完整藏文原文 · 德格版页 当前仅加载第 8 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
རྡལ་གྱི་མི་དང་། ཡུལ་མི་དང་། བྲམ་ཟེ་དག་ལ་སྨྲས་པ། ཤེས་ལྡན་དག་ང་རྒྱལ་བྱེད་ཀྱི་ཚལ་དུ་ཞུགས་ཚུན་ཆད་ནས་ལྷའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་དག་གིས་གང་བཞིན་དུ་ཁྱིམ་དུ་ཞུགས་པ་འདི་ཅི་ཡིན་སུ་ཡི་མཐུ་ཡིན།
D3.008.0082b01.01དེ་ན་གང་དག་སྙན་པ་དང་འཇམ་པར་སྨྲ་བ་ལ་མཁས་པ་དེ་དག་གིས་སྨྲས་པ། ལྷ་གཞན་སུ་ཞིག་གིས་འདི་འཚལ་བར་འགྱུར། འདི་གཞན་སུ་ཞིག་གི་མཐུ་ལགས། འདི་ལྟར་ལྷ་ཉིད་ཆོས་ཀྱིས་རྒྱལ་སྲིད་བགྱིད་དུ་སྩོལ་བས་འདི་ལྷ་ཉིད་ཀྱི་མཐུ་ལགས་སོ། །རྒྱལ་པོས་སྨྲས་པ།
D3.008.0082b02.01ཤེས་ལྡན་དག་དེ་བདེན་ཏེ། ད་ཆོས་ཀྱིས་རྒྱལ་སྲིད་བྱེད་དུ་འཇུག་པས་འདི་གོར་མ་ཆག་པར་ངའི་མཐུ་ཡིན་ནོ། །བཙུན་མོའི་འཁོར་གྱིས་སྨྲས་པ། བདག་ཅག་ལྷ་ལས་གཞན་པའི་སྐྱེས་པའི་གན་དུ་མི་མཆི་ཞིང་བདག་པོ་ལས་མི་འཕྱོ་བས་འདི་ནི་བདག་ཅག་གི་མཐུ་ལགས་སོ། །
D3.008.0082b03.01གཞོན་ནུ་རྣམས་ཀྱིས་སྨྲས་པ། བདག་ཅག་ཡབ་ཡུམ་ལ་གུས་ཤིང་སྲི་ཞུ་ཆེ་བས་འདི་ནི་བདག་ཅག་གི་མཐུ་ལགས་སོ། །བློན་པོ་རྣམས་ཀྱིས་སྨྲས་པ། བདག་ཅག་ཆོས་ཀྱིས་ལྷའི་རྒྱལ་སྲིད་བགྱིད་དུ་སྩོལ་བས་འདི་ནི་བདག་ཅག་གི་མཐུ་ལགས་སོ། །ཁྲོམ་གྱི་རུ་སྣ་དག་གིས་
D3.008.0082b04.01སྨྲས་པ། བདག་ཅག་ལྷའི་བཀའ་ཆོས་དང་ལྡན་པར་སྒྲུབ་པར་བགྱིད་པས་འདི་ནི་བདག་ཅག་གི་མཐུ་ལགས་སོ། །གྲོང་རྡལ་གྱི་མི་དང་ཡུལ་གྱི་མི་དག་གིས་སྨྲས་པ། བདག་ཅག་ལྷ་ལ་ཆོས་དང་ལྡན་པར་དཔྱ་འབུལ་བས་འདི་ནི་བདག་ཅག་གི་མཐུ་ལགས་སོ། །རྒྱལ་
D3.008.0082b05.01པོས་བསམས་པ། འདི་དག་སོ་སོ་ནས་བདག་ཅག་གི་མཐུའོ། །བདག་གི་མཐུའོ་ཞེས་ཟེར་ན་སུའི་མཐུ་ཡིན་པ་མི་ཤེས་ཀྱིས། འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་ལ་བླ་ན་མེད་པའི་
D3.008.0082b06.01མངའ་བརྙེས་པ་ཡིན་གྱིས་སངས་རྒྱས་བཅོམ་ལྡན་འདས་ལ་ཞུར་འགྲོའོ་སྙམ་དུ་རིག་ནས་ལྷའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་དེ་དག་གིས་ཐུ་བ་བཀང་ནས་བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་
D3.008.0082b07.01