完整藏文原文 · 德格版页 当前仅加载第 8 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་པ་བྲམ་ཟེ་དབྱར་ཚུལ་ཞེས་བྱ་བ་ཡོད་དོ། །ཇི་ཙམ་དུས་གཞན་ཞིག་ན་རྒྱལ་པོའི་ཁབ་ནས་ཚོང་པ་དག་ཟོང་ཐོགས་ཏེ་ཡུལ་གཞན་དུ་འཕགས་ནས་དེ་དག་མཐར་གྱིས་གྲོང་དང་། གྲོང་རྡལ་དང་ཡུལ་འཁོར་དང་། རྒྱལ་པོའི་ཕོ་བྲང་དག་ཏུ་ཚོང་འདུས་དག་ལ་རྣམ་
D3.008.0103a01.01པར་ལྟ་བ་ན་གྲོང་ཁྱེར་ཆེན་པོ་སྒྲ་སྒྲོགས་སུ་ཕྱིན་ཏོ། །ཇི་ཙམ་ན་རྒྱལ་པོ་ཨུ་ཏྲ་ཡ་ན་བློན་པོའི་ཚོགས་ཀྱིས་ཡོངས་སུ་བསྐོར་ཏེ་དོན་གྱི་གནས་ན་འདུག་པ་ན་ཚོང་པ་དེ་དག་སྐྱེས་ཐོགས་ཏེ་རྒྱལ་པོ་ཨུ་ཏྲ་ཡ་ནའི་གན་དུ་སོང་བ་དང་། རྒྱལ་པོ་ཨུ་ཏྲ་ཡ་ནས་དེ་དག་ལ་འོངས་པ་ལེགས་སོ་
D3.008.0103a02.01ཞེས་བྱ་བའི་ཚིག་གིས་ཀུན་དུ་སྤྱད་ནས་གནས་ཇི་ལྟ་བ་བཞིན་དུ་འཁོད་དོ། །རྒྱལ་པོ་ཨུ་ཏྲ་ཡ་ནས་དེ་དག་མཐོང་ནས་བློན་པོ་རྣམས་ལ་སྨྲས་པ། ཤེས་ལྡན་དག་ཡུལ་འབྱོར་པ། རྒྱས་པ། བདེ་བ་ལོ་ལེགས་པ། སྐྱེ་བོ་དང་། མི་མང་པོས་གང་བ་འདི་ལྟ་བུ་དང་། ཤིང་ལྗོན་
D3.008.0103a03.01པ་རྟག་ཏུ་མེ་ཏོག་དང་། འབྲས་བུ་འཆགས་པ་འདི་ལྟ་བུ་དང་། ལྷས་དུས་དང་དུས་སུ་ཆར་གྱི་རྒྱུན་ལེགས་པར་འབེབས་ཤིང་ལོ་ཏོག་ཤིན་ཏུ་ཕུན་སུམ་ཚོགས་པ་དང་ལྡན་པའི་རྒྱལ་པོ་གཞན་འགའ་ཞིག་ཡོད་དམ། ཚོང་པ་དེ་དག་གིས་སྨྲས་པ། ལྷ་མཆིས་ཏེ། ཤར་
D3.008.0103a04.01གྱི་ཡུལ་ན་གྲོང་ཁྱེར་རྒྱལ་པོའི་ཁབ་ཅེས་བགྱི་བ་དེ་ན་རྒྱལ་པོ་གཟུགས་ཅན་སྙིང་པོ་ཞེས་བགྱི་བས་རྒྱལ་སྲིད་འབྱོར་པ། རྒྱས་པ། བདེ་བ། ལོ་ལེགས་པ། སྐྱེ་བོ་དང་། མི་མང་པོས་གང་བ་བགྱིད་དུ་སྩོལ་བ་དེ་ན་ཡང་ཤིང་ལྗོན་པ་དག་ཀྱང་རྟག་ཏུ་མེ་ཏོག་དང་། འབྲས་བུ་འཆགས་
D3.008.0103a05.01ཤིང་། ལྷས་ཀྱང་དུས་དང་དུས་སུ་ཆར་གྱི་རྒྱུན་ལེགས་པར་འབེབས་པས་ལོ་ཏོག་ཤིན་ཏུ་ཕུན་སུམ་ཚོགས་པ་ལགས་སོ། །རྒྱལ་པོ་ཨུ་ཏྲ་ཡ་ནས་ཐོས་ནས་དེ་ལ་རྗེས་སུ་ཆགས་པ་སྐྱེས་ནས་དེས་སྨྲས་པ། ཤེས་ལྡན་དག་རྒྱལ་པོ་དེའི་ཡུལ་ན་ཅི་ཞིག་དཀོན་བློན་པོ་རྣམས་ཀྱིས་སྨྲས་
D3.008.0103a06.01པ། ལྷ་ནི་རིན་པོ་ཆེའི་མངའ་བདག་ལགས་ལ། རྒྱལ་པོ་དེ་ནི་གོས་ཀྱི་བདག་པོ་ལགས་པས་དེ་ལ་རིན་པོ་ཆེ་དག་དཀོན་ནོ། །རྒྱལ་པོས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་རིན་པོ་ཆེ་རྟོག་པ་དག་བོས་ཤིག་ཅེས་རྒྱལ་པོས་རིན་པོ་ཆེ་དག་བརྟགས་ཤིང་བརྟགས་ཤིང་སྒྲོམ་བཀང་ནས་
D3.008.0103a07.01