完整藏文原文 · 德格版页 当前仅加载第 8 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ཟ་བར་འགྱུར་ཏེ། འདི་ལྟར་སྐྱེས་བུ་ཟ་བ་ན་སྐྲ་དང་། སྤུ་དང་སེན་མོ་དང་། སོའི་ལྷག་མ་གང་དག་ཡིན་པ་དེ་དག་ཀྱང་མ་ལུས་པར་ཟ་བར་འགྱུར་ལ། དེ་དག་སྐྱེས་བུ་ཟ་བ་ན་ཁྲག་དྲོན་མོའི་ཐིགས་པ་ས་ལ་ལྷུང་བ་གང་དག་ཡིན་པ་དེ་དག་ཀྱང་སོར་མོའི་
D3.008.0182a01.01རྩེ་མོས་བྱོགས་ཤིང་བྱོགས་ཤིང་ས་དང་བཅས་པར་ཁར་འཇུག་པར་འགྱུར་རོ། །དེ་ལ་ཁྱེད་ཅག་ལས་གང་དག་འདི་སྙམ་དུ་བདག་གི་ཆུང་མའམ། བུའམ་བུ་མོའམ། ཟས་ཀྱི་གནས་དག་གམ། སྐོམ་གྱི་གནས་དག་གམ། གོས་ཀྱི་གནས་དག་གམ། གནས་མལ་
D3.008.0182a02.01གྱི་གནས་དག་གམ། ཀུན་དགའ་ར་བ་དགའ་བར་འགྱུར་བ་དག་གམ། ནགས་ཚལ་དགའ་བར་འགྱུར་བ་དག་གམ། རྫིང་བུ་དགའ་བར་འགྱུར་བ་དག་གམ། འཛམ་བུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང་། མུ་ཏིག་དག་དང་། བཻ་ཌཱུརྱ་དག་དང་།
D3.008.0182a03.01མན་ཤེལ་དཀར་པོ་དག་དང་། བྱི་རུ་དག་དང་། དངུལ་དག་དང་། གསེར་དག་དང་། རྡོའི་སྙིང་པོ་དག་དང་། སྤུག་དག་དང་། དམར་པོ་དག་དང་། གཡས་སུ་འཁྱིལ་པ་དག་ཡིན་ནོ་སྙམ་དུ་མི་སེམས་པ་དེ་དག་ནི་ངའི་སྤུ་དག་ལ་འཇུས་པར་གྱུར་དུ་ཟིན་ཀྱང་དེ་དག་བདེ་
D3.008.0182a04.01ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་འགྱུར་རོ་ཞེས་ལེགས་པར་ཤིན་ཏུ་ཡང་དག་པར་བསྒོ། ཡང་དག་པར་བསྟན་ཏོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་འཛམ་བུའི་གླིང་པའི་ཚོང་པ་རབ་ཏུ་མང་པོ་ལ་ལེགས་པར་ཤིན་ཏུ་ཡང་དག་པར་བསྒོ།
D3.008.0182a05.01ཡང་དག་པར་བསྟན་ནས་རྒྱབ་བཟེད་པ་དང་། དེ་ནས་འཛམ་བུའི་གླིང་པའི་ཚོང་པ་རབ་ཏུ་མང་པོ་དེ་དག་ལས་ཁ་ཅིག་ནི་རྟའི་རྒྱལ་པོ་སྤྲིན་གྱི་ཤུགས་ཅན་གྱི་རྒྱབ་ཏུ་ཞོན། ཁ་ཅིག་ནི་གཤུལ་དུ་ཞོན། ཁ་ཅིག་ནི་སྤུ་དག་ལ་འཇུས་སོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་
D3.008.0182a06.01མཐར་གྱིས་ལུས་ཀྱི་མཐུ་དང་སྟོབས་བསྐྱེད་ནས། དེའི་འོག་ཏུ་སྟེང་གི་ནམ་མཁའ་ལ་སོང་ངོ་། །སྲིན་མོ་དེ་དག་གི་ཕོངས་པའི་གནས་དང་མཐུན་པའི་རྒྱལ་མཚན་གཡོ་བར་བརྩམས་པ་དང་། དེ་དག་གིས་བསམས་པ། འདི་ལྟར་བདག་ཅག་གི་ཕོངས་པའི་གནས་དང་
D3.008.0182a07.01