完整藏文原文 · 德格版页 当前仅加载第 8 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་སྔོན་དགེ་སློང་ལྷའི་བུས་བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། རྨོངས་པ་ཞེས་བགྱིའི་ཚལ་དེ་ནི། །ལྷ་མོའི་ཚོགས་ཀྱིས་
D3.008.0207a01.01ཀུན་བསྒྲགས་ཤིང་། །ཤ་ཟ་མོ་བཞིན་ཡོངས་བསྐོར་ན། །ཇི་ལྟར་འཆི་བ་འབྱུང་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །དྲང་པོ་ཞེས་བྱའི་ལམ་དེ་ནས། །འཇིགས་མེད་ཕྱོགས་ཞེས་བྱ་བ་དེར། །སྒྲ་མེད་ཅེས་བྱའི་ཤིང་རྟ་ནི། །ཆོས་ཀྱི་རྟོག་པས་བསྐྱོད་
D3.008.0207a02.01གྱུར་པ། །དེ་ཡི་དམིགས་པ་ངོ་ཚ་ཤེས། །དྲན་པ་དེ་ཡི་འཁོར་ཡིན་ཏེ། །ཁ་ལོ་སྒྱུར་བ་ཤེས་རབ་ཡིན། །སྣ་འདྲེན་ཡང་དག་ལྟ་ཞེས་བྱ། །སྐྱེས་པའམ་བུད་མེད་གང་ལའང་རུང་། །བཞོན་པ་འདི་འདྲ་ཡོད་གྱུར་ཅིང་། །དེ་འདྲའི་བཞོན་པ་ཞོན་གྱུར་ན། །དེ་ནི་འཇིགས་མེད་
D3.008.0207a03.01ཕྱོགས་སུ་འགྲོ། །དེ་ནས་བཅོམ་ལྡན་འདས་ཀྱིས་སྔོན་དགེ་སློང་ལྷའི་བུའི་བསམ་པ་དང་བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས་གང་ཐོས་ནས་དགེ་སློང་ལྷའི་བུས་སྟན་དེ་ཉིད་ལ་འདུག་བཞིན་དུ་འཇིགས་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་
D3.008.0207a04.01རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས་བཙུན་པ་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་
D3.008.0207a05.01ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་
D3.008.0207a06.01ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག་གོ། །
D3.008.0207a07.01