完整藏文原文 · 德格版页 当前仅加载第 8 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲིན་ཡིག་སྤྲིང་སྟེ་བཙུན་མོའི་འཁོར་ཆོས་ཉན་པར་འཚལ་གྱིས་དེའི་སླད་དུ་དགེ་སློང་མ་འགའ་ཞིག་གཏང་བའི་རིགས་སོ་ཞེས་མཆི་ན་དེའི་སླད་དུ་འདི་ལ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་དགོངས་པ། རྒྱལ་པོ་ཨུ་ཏྲ་ཡ་ནའི་བཙུན་མོའི་འཁོར་གྱི་
D3.008.0110a01.01བུད་མེད་དང་གྲོང་ཁྱེར་སྒྲ་སྒྲོགས་ན་གནས་པའི་བུད་མེད་རྣམས་དགེ་སློང་མ་གང་གིས་གདུལ་བ་ཡིན་སྙམ་དུ་དགོངས་ན། དགེ་སློང་མ་རི་མའི་གདུལ་བ་ཡིན་པར་གཟིགས་ནས་དེ་ནས་བཅོམ་ལྡན་འདས་ཀྱིས་དགེ་སློང་མ་རི་མ་ལ་བཀའ་སྩལ་པ། རི་མ་གྲོང་ཁྱེར་སྒྲ་སྒྲོགས་ན་རྒྱལ་པོ་
D3.008.0110a02.01ཨུ་ཏྲ་ཡ་ནའི་བཙུན་མོའི་འཁོར་གྱི་བུད་མེད་དང་། སྒྲ་སྒྲོགས་ན་གནས་པའི་བུད་མེད་རྣམས་ལ་སོམས་ཤིག །དགེ་སློང་མ་རི་མས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་
D3.008.0110a03.01འདས་ཀྱི་སྤྱན་སྔ་ནས་སོང་ངོ་། །དེ་ནས་དགེ་སློང་མ་རི་མ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །རྒྱལ་པོའི་ཁབ་ཏུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་
D3.008.0110a04.01བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱད་པའི་གནས་མལ་མཁོས་སུ་ཕབ་སྟེ། ལྷུང་བཟེད་དང་ཆོས་གོས་ཐོགས་ནས་འཁོར་ལྔ་བརྒྱ་དང་གྲོང་ཁྱེར་སྒྲ་སྒྲོགས་ག་ལ་བ་དེར་སོང་ངོ་། །རྒྱལ་པོ་གཟུགས་ཅན་སྙིང་པོས་ཀྱང་རྒྱལ་པོ་ཨུ་ཏྲ་ཡ་ན་ལ་ཕྲིན་ཡིག་འདི་སྐད་ཅེས་
D3.008.0110a05.01ཤེད་མཐུན་དགྱེས་པ་ཁྱོད་ཀྱི་ཕྱིར་བདག་གིས་ཉན་ཐོས་མ་ཆེན་མོ་སྟོན་པས་བསྔགས་པ་འདི་འཁོར་ལྔ་བརྒྱ་དང་གཏང་གིས་ཁྱོད་ཀྱིས་ཀྱང་དཔག་ཚད་ཕྱེད་དང་གསུམ་དུ་ལམ་དང་གྲོང་ཁྱེར་མཛེས་པར་བྱ་ཞིང་བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་བར་བྱ་སྟེ།
D3.008.0110a06.01གྲོང་ཁྱེར་གྱི་ནང་དུ་དབྱར་ཁང་ལྔ་བརྒྱ་ཡང་བྱེད་དུ་གཞུག་པར་བྱ། ཁྲི་དང་ཁྲིའུ་དང་། སྟན་ནང་ཚངས་ཅན་དང་། ལ་བ་དང་སྔས་དང་། གོར་བུ་ལྔ་བརྒྱ་ཡང་འབུལ་བར་བྱ། བསོད་སྙོམས་ལྔ་བརྒྱ་ཡང་སྦྱོར་དུ་གཞུག་པར་བྱ་སྟེ། དེས་ན་ཁྱོད་ཀྱིས་བསོད་ནམས་ཆེན་པོ་འཐོབ་
D3.008.0110a07.01