབས་པར་བྱེད་དོ། །དེ་དག་གིས་ཡང་སྨྲས་པ། ལྷ་མོ་བཟོད་པ་མཛོད་ཅིག་དང་འགའ་ཡང་བསྙེན་བཀུར་མ་ལགས་པ་བགྱིད་པར་མི་འགྱུར་རོ། །དེས་སྨྲས་པ།
D3.008.0128a01.01དམ་ཚིག་གིས་བཟོད་པར་བྱ་སྟེ། གལ་ཏེ་ཁྱེད་ཅག་ཁོ་མོ་ལ་ཇི་ལྟར་བསྙེན་བཀུར་བྱེད་པ་དེ་ལྟར་འཕགས་པ་ཀཱ་ཏྱཱ་ཡ་ན་ཆེན་པོ་ལ་ཡང་བྱེད་ན་བཟོད་པར་བྱའོ། །དེ་དག་གིས་སྨྲས་པ། ལྷ་མོ་ཆེས་ཁྱད་པར་དུ་འཕགས་པར་བགྱིས་བཟོད་པར་མཛོད་ཅིག །དེས་དེ་དག་ལ་བཟོད་པར་
D3.008.0128a02.01བྱས་སོ། །དེ་དག་གིས་ཀྱང་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་ཆེས་ཁྱད་པར་དུ་འཕགས་པའི་བསྙེན་བཀུར་བྱས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་དེ་ཉིད་དུ་དབྱར་གནས་པར་ཁས་བླངས་ནས་ཁྱེའུ་སྔོ་བསངས་ཁྲིད་དེ་ལྷ་མོ་ལ་སྨྲས་ནས་འཕགས་པ་དང་། ལྷ་མོས་སྨྲས་པ།
D3.008.0128a03.01འཕགས་པ་བདག་ལ་མཚན་མ་ཅུང་ཞིག་སྩོལ་ཅིག་དང་བདག་དེ་ལ་མཆོད་པ་བགྱིད་ཅིང་མཆིས་སོ། །དེས་དེ་ལ་ཁར་ཕོར་བྱིན་ནས་དེས་དེ་ལ་ཁས་ཕུབ་སྟེ་མཆོད་རྟེན་དུ་བྱས་ནས་དུས་སྟོན་བྱེད་དུ་བཅུག་ནས། ཁར་ཕོར་གྱི་དུས་སྟོན་ཁར་ཕོར་གྱི་དུས་སྟོན་ཞེས་བྱ་བའི་མིང་དུ་
D3.008.0128a04.01གྱུར་ཏེ། དེང་སང་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་འཚལ་བར་བྱེད་དོ། །ཁྱེའུ་སྔོ་བསངས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་ཆོས་གོས་ཀྱི་གྲྭ་ནས་འཇུས་ཏེ་དེ་འཕྱང་ཞིང་འགྲོ་བ་བ་ལང་རྫི་དང་ཕྱུགས་རྫི་དག་གིས་མཐོང་ནས། དེ་དག་གིས་འཕྱང་བ་པ་འཕྱང་
D3.008.0128a05.01བ་པ་ཞེས་བྱ་བའི་སྒྲ་ཆེན་པོ་ཕྱུང་བས་ཡུལ་དེའི་མི་རྣམས་ཀྱི་མིང་འཕྱང་བ་པ་འཕྱང་བ་པ་ཞེས་བྱ་བའི་མིང་དུ་གྱུར་ཏོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་རི་བྲགས་ཤིག་ཏུ་ཕྱིན་ནས་དེར་ཁྱེའུ་སྔོ་བསངས་ཤིང་ལྗོན་པའི་དྲུང་དུ་བཞག་སྟེ་བསོད་སྙོམས་ལ་ཞུགས་སོ། །རི་བྲགས་དེ་ན་
D3.008.0128a06.01རྒྱལ་པོ་བུ་མེད་པར་དུས་ལ་བབ་ནས་ཕོ་བྲང་འཁོར་གྱི་མི་དང་བློན་པོ་དང་། ཡུལ་མི་དག་འདུས་ཏེ་སྨྲས་པ། ཤེས་ལྡན་དག་གང་ཞིག་རྒྱལ་པོར་དབང་བསྐུར་བར་བྱ། དེ་ན་ཁ་ཅིག་གིས་སྨྲས་པ། གང་བསོད་ནམས་དང་དབང་ཆེ་བར་གྲགས་པའོ། །ཁ་ཅིག་གིས་སྨྲས་པ།
D3.008.0128a07.01