完整藏文原文 · 德格版页 当前仅加载第 8 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་། {ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག་གོ་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་
D3.008.0079b01.01བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང་། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་
D3.008.0079b02.01ཕ་རོལ་རྒལ་བར་གྱུར། །འགྲོ་བར་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བ་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །ཞེས་སྨྲས་ཏེ་སྟན་ལས་ལངས་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལན་གསུམ་
D3.008.0079b03.01བསྐོར་བ་བྱས་ཏེ་ཞབས་གཉིས་ལ་མགོ་བོས་ཕྱག་འཚལ་ནས་སོང་ངོ་། །གང་གི་ཚེ་རྒྱལ་པོ་ཀྲྀ་ཀཱིས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་བདེན་པ་དག་མཐོང་བ་དེའི་ཚེ་ན་དེ་དོན་གྱི་གནས་སུ་འདུག་སྟེ། བློན་པོ་དང་གྲོང་ཁྱེར་པ་དང་། ཡུལ་མི་རྣམས་ལ་སྨྲས་པ།
D3.008.0079b04.01ཀྭའི་བློན་པོ་དང་། གྲོང་ཁྱེར་པ་དང་། ཡུལ་མི་དག་ཉོན་ཅིག །ངས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་བདེན་པ་དག་མཐོང་བས་ད་ངས་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་མི་ནུས་ཀྱིས་དེའི་ཕྱིར་ཁྱེད་ཀྱིས་གཞོན་ནུ་ལེགས་
D3.008.0079b05.01སྐྱེས་རྒྱལ་སྲིད་ཀྱི་དབང་ཕྱུག་གི་བདག་པོར་ཞོག་ཤིག །ང་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྲ་དང་། ཁ་སྤུ་དག་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་ལ་བློན་པོའི་མཆོག་དགའ་
D3.008.0079b06.01བོ་དང་། ཉེ་དགའ་ཞེས་བྱ་བ་གཉིས་ཤིག་ཡོད་པ་དེ་གཉིས་ཀྱིས་དེའི་རྐང་པ་གཉིས་ལ་གཏུགས་ཏེ་སྨྲས་པ། ལྷས་མཚན་མ་ཙམ་འབའ་ཞིག་མཛོད་ཅིག་དང་བདག་ཅག་གཉིས་ཀྱིས་ཆོས་ཀྱིས་ལྷའི་རྒྱལ་སྲིད་བགྱིད་དུ་སྩལ་ཏོ། །རྒྱལ་པོས་སྨྲས་པ། གལ་ཏེ་དེ་ལྟ་ན་བྱེད་
D3.008.0079b07.01