完整藏文原文 · 德格版页 当前仅加载第 8 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་འདི་སྐད་ཅེས་གསོལ་ཏོ། །བཙུན་པ་བདག་སླད་རོལ་དུ་མཆིས་པ་དང་། སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་བཟུང་ནས་བསྡིགས་ཏེ། དེ་དག་བདག་ལ་འདི་སྐད་ཅེས་ཁྱིམ་བདག་ཅི་ཁྱོད་གསོན་ནམ་འཆི་ཞེས་མཆི་ནས་བདག་གིས་དེ་དག་ལ་འདི་སྐད་ཅེས་ཤེས་ལྡན་དག་
D3.008.0098b01.01ཁྱེད་ཀྱིས་ཇི་ལྟར་བསམས་པའོ་ཞེས་བགྱིས་པ་དང་། དེ་དག་བདག་ལ་འདི་སྐད་ཅེས་ཁྱིམ་བདག་གལ་ཏེ་དེ་ལྟ་ན་ཁོ་བོ་ཅག་ཁྱིམ་བདག་སྡུམས་བྱེད་ལ་ནོར་བརྒྱའམ། སྟོང་གིས་རྒོལ་ཞིང་རྟོག་གིས་ཁྱོད་ཀྱིས་ཆེ་བཞི་ཕྱེ་ཤིག་ཅེས་མཆི་ནས། བདག་གིས་དེ་དག་ལ་འདི་སྐད་ཅེས་ཤེས་
D3.008.0098b02.01ལྡན་དག་ཅི་ཡང་དག་པས་སམ། ཡང་དག་པ་མ་ཡིན་པས་ཞེས་བགྱིས་ན། དེ་དག་བདག་ལ་འདི་སྐད་ཅེས་ཁྱིམ་བདག་ཡང་དག་པ་མ་ཡིན་པས་སོ་ཞེས་མཆི་ནས། བདག་གིས་དེ་དག་ལ་འདི་སྐད་ཅེས་ཤེས་ལྡན་དག་ཁོ་བོ་ཡང་དག་པ་མ་ཡིན་པས་ཆེ་བཞི་མི་འབྱེད་དེ། ཁོ་བོས་ཚེ་གཅིག་
D3.008.0098b03.01གི་སྡུག་བསྔལ་ལས་ཐར་བར་བྱ་བའི་དོན་དུ་ཚེ་རབས་མང་པོའི་སྡུག་བསྔལ་བསྐྱེད་པར་མི་ནུས་སོ་ཞེས་བགྱིས་པ་དང་། དེ་དག་བདག་ལ་འདི་སྐད་ཅེས་ཁྱིམ་བདག་གལ་ཏེ་རེ་ཞིག་ཆེ་བཞི་འབྱེད་ན་དེ་ལྟ་ན་ལེགས། གལ་ཏེ་མི་འབྱེད་ན་ཁོ་བོ་ཅག་གིས་ཁྱོད་མགོ་དྲུངས་ནས་བཅད་དེ་ས་ལ་བསྒྱེལ་
D3.008.0098b04.01བར་བྱའོ་ཞེས་མཆི་ནས། བདག་གིས་ཚིགས་སུ་བཅད་པ་འདི་སྐད་ཅེས། ཁོ་བོ་ཆོས་ལ་གནས་ན་མྱུར་དུ་ཤི་ཡང་བླ། །ཆོས་ལ་རྒྱབ་ཀྱིས་ཕྱོགས་ན་གསོན་པར་མ་གྱུར་ཅིག །ཆོས་ལ་གནས་པ་སུམ་བཅུ་ལྷ་ཡི་བདེ་བ་སྤྱོད། །ཆོས་ལས་ཉམས་པ་མི་བཟད་འཇིགས་པའི་ངན་སོང་ལྟུང་། །
D3.008.0098b05.01ཞེས་སྨྲས་པ་དང་། དེ་དག་གིས་བདག་གི་རྐང་པ་གཉིས་ལ་གཏུགས་ཏེ། བདག་ལ་འདི་སྐད་ཅེས་ཁྱིམ་བདག་བདག་ཅག་ལ་མི་འཇིགས་པ་སྩོལ་ཅིག་ཅེས་མཆི་ནས། བདག་གིས་དེ་དག་ལ་འདི་སྐད་ཅེས་སྦྱིན་ནོ་ཞེས་བགྱིས་ཏེ། བཙུན་པ་བདག་ཕོངས་པར་གྱུར་པས་ཀྱང་ཆོས་ཡོངས་སུ་
D3.008.0098b06.01མ་བཏང་སྟེ། བདག་གིས་ཕོངས་པར་གྱུར་པ་ན་ཆོས་སྤྱད་པ་ངོ་མཚར་མི་ཆེའམ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཕོངས་པར་གྱུར་པ་ན་ཆོས་སྤྱད་པ་ངོ་མཚར་ཆེའོ། །དེ་ནས་བཅོམ་ལྡན་འདས་ལ་རྒྱལ་བུ་ནག་པོས་འདི་སྐད་ཅེས་གསོལ་ཏོ། །བཙུན་པ་བདག་ཡན་
D3.008.0098b07.01