完整藏文原文 · 德格版页 当前仅加载第 8 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
ཕོ་ཡིན་པས་དེས་ཁྱེད་ཀྱི་ཆུང་མ་བླངས་སོ་ཅོག་དང་པོར་དགའ་མགུར་སྤྱད་དེ། ཁྱེད་ཅག་ཕྱིས་དེའི་མི་གཙང་བ་འཁྲུ་བར་བྱེད་དོ། །དེ་དག་གིས་སྨྲས་པ། ཤེས་ལྡན་དག་འདིས་བདག་ཅག་གནས་སུ་སྤྱོས་ན། འདི་ལ་བདག་ཅག་གིས་ཇི་ལྟར་
D3.008.0152a01.01བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་ལ་གཞན་བསྒྲུབ་ཏུ་ཅི་ཡོད་འབྲོག་གནས་གསད་པར་བྱའོ། །གཞན་དག་གིས་སྨྲས་པ། དེ་ཇི་ལྟར་གསད་པར་བྱ་བ་དཔྱད་པར་བྱའོ་ཞེས་དེ་དག་དེ་ལྟར་གྲོས་བྱེད་པ་ན་ཁྱིམ་བདག་གཞན་ཞིག་གི་རྫིང་བུ་འབུལ་བ་ཉེ་
D3.008.0152a02.01བར་གྱུར་ནས། དེ་དག་གིས་སྨྲས་པ། ཤེས་ལྡན་དག་ཁྱིམ་བདག་ཆེ་གེ་མོ་ཞིག་གི་རྫིང་བུ་འབུལ་བ་ཉེ་བར་གྱུར་པས་དེར་དེ་མགྲོན་དུ་བོས་པའི་ཚེ་གསད་པར་བྱའོ། །ཇི་ཙམ་ན་ཁྱིམ་བདག་དེས་རྫིང་བུ་འབུལ་བའི་ཚེ་དེ་མགྲོན་དུ་བོས་པ་དང་། དེས་ཀྱང་དང་དུ་བླངས་
D3.008.0152a03.01སོ། །རྒྱལ་པོ་གཟུགས་ཅན་སྙིང་པོས་དྲིལ་བསྒྲག་པ་བྱེད་དུ་བཅུག་སྟེ། ཕྱོགས་སུ་བསྒོ་བ། ངའི་ཡུལ་དུ་དགེ་སློང་གང་ལ་ལ་ཞིག་འོང་བར་གྱུར་ན། དེ་གལ་ཏེ་ངའི་མཛོད་དང་། ཁྱིམ་ན་བཟའ་བ་དང་བཏུང་བ་ཡོད་ན་ཟན་སྦྱིན་པར་བྱའོ། །གལ་ཏེ་མེད་ན་
D3.008.0152a04.01སུས་མཐོང་བ་རང་གིས་བྱིན་ཅིག་དང་ཕྱིས་སྐྱིན་པ་ཉིས་གྱུར་ཏུ་སྦྱིན་ནོ་ཞེས་བཙིགས་ཡིག་ཏུ་ཡང་བྲིས་ཏེ་བཞག་གོ། །བར་དུ་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་མ་ག་དྷཱ་དག་ཏུ་ལྗོངས་རྒྱུ་ཞིང་འདོང་བ་ན་འབྲོག་གནས་སུ་ཕྱིན་ཏོ། །གྲོང་
D3.008.0152a05.01དཔོན་འབྲོག་གནས་ཀྱིས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་མ་ག་དྷཱ་དག་ཏུ་ལྗོངས་རྒྱུ་ཞིང་འདོང་བ་ན་འབྲོག་གནས་སུ་ཕྱིན་ཅེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། རྒྱལ་པོ་གཟུགས་ཅན་སྙིང་པོ་དེ་བསོད་ནམས་དག་གིས་ངོམས་
D3.008.0152a06.01མི་མྱོང་བས་སྦྱིན་པ་དག་སྦྱིན་བསོད་ནམས་དག་བྱེད་ན། བདག་གིས་ཀྱང་ཅིའི་ཕྱིར་སྦྱིན་པ་དག་མི་སྦྱིན། བསོད་ནམས་དག་མི་བྱ་སྙམ་དུ་རིག་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་ག་ལ་བ་དེར་སོང་སྟེ་ཕྱིན་ནས་རྐང་པ་གཉིས་ལ་མགོ་
D3.008.0152a07.01