完整藏文原文 · 德格版页 当前仅加载第 8 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དེ་བཞིན་དུ་མཐའ་གཅིག་ཏུ་སོང་སྟེ་སྡོད་དོ། །རྒྱལ་པོ་གཙུག་པུད་ཅན་གྱིས་དེ་མཐའ་གཅིག་ན་སྡོད་པ་མཐོང་ངོ་། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་འཕགས་པ་ཀཱ་ཏྱཱ་ཡ་ན་ཆེན་པོ་འདིས་སྔར་ང་མཐོང་ནས་
D3.008.0124b01.01མཐའ་གཅིག་ཏུ་སོང་སྟེ་སྡོད་པའི་རྒྱུ་ནི་དེ་ཡིན་ན་ད་ལྟར་ཡང་མཐའ་གཅིག་ཏུ་སོང་སྟེ་སྡོད་པའི་རྒྱུ་ཅི་ཡིན། དེའི་ཕྱི་བཞིན་བློན་པོ་སྐྱོན་ཆགས་པ་གཉིས་འགྲོ་བ་དེ་གཉིས་ཀྱིས་སྨྲས་པ། ལྷ་འདིའི་མཆིད་ནས་ཁོ་བོ་ཕ་གསོད་པ་འདིའི་རྡུལ་གྱིས་མི་རེག་པར་བྱའོ་ཞེས་མཆིའོ། །
D3.008.0124b02.01རྒྱལ་པོ་དེ་ནི་ཡོངས་སུ་མི་རྟོག་པ་ཡིན་པས་དེ་སྐད་ཐོས་ནས་ཁྲོ་བས་ཀུན་ནས་དཀྲིས་པར་གྱུར་ཏེ་འཁོར་ཐམས་ཅད་ལ་སྨྲས་པ། ཤེས་ལྡན་དག་ཁྱེད་ཅག་ལས་གང་དང་གང་ང་ལ་དགའ་བ་དེ་དང་དེས་དགེ་སྦྱོང་མགོ་རེག་འདིའི་སྟེང་དུ་ས་སྤར་མོ་རེ་རེས་གཏོར་ཅིག །སྐྱེ་བོའི་ཚོགས་
D3.008.0124b03.01ཐམས་ཅད་ཀྱིས་ས་སྤར་མོ་རེ་རེ་གཏོར་ཏོ། །རྒྱལ་པོ་དེ་དཔུང་ཆེ་བ་ཡིན་པས་རེ་རེས་ས་སྤར་མོ་རེ་རེ་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་སྟེང་དུ་གཏོར་བ་དང་། དེའི་སྟེང་དུ་ས་ཕུང་ཆེན་པོ་རྣམ་པར་གནས་པར་གྱུར་ཏོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་ཀྱང་དེའི་དབུས་སུ་ལོ་མ་མ་
D3.008.0124b04.01ཡིན་པའི་སྤྱིལ་བུ་མངོན་པར་སྤྲུལ་ཏེ་འདུག་གོ། །དེ་དག་དེ་ལས་འཐོར་བ་ན་བ་ལང་རྫི་དང་ཕྱུགས་རྫི་དག་གིས་མཐོང་ནས་དེ་དག་སྨོད་བཞིན་དུ་མཐའ་འཁོར་ཞིང་སྡོད་པ་ན་བློན་པོའི་མཆོག་ཧེ་རུ་ཀ་དང་། བྷི་རུ་ཀ་གཉིས་ཕྱི་བཞིན་འབྲང་ཞིང་འོང་བ་ཕྱོགས་དེར་ཕྱིན་ནས་དེ་གཉིས་
D3.008.0124b05.01ཀྱིས་དྲིས་པ། ཤེས་ལྡན་དག་འདི་ཅི་ཡིན། དེ་དག་གིས་སྨྲས་པ། རྒྱལ་པོ་འཐབ་ཀྲོལ་ཅན་ཕ་གསོད་པ་དེས་འཕགས་པ་ཀཱ་ཏྱཱ་ཡ་ན་ཆེན་པོ་ཉེས་པ་མེད་པ་གནོད་པ་མི་བྱེད་པ་སས་བཀབ་བོ། །དེ་གཉིས་མཆི་མས་བརྣངས་ཏེ་ངུ་བའི་བཞིན་གྱིས་བ་ལང་རྫི་དང་ཕྱུགས་རྫི་དག་དང་
D3.008.0124b06.01ལྷན་ཅིག་ས་ཕྱག་པར་བརྩམས་པ་དང་། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་བྱུང་ནས་དེ་གཉིས་ཀྱིས་རྐང་པ་གཉིས་ལ་གཏུགས་ཏེ་དྲིས་པ། འཕགས་པ་འདི་ཅི་ལགས། དེས་སྨྲས་པ། ལས་དག་ཡིན་མོད་གཞན་ཅི་ཞིག་འབྱུང་བར་འགྱུར།། །།འདུལ་
D3.008.0124b07.01