完整藏文原文 · 德格版页 当前仅加载第 8 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚོང་པ་རབ་ཏུ་མང་པོ་གཞན་དག་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་སྟེ་འོང་བར་ཐོས་པ་དེའི་ཚེ་ན་དེ་དག་བདག་ཅག་གི་གན་དུ་འོངས་ཤིང་བདག་ཅག་ལས་གཞན་དག་ཟོས་ནས། འདི་ལྟར་སྐྱེས་བུ་ཟ་བ་ན་སྐྲ་དང་། སྤུ་དང་། སེན་མོ་དང་། སོའི་ལྷག་མ་གང་དག་
D3.008.0179b01.01ཡིན་པ་དེ་དག་ཀྱང་མ་ལུས་པར་ཟ་བར་བྱེད་ཅིང་། དེ་དག་སྐྱེས་བུ་ཟ་བ་ན་ཁྲག་དྲོན་མོའི་ཐིགས་པ་ས་ལ་ལྷུང་བ་གང་དག་ཡིན་པ་དེ་དག་ཀྱང་སོར་མོའི་རྩེ་མོས་བྱོགས་ཤིང་བྱོགས་ཤིང་ས་དང་བཅས་བཞིན་དུ་ཁར་འཇུག་པར་བྱེད་དོ། །མ་ཟོས་པ་དེ་དག་གི་ལྷག་མ་ནི་ཁོ་བོ་ཅག་ཡིན་
D3.008.0179b02.01ཏེ། ལྕགས་ཀྱི་མཁར་ཆེན་པོ་འདིར་བཅུག་སྟེ། བཟོད་ལྡན་བུད་མེད་དེ་དག་ནི་སྲིན་མོ་ཡིན་གྱིས་བཟོད་ལྡན་ཁྱོད་ཀྱང་བདག་ཉིད་སྲུངས་ཤིག །སིང་ག་ལས་སྨྲས་པ། ཤེས་ལྡན་དག་གང་གིས་ཁྱེད་ཅག་དང་ཁོ་བོ་ཅག་བདེ་ལེགས་དང་། བདེ་བ་དག་ཏུ་འཛམ་བུའི་གླིང་
D3.008.0179b03.01དུ་ཕྱིན་པར་འགྱུར་བའི་ཐབས་འགའ་ཡོད་དམ། དེ་དག་གིས་སྨྲས་པ། བཟོད་ལྡན་ཁོ་བོ་ཅག་ལ་ནི་གང་གིས་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་འགྱུར་བའི་ཐབས་འགའ་ཡང་མེད་དོ། །དེ་ཅིའི་ཕྱིར་ཞེ་ན། བདག་ཅག་གིས་གལ་ཏེ་འདི་
D3.008.0179b04.01སྙམ་དུ་ཀྱེ་མ་བདག་ཅག་ལྕགས་ཀྱི་གྲོང་ཁྱེར་འདིའི་འོག་བརྟོལ་ཏེ་འབྲོས་སོ་སྙམ་ན། དེ་འོག་ཉིས་འགྱུར་སུམ་འགྱུར་དུ་སྐྱེལ། གལ་ཏེ་འདི་སྙམ་དུ་ཀྱེ་མ་བདག་ཅག་ལྕགས་ཀྱི་གྲོང་ཁྱེར་འདིའི་སྟེང་ནས་རྒལ་ཏེ་འབྲོས་སོ་སྙམ་ན། དེའི་སྟེང་ཉིས་འགྱུར་སུམ་འགྱུར་དུ་སྐྱེ་
D3.008.0179b05.01བའི་ཕྱིར་ཏེ། བཟོད་ལྡན་དེའི་ཕྱིར་ཁོ་བོ་ཅག་ལ་ནི་གང་གིས་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་འགྱུར་བའི་ཐབས་འགའ་ཡང་མེད་དོ། །ཁྱེད་ཅག་ལ་ནི་གང་གིས་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་འགྱུར་བའི་ཐབས་
D3.008.0179b06.01ཡོད་དོ། །ཤེས་ལྡན་དག་གང་གིས་ཁོ་བོ་ཅག་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་འགྱུར་བའི་ཐབས་དེ་གང་ཡིན། བཟོད་ལྡན་འདི་ན་བདག་ཅག་གིས་སྟེང་ན་ལྷ་དག་རྣམ་པར་རྒྱུ་བའི་སྒྲ་ཐོས་པ། ཀྱེ་འཛམ་བུའི་གླིང་པའི་ཚོང་པ་བྱིས་པ་དག་
D3.008.0179b07.01