完整藏文原文 · 德格版页 当前仅加载第 8 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་དེ་ཡང་ལྟད་མོའི་རང་བཞིན་ཅན་ཡིན་པས་རི་མོ་ལྟ་ཞིང་གཞན་དུ་སོང་ངོ་། །དེ་དག་གིས་ཀྱང་ཆོས་མཉན་ནས། ཚེ་དང་ལྡན་པ་འཆར་ཀའི་རྐང་པ་གཉིས་ལ་ཕྱག་འཚལ་ཏེ་གཙུག་ལག་ཁང་ནས་བྱུང་ངོ་། །བུ་མོ་དེས་གཞན་དག་བྱུང་བ་མ་ཚོར་ནས་སྒོ་ཁང་དེ་ཉིད་ན་རི་མོ་
D3.008.0041a01.01ལྟ་ཞིང་འདུག་གོ། །ཚེ་དང་ལྡན་པ་འཆར་ཀས་དེ་དག་བསྐྱལ་ནས་གཙུག་ལག་ཁང་དུ་འཇུག་པར་བརྩམས་པ་དང་། དེས་བུ་མོ་དེ་སྒོ་ཁང་ན་འདུག་པ་མཐོང་ནས་དེས་དེ་ལ་སྨྲས་པ། བུ་མོ་ཁྱོད་མ་སོང་ངམ། དེས་འཛུམ་ཕྱུང་བ་དང་འཆར་ཀས་དེ་ལ་འོ་བྱས་ཏེ་ཡན་ལག་དང་ཉིང་
D3.008.0041a02.01ལག་དག་མནམས། ཀུན་དུ་མནམས་སོ། །བུ་མོ་དེ་ངུ་ཞིང་ཕྱིར་བྱུང་ནས་ཕའི་གན་དུ་སོང་སྟེ་སྨྲས་པ། ཡབ་བདག་དགེ་སྦྱོང་འཆར་ཀས་གཞོན་ནུ་མ་དང་བྲལ་བར་བགྱིས་སོ། །བྲམ་ཟེ་དེས་བསམས་པ། གལ་ཏེ་ད་ཅུང་ཟད་སྨྲར་ནི་བདག་གཅིག་པུ་ཡིན་ལ། འདི་དག་
D3.008.0041a03.01ནི་མང་བས་བདག་ལ་གནོད་པ་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས། གང་དུ་གྲོགས་རྙེད་པར་གྱུར་པ་ན་ར་མདའ་བ་བཟློག་པར་བྱའོ་སྙམ་མོ། །རྒྱལ་བྱེད་ཀྱི་ཚལ་དང་མཉན་ཡོད་ཀྱི་བར་ན་གནས་ཀྱི་ཤིང་ལྗོན་པ་ཞིག་ཡོད་པ་དེའི་དྲུང་ན་བྲམ་ཟེ་ཞིག་
D3.008.0041a04.01བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་ཀློག་ཏུ་འཇུག་ཅིང་འདུག་ནས། བྲམ་ཟེ་དེས་དེ་དག་ལ་སྨྲས་པ། ཤེས་ལྡན་དག་དགེ་སྦྱོང་འཆར་ཀས་ཁོ་བོའི་བུ་མོ་གཞོན་ནུ་མ་དང་བྲལ་བར་བྱས་ཀྱིས། ཁྱེད་ཅག་ཁོ་བོའི་ཚངས་པ་མཚུངས་པར་སྤྱོད་པ་ཡིན་གྱིས་གྲོགས་
D3.008.0041a05.01གྱིས་ཤིག །བྲམ་ཟེ་དག་ནི་ཡོངས་སུ་མི་རྟོག་པ་ཡིན་པས་དེ་དག་དབྱུག་པ་དག་ཐོགས་ཏེ་དེར་དོང་ངོ་། །ཚེ་དང་ལྡན་པ་འཆར་ཀ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེ་དེ་དག་གིས་བཟུང་ཞིང་བཀྲི་བར་བརྩམས་པ་དང་། དེ་དག་གིས་དེ་བསྒུལ་བར་ཡང་མ་ནུས་སོ། །
D3.008.0041a06.01བཅོམ་ལྡན་འདས་ཀྱིས་གདུལ་བའི་དུས་མཁྱེན་ནས་དེའི་སྟོབས་དབྲི་བར་མཛད་པ་དང་། དེ་དག་གིས་ཚེ་དང་ལྡན་པ་འཆར་ཀ་ཕར་དྲངས་ཚུར་དྲངས་ཏེ་ཁྲིད་དོ། །ཚེ་དང་ལྡན་པ་འཆར་ཀས་བསམས་པ། བཅོམ་ལྡན་འདས་ཀྱིས་བདག་གནོད་པ་དང་། ཉམ་ང་བ་དང་། མི་
D3.008.0041a07.01