完整藏文原文 · 德格版页 当前仅加载第 8 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་མཐར་གྱིས་བསོད་སྙོམས་ལ་རྒྱུ་བ་ན་གཏུམ་མོའི་ཁྱིམ་དུ་འཇུག་པར་བརྩམས་པ་དང་། དེ་འཇུག་པ་གཏུམ་མོས་མཐོང་ནས་དེས་བུ་མོ་མངག་གཞུག་མ་ལ་སྨྲས་པ།
D3.008.0057b01.01བུ་མོ་དགེ་སྦྱོང་འདི་སྐྲོད་ཅིག །དེས་བསྐྲད་པ་དང་། ཚེ་དང་ལྡན་པ་འཆར་ཀ་ཆེས་དང་པོར་ནང་དུ་ཞུགས་ཤིང་བུ་མོ་མངག་གཞུག་མ་ཕྱིས་ཞུགས་སོ། །དེ་གཏུམ་མོས་ཡང་མཐོང་ནས་དེས་བུ་མོ་མངག་གཞུག་མ་ལ་སྨྲས་པ། བུ་མོ་ཁྱོད་ཀྱིས་དགེ་སྦྱོང་འདི་མ་བསྐྲད་དམ། དེས་སྨྲས་པ།
D3.008.0057b02.01བསྐྲད་དོ། །འོ་ན་འདི་ག་ལས་ཞུགས། ཡང་སྐྲོད་ལ་སྒོ་ཆོད་ཅིག །དེས་དེ་བསྐྲད་དེ་སྒོ་བཅད་ནས་ཞུགས་པ་དང་། ཚེ་དང་ལྡན་པ་འཆར་ཀ་ཆེས་དང་པོར་ཞུགས་སོ། །དེ་གཏུམ་མོས་ཡང་མཐོང་ནས་དེས་བུ་མོ་མངག་གཞུག་མ་ལ་སྨྲས་པ། བུ་མོ་ཁྱོད་ཀྱིས་དགེ་སྦྱོང་འདི་བསྐྲད་དེ་
D3.008.0057b03.01སྒོ་མ་བཅད་དམ། དེས་སྨྲས་པ། བསྐྲད་དེ་སྒོ་བཅད་དོ། །འོ་ན་འདི་གང་ནས་ཞུགས། དེ་ནས་གཏུམ་མོས་སྨྲས་པ། དགེ་སྦྱོང་ཅི་སློང་། ཚེ་དང་ལྡན་པ་འཆར་ཀས་སྨྲས་པ། ཁུར་བའོ། །གཏུམ་མོས་སྨྲས་པ། ཁྱོད་བུ་ཐུ་བོར་གྱུར་ཏེ་འོངས་ན་ཁྱོད་ལ་ཁུར་བ་ཅིའི་ཕྱིར་མི་སྦྱིན།
D3.008.0057b04.01ཚེ་དང་ལྡན་པ་འཆར་ཀས་བུ་ཐུ་བོར་སྤྲུལ་ཏེ་འོངས་པ་དང་། གཏུམ་མོས་སྨྲས་པ། གལ་ཏེ་ལག་པ་དང་རྐང་པ་དག་སེར་པོར་བྱས་ཀྱང་ཁྱོད་ལ་ཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་ལག་པ་དང་རྐང་པ་དག་སེར་པོར་སྤྲུལ་པ་དང་། གཏུམ་མོས་སྨྲས་པ། གལ་ཏེ་མིག་
D3.008.0057b05.01གཉིས་ཁར་ཕོར་ལྟ་བུར་ལྟ་ན་ཡང་ཁྱོད་ལ་ཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་མིག་གཉིས་ཁར་ཕོར་ལྟ་བུར་སྤྲུལ་པ་དང་། གཏུམ་མོས་སྨྲས་པ། གལ་ཏེ་ནམ་མཁའ་ལ་དྲིལ་བུ་བཞིན་དུ་ཁྲ་ལ་ལ་འཁྲོལ་ཞིང་འདུག་ན་ཡང་ཁྱོད་ལ་ཁུར་བ་མི་སྦྱིན་ནོ། །ཚེ་དང་ལྡན་པ་
D3.008.0057b06.01འཆར་ཀས་ནམ་མཁའ་ལ་དྲིལ་བུ་བཞིན་དུ་ཁྲ་ལ་ལ་འཁྲོལ་ཞིང་འདུག་པ་དང་། གཏུམ་མོས་སྨྲས་པ། གལ་ཏེ་ཁྱོད་ཕྱེད་ཕྱེད་དུ་དུམ་བུ་གཉིས་སུ་གས་ཀྱང་ཁྱོད་ལ་ཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་བདག་ཉིད་ཕྱེད་ཕྱེད་དུ་དུམ་བུ་གཉིས་སུ་གས་པར་སྤྲུལ་ཏེ་ས་ལ་སྒྱེལ་བ་
D3.008.0057b07.01