完整藏文原文 · 德格版页 当前仅加载第 8 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
དག་བཀུར་རོ་སྙམ་ནས། དེ་ནས་ནོར་སྒྲུབ་པ་བདག་ཅག་གིས་དེ་ལྟར་སོ་སོར་བརྟགས་ནས། སོ་སོ་དག་ནས་ཕོངས་པའི་དོན་དུ་ཆུར་རྐྱལ་བ་ཁ་ཅིག་གིས་ཤལ་མ་ལའི་སྤང་ལེབ་དག །ཁ་ཅིག་གིས་ནི་སྔས་ཤིང་བལ་ཅན་དག །ཁ་ཅིག་གིས་ནི་ཀུ་བའི་གཟིངས་དག །
D3.008.0178b01.01ཁ་ཅིག་གིས་ནི་ར་རྐྱལ་དག་ཁྱེར་ནས་རྒྱ་མཚོ་ཆེན་པོར་ཞུགས་སོ། །བདག་ཅག་རྒྱ་མཚོ་ཆེན་པོའི་ནང་དུ་དོང་བ་ན་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་གོ། །བདག་ཅག་རྒྱ་མཚོའི་གྲུ་བཅག་པ་ན་སོ་སོ་སོ་སོ་དག་ནས་ཕོངས་པའི་དོན་དུ་ཆུར་རྐྱལ་བ་ཁྱེར་ཏེ་འོངས་
D3.008.0178b02.01པ་དག་ལ་ཞོན་ཏེ་འདི་ལྟ་སྟེ། ཁ་ཅིག་ནི་ཤལ་མ་ལའི་སྤང་ལེབ་དག་ལ་ཞོན། ཁ་ཅིག་ནི་སྔས་ཤིང་བལ་ཅན་དག་ལ་ཞོན། ཁ་ཅིག་ནི་ཀུ་བའི་གཟིངས་དག་ལ་ཞོན། ཁ་ཅིག་ནི་ར་རྐྱལ་དག་ལ་ཞོན་ཏེ་ཆུའི་སྟེང་ན་འཕྱོའོ། །བདག་ཅག་གི་ལས་ཀྱི་རྣམ་པར་སྨིན་པས་
D3.008.0178b03.01བྱང་ཕྱོགས་ནས་རླུང་ལངས་ནས་དེས་བདག་ཅག་ལྷོ་ཕྱོགས་ཀྱི་འགྲམ་དུ་བདས་པ་དང་། ཟངས་གླིང་འདི་ན་སྲིན་མོ་ཁྲུང་ཁྲུང་གཞོན་ནུ་མ་ཞེས་བྱ་བ་འཁོད་པ་དེ་དག་བདག་ཅག་ཚོང་པ་གྲུ་ཆག་པ་རྣམས་ལ་གཏམ་སྙན་པ་དང་དགའ་བའི་ཚུལ་གྱིས་སླུ་བར་བྱེད་དོ། །དེ་དག་ལ་
D3.008.0178b04.01རྒྱལ་མཚན་དགའ་བའི་གནས་དང་མཐུན་པ་དང་། ཕོངས་པའི་གནས་དང་མཐུན་པ་གཉིས་ཡོད་དེ། ཇི་ཙམ་ན་དགའ་བའི་གནས་དང་མཐུན་པའི་རྒྱལ་མཚན་གཡོ་བར་བརྩམས་པ་དང་། དེ་དག་གིས་སྨྲས་པ། ཕུ་ནུ་མོ་དག་དགའ་བའི་གནས་དང་མཐུན་པའི་རྒྱལ་མཚན་
D3.008.0178b05.01གཡོས་པས་འཛམ་བུའི་གླིང་པའི་ཚོང་པ་དག་གི་རྒྱ་མཚོའི་གྲུ་ཆུ་སྲིན་ཉའི་རིགས་ཀྱིས་བཅག་སྟེ། འོང་གོར་མ་ཆག་གིས་བཙལ་ལོ་ཞེས་དེ་དག་གིས་རྒྱ་མཚོའི་འགྲམ་དུ་བཙལ་བར་བརྩམས་པ་དང་། ཇི་ཙམ་ན་བདག་ཅག་ཚོང་པ་ཕལ་པོ་ཆེའི་ཚོགས་ཆུར་རྐྱལ་བ་སྣ་
D3.008.0178b06.01ཚོགས་དག་གིས་རྐྱལ་ཞིང་འོང་བ་མཐོང་ངོ་། །མཐོང་ནས་ཀྱང་བདག་ཉིད་གཟུགས་བཟང་མོར་མངོན་པར་སྤྲུལ་ནས། རྒྱན་སྣ་ཚོགས་ཀྱིས་བརྒྱན་ཏེ། ལྷའི་གོས་དང་། ཕྲེང་བ་རྒྱུས་བཀླུབས་ནས་རྒྱ་མཚོའི་འགྲམ་ནས་བོད་པར་བརྩམས་པ། ཇོ་བོ་དག་ཚུར་སྤྱོན། བཞིན་
D3.008.0178b07.01