完整藏文原文 · 德格版页 当前仅加载第 8 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་བདག་དེར་སོང་ན་ཅིར་འགྱུར། དེས་སྨྲས་པ། བུ་དེ་ན་ཁྱིམ་བདག་མགོན་མེད་ཟས་སྦྱིན་འདུག་པ་དེའི་བུས་ཁྱོད་ཀྱི་སྲིང་མོ་ཆུང་མར་བླངས་པས་ཁྱོད་དེར་སོང་ན་སྲིང་མོ་དེ་ཁྱོད་ལ་མཁོ་བ་སྟོབས་པར་འགྱུར་རོ། །ལེགས་འོངས་ཀྱིས་སྨྲས་པ། ཕ་འགྲོའོ། །ཁྱིམ་བདག་དེས་ལེགས་
D3.008.0021b01.01འོངས་ལ་ཀཱཪྵཱ་པ་ཎ་གཉིས་བྱིན་ཏེ་སྨྲས་པ། བུ་ཁོ་བོ་ཟོང་སྒྱུར་གྱི་བར་དུ་ཁྱོད་རེ་ཞིག་འདི་གཉིས་ཟ་ཞིང་སྡོད་ཅིག །ལེགས་འོངས་ཀྱིས་ཀཱཪྵཱ་པ་ཎ་དེ་གཉིས་གོས་ཀྱི་གྲྭར་ཕུར་ཏེ་བཞག་པ་དང་། དེས་ལས་ཀྱི་རྣམ་པར་སྨིན་པས་དེ་གཉིས་ཀྱང་བརྗེད་པར་གྱུར་ཏོ། །ཁྱིམ་བདག་དེས་ཟོང་
D3.008.0021b02.01བསྒྱུར་ཏེ་རིན་བླངས་ནས་ལེགས་འོངས་ཁྲིད་དེ་འཕགས་པ་དང་། ལེགས་འོངས་ཀྱང་དེ་དང་ལྷན་ཅིག་འཕགས་སོ། །ཇི་ཙམ་ན་དོན་མཐུན་དེ་དག་འཐབ་པར་བརྩམས་ཤིང་གླང་དག་ཀྱང་འཐབ་པར་བརྩམས་ནས་དེ་དག་གིས་སྨྲས་པ། ཤེས་ལྡན་དག་བདག་ཅག་སྔན་ཅད་གཅིག་གིས་
D3.008.0021b03.01གཅིག་མཐོང་ན་སྙིང་དུ་སྡུག་ན་དེང་བདག་ཅག་གཅིག་གིས་གཅིག་མཐོང་ན་འཐབ་པར་བརྩམས་ཤིང་གླང་དག་ཀྱང་གཅིག་གིས་གཅིག་མཐོང་ན་འཐབ་པར་རྩོམ་པ་ལས་ན། མ་ལ་འདིར་ཉེས་འོངས་དེ་མ་འོངས་སམ་ཞེས་བལྟས་པ་དང་། ཇི་ཙམ་ན་དེ་དག་གིས་ལེགས་འོངས་དེར་འོངས་པ་
D3.008.0021b04.01མཐོང་ནས་དེ་དག་གིས་སྨྲས་པ། ཤེས་ལྡན་དག་འདི་ནི་ལེགས་འོངས་མ་ཡིན་གྱི་ཉེས་འོངས་ཡིན་ཏེ། འདིའི་ལེ་ལན་གྱིས་བདག་ཅག་འཐབ་པར་བརྩམས་ཤིང་། གླང་དག་ཀྱང་འཐབ་པར་རྩོམ་མོ་ཞེས་དེ་དག་གིས་དེ་བསྐྲད་པར་བརྩམས་པ་དང་། ཁྱིམ་བདག་དེས་སྨྲས་པ། ཤེས་
D3.008.0021b05.01ལྡན་དག་འདི་ནི་ཁོ་བོའི་ཆུང་པོ་གྲོགས་ཀྱི་བུ་ཡིན་གྱིས་འདི་མ་བསྐྲད་ཅིག །དེ་དག་གིས་སྨྲས་པ། ཁྱིམ་བདག་ཁྱོད་ནི་དོན་མཐུན་ལ་དབང་བ་ཡིན་མོད་ཀྱི། བདག་ཅག་འདི་དང་ལྷན་ཅིག་འགྲོ་མི་ཕོད་དེ། གལ་ཏེ་འདི་འགྲོ་ན་བདག་ཅག་མི་འགྲོའོ། །ཁྱིམ་བདག་དེས་ལེགས་འོངས་
D3.008.0021b06.01ལ་སྨྲས་པ། བུ་ཁྱོད་ཕྱི་བཞིན་འབྲང་ཞིང་ཤོག་ཤིག་དང་། ཁོ་བོས་ཁྱོད་ཀྱི་ཕྱིར་ཟན་གཞག་པར་བྱའོ། །ལེགས་འོངས་ཕྱི་བཞིན་འབྲང་ཞིང་འོང་བ་ན་ཁྱིམ་བདག་དེས་ཀྱང་དེའི་དོན་དུ་ཟན་འཇོག་པར་བྱེད་ཅིང་ཁ་ཅིག་ནི་ས་གཞི་ལ་སས་གཡོགས་ཏེ་འཇོག་པར་བྱེད། ཁ་ཅིག་ནི་ཤིང་
D3.008.0021b07.01