完整藏文原文 · 德格版页 当前仅加载第 8 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེའི་སྲས་དེ་ཞི་བར་གྱུར་ཅིག །དེ་ལྟར་མི་འགྱུར་གྱིས་དེ་ཁྲིད་དེ་སྤྱོན་ཅིག །གལ་ཏེ་ནུ་མོ་ཙམ་ཞིག་ན་ནུ་མོའི་འདུ་ཤེས་ཉེ་བར་གཞག་པར་བགྱིའོ། །གལ་ཏེ་བུ་མོ་ཙམ་ཞིག་ན་བུ་མོའི་འདུ་ཤེས་ཉེ་བར་གཞག་པར་བགྱིའོ། །དེས་སྨྲས་པ། བཟང་མོ་གལ་ཏེ་དེ་ལྟ་ན་
D3.008.0218b01.01མ་ཉེས་ཀྱིས་ཁྲིད་དེ་འོང་ངོ་ཞེས་དེས་དེ་ཁྲིད་དེ་འོངས་པ་དང་། དེས་དེ་མཐོང་ནས་རྗེས་སུ་ཆགས་པ་སྐྱེས་སོ། །དུས་གཞན་ཞིག་ན་ཨུཏྤ་ལའི་མདོག་གིས་བུ་མོ་དེའི་སྐྲ་བྱ་བར་བརྩམས་པ་དང་། མགོ་ལ་སྒྲོས་ཡོད་པ་མཐོང་ངོ་། །མཐོང་ནས་ཀྱང་དྲིས་པ་བུ་མོ་འདི་ཅི་
D3.008.0218b02.01ཉེས། དེས་སྨྲས་པ། བདག་གིས་ཀྱང་མ་འཚལ་ཏེ། བདག་གི་ཕྱི་མོའི་མཆིད་ནས་ཁྱོད་ཀྱི་མ་ཕ་ལ་ཁྲོས་པས་ཁྱོད་འཕངས་པས་སྒོའི་ཐེམ་པར་ལྟུང་སྟེ། དེར་སྒྲོས་འདི་བྱུང་ངོ་ཞེས་མཆིའོ། །ཁྱོད་ཀྱི་ཕྱི་མོ་ཅི་མིང་། ཆེ་གེ་མོ་ཞིག་གོ། །ཁྱོད་ཀྱི་མ་ཅི་མིང་། ཨུཏྤ་
D3.008.0218b03.01ལའི་མདོག་གོ། །དེས་བསམས་པ་བདག་དེར་ནི་མ་དང་ཆེན་ཆུང་ངུ་གྱུར་ལ། འདིར་ནི་བུ་མོ་དང་ཆེན་ཆུང་ངུ་གྱུར་གྱིས་རྣམ་པ་ཐམས་ཅད་དུ་འགྲོ་བར་བྱའོ་སྙམ་ནས། དེ་མགོ་གཡོགས་ཏེ་ཁྱིམ་ནས་བྱུང་བ་དང་། ཇི་ཙམ་ན་དོན་མཐུན་ཡུལ་ཡངས་པ་ཅན་དུ་འཕགས་པ་མཐོང་
D3.008.0218b04.01ནས། དེ་ཡང་དེ་དང་ལྷན་ཅིག་འཕགས་པ་དང་དེ་ཚོང་པ་དག་དང་ལྷན་ཅིག་དགའ་མགུར་སྤྱོད་ཅིང་ཡངས་པ་ཅན་དུ་སོང་ངོ་། །ཡངས་པ་ཅན་ན་གནས་པའི་ཚོགས་ཅན་མ་དག་གིས་སྨྲས་པ། བཅོམ་བརླག་པའི་ཚོང་པ་འདི་དག་བདག་ཅག་དང་ལྷན་ཅིག་རྩེད་མོ་དང་། དགའ་
D3.008.0218b05.01བ་དང་དགའ་མགུར་སྤྱོད་པ་ཉམས་སུ་མྱོང་བར་མི་བྱེད་དོ། །དེ་ན་ཚོགས་ཅན་མ་གཅིག་གིས་སྨྲས་པ། དེ་དག་གིས་ས་འཛིན་མ་འདི་ལྟ་བུ་ཞིག་ཁྲིད་དེ་འོངས་པས་བདག་ཅག་དེའི་རྐང་པ་གཉིས་འཁྲུ་བར་ཡང་མི་རུང་བས་ཅིའི་ཕྱིར་དེ་དག་བདག་ཅག་དང་ལྷན་ཅིག་རྩེ་བ་དང་། དགའ་
D3.008.0218b06.01བ་དང་དགའ་མགུར་སྤྱོད་པ་ཉམས་སུ་མྱོང་བར་བྱེད། ཚོགས་ཅན་མ་དེ་དག་འདུས་ཏེ་ཨུཏྤ་ལའི་མདོག་གི་གན་དུ་དོང་ནས་སྨྲས་པ། ས་འཛིན་མ་ཁྱོད་ཁོ་མོ་ཅག་གི་འཚོ་བར་བྱེད་ན་ཅིའི་ཕྱིར་ཁོ་མོ་ཅག་གི་ནང་དུ་མི་འཇུག །དེས་མགོ་གཡོགས་པ་བཤུས་ཏེ་སྨྲས་པ། བདག་དེང་
D3.008.0218b07.01