完整藏文原文 · 德格版页 当前仅加载第 8 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
བཏང་བ་དག་གི་ནང་དུ་དུས་ལ་བབ་པས་འཇིག་རྟེན་ནི་གཙང་སྦྲ་འདོད་པ་ཡིན་པས། གལ་ཏེ་སྐྱེ་བོ་དག་གིས་ཚོར་བར་གྱུར་ན་འགའ་ཡང་སྣོད་ཉོ་བར་མི་འགྱུར་རོ་སྙམ་ནས། དེས་རང་སངས་རྒྱས་ཀྱི་ལུས་དེ་ཕྱག་དར་གྱི་ཕུང་པོ་ཞིག་ཏུ་སྦས་ཏེ་བཞག་གོ། །རང་སངས་རྒྱས་གཞན་དག་
D3.008.0071b01.01གིས་བསམས་པ། བདག་ཅག་གི་ཚངས་པ་མཚུངས་པར་སྤྱོད་པ་དེ་གར་སོང་སྙམ་ནས་བལྟས་པ་དང་། ཇི་ཙམ་ན་ཡོངས་སུ་མྱ་ངན་ལས་འདས་པར་མཐོང་ནས་དེ་དག་གིས་དེ་ཉིད་ནས་སྤོས་ཀྱི་ཤིང་དག་སྟེང་གི་ནམ་མཁའ་ལས་ཁྱེར་ཏེ་འོངས་ནས་རྫ་མཁན་གྱི་ར་བར་བབས་པ་དང་།
D3.008.0071b02.01རྫ་མཁན་གྱིས་དེ་དག་མཐོང་ནས། དེས་སྨྲས་པ། འཕགས་པ་དག་གར་གཤེགས། དེ་དག་གིས་སྨྲས་པ། ཚངས་པ་མཚུངས་པར་སྤྱོད་པ་ལ་མཆོད་པ་བྱེད་དུའོ། །རྫ་མཁན་གྱིས་སྨྲས་པ། འདིས་ཀྱང་ཁྱོད་ཀྱི་ཡོན་ཏན་གྱི་ཚོགས་ལྟ་བུ་དག་ཐོབ་བམ། དེ་དག་
D3.008.0071b03.01གིས་སྨྲས་པ། ཐོབ་བོ། །རྫ་མཁན་གྱིས་སྨྲས་པ། བདག་གིས་འདི་ལ་བཀུར་སྟི་མ་ལགས་པ་བགྱིས་པས། ད་བཀུར་སྟི་བགྱི་བའི་བར་དུ་ཡུད་ཙམ་ཞིག་གཞེས་སུ་གསོལ། དེ་སོང་སྟེ་རྒྱལ་པོ་ལ་སྨྲས་པ། ལྷ་བདག་གི་ར་བར་རབ་ཏུ་བྱུང་བ་བརྟུལ་ཞུགས་
D3.008.0071b04.01གྲུབ་པ་ཞིག་དུས་ལ་བབ་ཀྱིས། ལྷས་དེ་ལ་བཀུར་སྟི་མཛད་དུ་གསོལ། རྒྱལ་པོ་བཙུན་མོའི་འཁོར་དང་བཅས་པ་ཕྱིར་བྱུང་ནས། དེས་རང་སངས་རྒྱས་ཀྱི་ལུས་དེ་སྤོས་ཀྱི་ཤིང་ཐམས་ཅད་ཀྱིས་ཕུང་པོར་བཅེར་ཏེ་བསྲེགས་ནས་ཕུང་པོ་དེ་འོ་མས་ཞི་བར་བྱས་ཏེ་རུས་པ་དེ་
D3.008.0071b05.01དག་གསེར་གྱི་བུམ་པར་བཅུག་ནས་ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་རྩིག་ཏུ་བཅུག་སྟེ། གདུགས་དང་། རྒྱལ་མཚན་དང་། བ་དན་བསྒྲེང་ཞིང་། དྲི་དང་། ཕྲེང་བ་རྒྱུ་དང་། བདུག་སྤོས་དང་། ཕྱེ་མ་དང་། སིལ་སྙན་དག་གིས་མཆོད་པ་བྱས་སོ། །རྫ་མཁན་དེས་
D3.008.0071b06.01རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས། བདག་འདི་བས་ཆེས་ཁྱད་པར་དུ་འཕགས་
D3.008.0071b07.01