完整藏文原文 · 德格版页 当前仅加载第 8 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་སོ་སོར་བྱེ་བ་དང་ལེགས་འོངས་ནི་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་འོངས་ལ་གཞན་ཐམས་ཅད་ལག་པ་གང་བ་དང་། སྤྲང་ཕོར་གང་བར་གྱུར་ཏེ་འོངས་ནས་དེ་དག་གིས་སྨྲས་པ། སེམས་ཅན་སྐལ་ཆད་འདི་བདག་ཅག་གི་ནང་དུ་ཞུགས་པས་དེས་ན་
D3.008.0021a01.01བདག་ཅག་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་ལྷགས་སོ་ཞེས་དེ་དག་གིས་ལེགས་འོངས་ཤིན་ཏུ་བརྡེགས་ཏེ་བསྐྲད་དོ། །མཉན་ཡོད་ན་ཁྱིམ་བདག་རྟོགས་ལྡན་གྱི་ཆུང་པོ་གྲོགས་ཁྱིམ་བདག་ཅིག་འདུག་པ་དེ་ཟོང་ཐོགས་ཏེ་ཆུ་སྲིན་བྱིས་པ་གསོད་ཀྱི་རིར་ཕྱིན་ནས་ཁྱིམ་
D3.008.0021a02.01བདག་དེས་ལེགས་འོངས་ལག་ན་སྤྲང་ཕོར་ཐོགས་ཏེ། སྲང་དུ་སོང་བ་མཐོང་ནས་དེས་བཞིན་གཟུགས་ལས་དེ་ངོ་ཤེས་ནས་དེས་དེ་ལ་སྨྲས་པ། བུ་ཁྱོད་ཁྱིམ་བདག་རྟོགས་ལྡན་གྱི་བུ་མ་ཡིན་ནམ། ལེགས་འོངས་ཀྱིས་སྨྲས་པ་ཡིན་ནོ། །དེས་སྨྲས་པ། ཁྱོད་ཀྱི་ཕ་མ་གཉིས་གར་
D3.008.0021a03.01སོང་། ལེགས་འོངས་ཀྱིས་སྨྲས་པ། དུས་ལ་བབ་བོ། །དེས་སྨྲས་པ། དེའི་ཁྱིམ་དང་། བང་མཛོད་ཀྱི་རྣམ་པ་དང་། ཞིང་གི་རྣམ་པ་དང་། ནོར་གྱི་རྣམ་པ་དང་། འབྲུའི་རྣམ་པ་དག་ག་རེ། ལེགས་འོངས་ཀྱིས་སྨྲས་པ། ཐམས་ཅད་མེས་ཚིག་གོ། །དེས་སྨྲས་པ། གྲོང་པའི་
D3.008.0021a04.01མི་གང་དག་ཟོང་ཐོགས་ཏེ་ཡུལ་གཞན་དུ་དོང་བ་དག་གར་དོང་། ལེགས་འོངས་ཀྱིས་སྨྲས་པ། ཁ་ཅིག་ནི་རྒྱ་མཚོ་ཆེན་པོར་གྲུ་བོ་ཆེ་ཞིག་པར་གྱུར། ཁ་ཅིག་ནི་ཟོང་ཟོང་མ་ཡིན་པར་གྱུར། ཁ་ཅིག་ནི་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར། ཁ་ཅིག་ནི་དེ་ཉིད་དུ་འཁོད་དེ་
D3.008.0021a05.01ཚིག་ཀྱང་མི་སྟེར་རོ། །དེས་སྨྲས་པ། ཉེ་དུ་དག་གར་དོང་། ལེགས་འོངས་ཀྱིས་སྨྲས་པ། ཁ་ཅིག་ནི་དུས་ལ་བབ། ཁ་ཅིག་ནི་བྲོས། ཁ་ཅིག་ནི་དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །དེས་སྨྲས་པ། བྲན་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དག་གར་དོང་།
D3.008.0021a06.01ལེགས་འོངས་ཀྱིས་སྨྲས་པ། ཁ་ཅིག་ནི་དུས་ལ་བབ། ཁ་ཅིག་ནི་བྲོས། ཁ་ཅིག་ནི་དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །ཁྱིམ་བདག་དེས་དེ་ཐོས་ནས་མཆི་མས་བརྣངས་ཏེ་འདུག་ནས་དེས་སྨྲས་པ། བུ་ཁོ་བོ་དང་ལྷན་ཅིག་མཉན་ཡོད་དུ་འདོང་ངོ་། །ལེགས་འོངས་ཀྱིས་སྨྲས་པ།
D3.008.0021a07.01