完整藏文原文 · 德格版页 当前仅加载第 8 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
བསངས་ཅན་གྱི་གན་དུ་བཤོས་གསོལ་བའི་རེས་བབ་པ་དེའི་ཉིན་མོ་གོང་མ་སྲེག་གསོན་པོ་དབུལ་བར་བྱའོ། །བྱ་པས་གང་གི་ཉིན་མོ་རྒྱལ་པོ་སྔོ་བསངས་ཅན་གྱི་གན་དུ་ཟན་ཟ་བ་དེའི་ཉིན་མོ་རྒྱལ་པོ་ལ་གོང་མ་སྲེག་གསོན་པོ་ཕུལ་བ་དང་། རྒྱལ་པོས་སྨྲས་པ། དཔེ་མེད་མ་ལ་
D3.008.0187b01.01གཏོད་ཅིག །དཔེ་མེད་མས་ཐོས་ནས་དེས་སྨྲས་པ། ལྷ་བདག་གི་རེས་མ་ལགས་ཏེ། སྔོ་བསངས་ཅན་གྱི་རེས་ལགས་སོ། །རྒྱལ་པོས་སྨྲས་པ། ཀྭའི་བྱ་པ་སོང་ལ་སྔོ་བསངས་ཅན་ལ་གཏོད་ཅིག །དེས་སྔོ་བསངས་ཅན་ལ་ཕུལ་ཏེ་སྨྲས་པ། ལྷའི་དོན་དུ་གཡོས་མཛོད་
D3.008.0187b02.01ཅིག །དེས་སྨྲས་པ། ཅི་ཁོ་མོ་བྱ་པ་མོའམ། ཁོ་མོ་སྲོག་གཅོད་པར་མི་བྱེད་ཀྱིས་སོང་ཤིག །དེས་རྒྱལ་པོའི་གན་དུ་སོང་སྟེ་སྨྲས་པ། ལྷ་སྔོ་བསངས་ཅན་གྱི་མཆིད་ནས། ཅི་ཁོ་མོ་བྱ་པ་མོའམ། ཁོ་མོ་སྲོག་གཅོད་པར་མི་བྱེད་ཀྱིས་སོང་ཞིག་ཅེས་མཆིའོ། །དཔེ་མེད་མས་ཐོས་
D3.008.0187b03.01ནས་སྨྲས་པ། ལྷ་གལ་ཏེ་དེ་ལ་དགེ་སྦྱོང་གཽ་ཏ་མའི་སླད་དུ་གཡོས་གྱིས་ཤིག་ཅེས་བགྱིས་ན་ནི་ད་ཙམ་འཁོར་དང་བཅས་ཏེ་གཡོས་བགྱིད་པར་འགྱུར་རོ། །རྒྱལ་པོས་བསམས་པ། དེ་ལྟར་འགྱུར་བ་སྙམ་ཞེས་དེས་མི་དེ་ལ་སྨྲས་པ། ཀྭའི་བྱ་པ་སོང་ལ་འདི་སྐད་ཅེས་བཅོམ་ལྡན་
D3.008.0187b04.01འདས་ཀྱི་ཕྱིར་གཡོས་གྱིས་ཤིག་ཅེས་བྱོས་ཤིག །དེ་འཕགས་པ་དང་། དཔེ་མེད་མས་ལྐོག་ཏུ་སོད་ལ་ཕུལ་ཅིག་ཅེས་བསྒོ་ནས། དེས་བསད་དེ་སྔོ་བསངས་ཅན་ལ་ཕུལ་ནས་སྨྲས་པ། ལྷའི་ཞལ་ནས་བཅོམ་ལྡན་འདས་ཀྱི་ཕྱིར་གཡོས་གྱིས་ཤིག་ཅེས་བྱུང་ངོ་། །སྔོ་བསངས་
D3.008.0187b05.01ཅན་འཁོར་དང་བཅས་པས་གཡོས་བྱ་བར་བརྩམས་སོ། །བྱ་པས་སོང་སྟེ་རྒྱལ་པོ་ལ་སྨྲས་པ། ལྷ་སྔོ་བསངས་ཅན་འཁོར་དང་བཅས་པས་གཡོས་བགྱི་བར་བརྩམས་སོ། །དཔེ་མེད་མས་སྨྲས་པ། ལྷས་གསན་ཏམ། གལ་ཏེ་སྲོག་གཅོད་པར་མི་བགྱིད་ན་ནི་དགེ་སྦྱོང་གཽ་ཏ་
D3.008.0187b06.01མའི་སླད་དུ་ཡང་མི་བགྱིད་ལ། ལྷའི་སླད་དུ་ཡང་མི་བགྱིད་པའི་རིགས་ན། དགེ་སྦྱོང་གཽ་ཏ་མའི་སླད་དུ་ནི་བགྱིད་ལ། ལྷའི་སླད་དུ་ནི་མི་བགྱིད་པ་དེ་ཇི་ལྟ་བུ་ཞིག །རྒྱལ་པོ་ཁྲོས་པར་གྱུར་ནས་གཞུ་བཀང་སྟེ་འཕགས་སོ། །འཇིག་རྟེན་ནི་མཛའ་བཤེས་དང་། དགྲ་བོ་དང་ཐ་
D3.008.0187b07.01