完整藏文原文 · 德格版页 当前仅加载第 8 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ཁྱོད་ཞབས་འབྲིང་ཞབས་ཀྱིས་འཚོ་བ་སྟེ། །མི་སྙན་དོན་འདི་ཁྱོད་ལ་གསོལ་སླད་དུ། །བདག་འདིར་ཁྱོད་ཀྱི་ཞབས་ཀྱི་དྲུང་དུ་མཆིས། །རྒྱལ་པོ་ཤིན་ཏུ་བརྟགས་ནས་འདི་ནི་གྲོང་ཁྱེར་ཀཽ་ཤཱམྦཱིའོ། །འདི་ནི་རྒྱལ་པོའི་ཕོ་བྲང་ངོ་། །འདི་ནི་ཁང་{བཟངས་,བཟང་}མེ་ཏོག་གི་སོའོ། །འདི་
D3.008.0192b01.01ནི་མ་དུའོ། །འདི་ནི་གྲོ་བ་ལ་སོགས་པའི་སྦྱོར་བས་སྲེག་པའོ། །འདི་དག་ནི་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཕྱེ་མ་ལེབ་བཞིན་དུ་གྱེན་དུ་མཆོང་ཞིང་མཆོང་ཞིང་མེར་ལྷུང་བ་དག་གོ་ཞེས་རྣམ་པར་དཔྱོད་པར་བྱེད་དོ། །རྣམ་པར་དཔྱད་ནས་སྨྲས་པ། ཀྭའི་ནང་རྗེ་ཇི་སྐད་
D3.008.0192b02.01སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་མེས་ཚིག་ཅེས་ཟེར་རམ། ལྷ་བདག་དེ་སྐད་མི་མཆིའོ། །འདི་ལྟར་ལྷ་ཉིད་དེ་སྐད་གསུང་ངོ་། །ཀྭའི་ནང་རྗེ་ཁྱོད་ཀྱིས་ང་ལ་ཐབས་ཀྱིས་གསོལ་བར་ཟད་ཀྱི་གཞན་དུ་ན་ངས་ཁྱོད་ཀྱི་མགོ་དྲུངས་ནས་བཅད་དེ། ས་ལ་བསྒྱེལ་བར་
D3.008.0192b03.01འགྱུར་རོ་ཞེས་སྨྲས་ནས། རྒྱལ་པོ་བརྒྱལ་ཏེ་ས་ལ་སྒྱེལ་ཏོ། །དེ་ནས་ཆུས་གདབ་པས་དབུགས་ཕྱིར་བྱུང་ནས་སྨྲས་པ། ཤེས་ལྡན་དག་དཔུང་གི་ཚོགས་ཡན་ལག་བཞི་པ་གོ་སྐོན་ཅིག །ཀཽ་ཤཱམྦཱིར་འདོང་ངོ་། །བློན་པོ་རྣམས་ཀྱིས་དཔུང་གི་ཚོགས་ཡན་ལག་བཞི་པོ་གོ་
D3.008.0192b04.01བསྐོན་ནས་རྒྱལ་པོ་ཀཽ་ཤཱམྦཱིར་འཕགས་ཏེ་མཐར་གྱིས་ཀཽ་ཤཱམྦཱིར་ཕྱིན་པ་དང་། དེས་ཕོ་བྲང་འཁོར་གྱི་མི་རྣམས་ཀྱི་ནང་ན་ཆེས་རྒྱུས་མཁས་པ་ཐམས་ཅད་སྨྲས་སོ། །དེ་ནས་བློན་པོའི་མཆོག་སྦྱོར་བ་འཛིན་ལ་བསྒོ་བ། སྦྱོར་བ་འཛིན་སོང་ལ་མ་དུ་རྒྱ་སྐྱེགས་ཀྱི་ཁང་པར་ཆུག་
D3.008.0192b05.01ལ་སྲེགས་ཤིག །དཔེ་མེད་མ་ཡང་རྟེའུ་མ་དུལ་བའི་རྐང་པ་ལ་ཐོགས་ལ་འོར་ཅིག །སྦྱོར་བ་འཛིན་གྱིས་མ་དུ་རྒྱ་སྐྱེགས་ཀྱི་ཁང་པར་བཅུག་སྟེ་བསྲེགས་སོ། །དེ་ནས་བསམས་པ། དཔེ་མེད་མ་ནི་གལ་ཏེ་རྒྱལ་པོས་བསམས་ནས་དཔེ་མེད་མ་འོན་ཅིག་ཅེས་ཟེར་ན་བདག་
D3.008.0192b06.01གིས་ཇི་ལྟར་བྱས། རེ་ཞིག་སྡོད་ཅིག་སྙམ་ནས་དེས་དཔེ་མེད་མ་ས་ཁང་དུ་བཅུག་སྟེ་བཞག་གོ། །རྒྱལ་པོ་ཉི་མ་བདུན་པ་ལ་མྱ་ངན་སངས་ནས་དེ་མྱ་ངན་སངས་པས་སྨྲས་པ། སྦྱོར་བ་འཛིན་དཔེ་མེད་མ་ག་རེ། དེས་ལྷ་བདག་གིས་རྟེའུ་མ་ཐུལ་བའི་རྐང་པ་ལ་བཏགས་ཏེ་
D3.008.0192b07.01