完整藏文原文 · 德格版页 当前仅加载第 8 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཇི་ལྟར་ཤེས་པར་བྱ། ཁ་ཅིག་གིས་སྨྲས་པ། རྟོག་པ་དག་བསྐོ་བར་བྱའོ། །དེ་དག་གིས་རྟོག་པ་དག་བསྐོས་ནས་དེ་དག་གིས་ཕན་ཚུན་བཙལ་བར་བརྩམས་པ་དང་། དེ་དག་གིས་ཁྱེའུ་དེ་ཤིང་ལྗོན་པའི་དྲུང་ན་གཉིད་ལོག་པ་མཐོང་ནས། དེ་དག་གིས་དེའི་མཚན་མ་གཟུང་
D3.008.0128b01.01བར་བརྩམས་པ་དང་། ཇི་ཙམ་ན་ཤིང་ལྗོན་པ་གཞན་དག་གི་གྲིབ་མ་ཤར་ཕྱོགས་སུ་གཞོལ་བ་དང་། ཤར་ཕྱོགས་སུ་འབབ་པ་དང་། ཤར་ཕྱོགས་སུ་བབ་པར་གྱུར་ན་ཤིང་ལྗོན་པ་དེའི་གྲིབ་མས་ཁྱེའུ་དེའི་ལུས་མི་གཏོང་བར་མཐོང་ངོ་། །མཐོང་ནས་ཀྱང་གྲོས་བྱ་བར་
D3.008.0128b02.01བརྩམས་པ། ཤེས་ལྡན་དག་ཁྱེའུ་འདི་བསོད་ནམས་དང་དབང་ཆེ་བར་གྲགས་པ་ཡིན་གྱིས་འདི་དབང་བསྐུར་བར་བྱའོ། །དེ་དག་གིས་དེ་སད་པར་བྱས་ཏེ་སྨྲས་པ། ཁྱེའུ་རྒྱལ་སྲིད་ལོང་ཤིག །ཁྱེའུས་སྨྲས་པ། ཁོ་བོ་རྒྱལ་སྲིད་དོན་དུ་གཉེར་བ་མ་ཡིན་ཏེ། ཁོ་བོ་ནི་
D3.008.0128b03.01འཕགས་པ་ཀཱ་ཏྱཱ་ཡ་ན་ཆེན་པོའི་བསྙེན་བཀུར་བ་ཡིན་ནོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་ཐོས་ནས་ཅི་ཁྱེའུ་འདི་ལ་རྒྱལ་སྲིད་དུ་འགྱུར་བའི་ལས་དག་ཡོད་དམ་མེད་སྙམ་དུ་བསམས་ནས་ཡོད་པར་མཐོང་ནས་དེས་སྨྲས་པ། བུ་རྒྱལ་སྲིད་ལོང་ལ་འདི་ལྟར་ཁྱོད་ཀྱིས་ཆོས་ཀྱིས་
D3.008.0128b04.01བྱེད་དུ་ཆུག་ཤིག །དེས་མནོས་ཏེ། དེ་དག་གིས་དེ་དབང་བསྐུར་ནས་ཁྱེའུ་སྔོ་བསངས་ཀྱིས་དེར་རྒྱལ་སྲིད་བྱེད་དུ་བཅུག་པས་སྔོ་བསངས་ཀྱི་རྒྱལ་སྲིད་སྔོ་བསངས་ཀྱི་རྒྱལ་སྲིད་ཅེས་བྱ་བའི་མིང་དུ་གྱུར་ཏོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ཡུལ་བོག་ཀ་ནར་ཕྱིན་ནས། ཚེ་དང་ལྡན་པ་
D3.008.0128b05.01ཀཱ་ཏྱཱ་ཡ་ན་ཆེན་པོའི་མ་བོག་ཀ་ནར་སྐྱེས་པ་དེས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་མཐོང་ནས་སྨྲས་པ། བུ་ཁྱོད་ཡུན་རིང་ཞིག་ལོན་ནས་མཐོང་ངོ་། །བུ་ཁྱོད་ཡུན་རིང་ཞིག་ལོན་ནས་མཐོང་ངོ་། །དེའི་ནུ་མ་གཉིས་ལས་ཀྱང་འོ་མའི་རྒྱུན་འཛག་གོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་
D3.008.0128b06.01པོས་དེ་ལ་ཡུམ་ཡུམ་ཞེས་བག་ཕབ་པ་དང་། དེས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ཟན་བྱིན་ནས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་དེའི་བསམ་པ་དང་། བག་ལ་ཉལ་བ་དང་། ཁམས་དང་། རང་བཞིན་ཁོང་དུ་ཆུད་ནས་གང་ཐོས་ནས། དེས་སྟན་དེ་ཉིད་ལ་འདུག་
D3.008.0128b07.01