完整藏文原文 · 德格版页 当前仅加载第 8 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་པས་ལྷུང་བཟེད་དང་ཆོས་གོས་ཐོགས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D3.008.0118b01.01བཙུན་པ་བདག་གྲོང་ཁྱེར་སྒྲ་སྒྲོགས་སུ་ལྗོངས་རྒྱུ་ཞིང་མཆི་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཨུ་ཏྲ་ཡ་ན་སོང་ལ་ཁྱོད་ཀྱིས་ལས་བདག་གིར་བྱ་བ་ཡིད་ལ་བྱའོ། །དེ་ནས་ཚེ་དང་ལྡན་པ་ཨུ་ཏྲ་ཡ་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
D3.008.0118b02.01ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་ཚེ་དང་ལྡན་པ་ཨུ་ཏྲ་ཡ་ན་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །རྒྱལ་པོའི་ཁབ་ཏུ་བསོད་སྙོམས་བརྒྱུས་
D3.008.0118b03.01ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པར། ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་སྟེ་ལྷུང་བཟེད་དང་ཆོས་གོས་ཐོགས་ནས་ལས་ཀྱི་སྟོབས་ཀྱིས་བདས་ཏེ་སོང་ངོ་། །ལས་ཀྱིས་རིང་དུ་འདྲེན་བྱེད་དེ། །རིང་ལས་ལས་ཀྱིས་འདྲེན་པར་བྱེད། །
D3.008.0118b04.01གང་དུ་ལས་རྣམས་སྨིན་འགྱུར་བ། །དེར་ནི་ལས་ཀྱིས་རབ་ཏུ་འདྲེན། །དེ་གྲོང་ཁྱེར་སྒྲ་སྒྲོགས་ག་ལ་བ་དེར་སོང་ནས་མཐར་གྱིས་རྒྱུ་ཞིང་འགྲོ་བ་ན་ལམ་ཀ་ན་རི་བྲགས་ཤིག་ཡོད་པ་དེར་བསོད་སྙོམས་ལ་ཞུགས་ནས་དེ་དེ་ནས་བསོད་སྙོམས་བརྒྱུས་ཏེ་སོང་བ་དང་། མི་གཤེད་མ་པ་
D3.008.0118b05.01དེ་དག་དང་ཕྲད་ནས་དེ་དག་གིས་དེ་མཐོང་ངོ་། །དེས་ཀྱང་དེ་དག་ངོ་ཤེས་ནས་དེ་དག་དང་ལྷན་ཅིག་སྐྱེད་མོས་ཚལ་ཞིག་ཏུ་མཚན་མོ་གནས་པར་ཁས་བླངས་ནས་དེས་དེ་དག་ལ་དྲི་བར་བརྩམས་པ། ཇི་ལྟ་སྒྲ་སྒྲོགས་དག་ན་གཙུག་པུད་ཅན། །འཁོར་དང་ཚོགས་བཅས་སྟོབས་
D3.008.0118b06.01ལྡན་ནད་མེད་དམ། །དེ་ལ་ཕས་ཀྱི་སྡོ་བ་འགའ་མེད་ཅིང་། །རང་གི་རྒྱལ་སྲིད་ཆོས་ཀྱིས་བྱེད་འཇུག་གམ། །དེ་དག་གིས་སྨྲས་པ། ལྷ་དེ་བཞིན་སྒྲ་སྒྲོགས་དག་ན་གཙུག་པུད་ཅན། །འཁོར་དང་ཚོགས་བཅས་སྟོབས་ལྡན་བྲོ་མ་འཚལ། །དེ་ལ་ཕས་ཀྱི་སྡོ་བ་མ་མཆིས་ཏེ། །
D3.008.0118b07.01