完整藏文原文 · 德格版页 当前仅加载第 8 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ནས། དེ་དག་གིས་ཁྱིམ་བདག་གདངས་ཅན་ལ་སྦྲན་པ། ཁྱིམ་བདག་ཁྱོད་ཀྱིས་བདག་ཅག་ལ་བསྒོ་བ། སྔོན་མ་བྱུང་བའི་རྟགས་དང་ཆ་ལུགས་ཅན་དག་མཐོང་ན་ཁོ་བོ་ལ་སྦྲོན་ཅིག་ཅེས་བྱུང་བ་དེ་དག་ལྷགས་ཏེ་སྒོ་ན་སྡོད་དོ། །དེས་སྨྲས་པ། འཇུག་
D3.008.0138a01.01ཏུ་ཆུག་ཤིག །དེ་དག་གིས་འཇུག་ཏུ་བཅུག་པ་དང་། ཁྱིམ་བདག་གདངས་ཅན་གྱིས་དེ་དག་མཐོང་ནས་དྲིས་པ། ཤེས་ལྡན་དག་ཁྱེད་ཅག་གང་ནས་འོངས། དེ་དག་གིས་སྨྲས་པ། ཁྱིམ་བདག་ལྷོ་ལམ་ནས་སོ། །དེས་སྨྲས་པ། ཤེས་ལྡན་དག་ཁྱེད་ཀྱིས་ལྷོ་ལམ་དུ་ངོ་མཚར་
D3.008.0138a02.01བ་མཐོང་བ་དང་ཐོས་པ་ཅི་ཡོད། དེ་དག་གིས་སྨྲས་པ། ཁྱིམ་བདག་རེ་ཞིག་བདག་ཅག་གིས་སྔར་མཐོང་བ་དང་ཐོས་པའི་ངོ་མཚར་གཞན་དག་ལྟ་ཞོག་གི །ཏེ་པོར་མཐོང་བ་དང་ཐོས་པའི་ངོ་མཚར་གང་ཡིན་པ་དག་སྨྲ་བར་བྱས་ཉོན་ཅིག །དེས་སྨྲས་པ། ཤེས་ལྡན་དག་སྨྲོས་
D3.008.0138a03.01ཤིག་དང་ཁོ་བོ་ངོ་མཚར་དེ་དག་ཉན་ཏོ། །དེ་དག་གིས་ཁྱིམ་བདག་གདངས་ཅན་ལ་ཇི་ལྟར་གྱུར་པ་རྒྱས་པར་བརྗོད་པ་དང་། ཁྱིམ་བདག་གདངས་ཅན་གྱིས་ཐོས་ནས་མཆོག་ཏུ་ངོ་མཚར་སྐྱེས་ཏེ་དེ་དག་ཟན་བྱིན་ནས་སྨྲས་པ། ཤེས་ལྡན་དག་གང་དུ་འདེང་། དེ་དག་གིས་སྨྲས་པ།
D3.008.0138a04.01ཁྱིམ་བདག་མཉན་ཡོད་དུ་འདོང་ངོ་། །ཤེས་ལྡན་དག་དེ་ན་ཅི་ཡོད། ཁྱིམ་བདག་དེ་ན་ལྷའི་བུ་གསོ་སྦྱོང་རལ་གྱིས་གང་ལ་བརྟེན་ཏེ། ཡན་ལག་བརྒྱད་དང་ལྡན་པའི་གསོ་སྦྱོང་བླངས་པའི་ཁྱིམ་བདག་མགོན་མེད་ཟས་སྦྱིན་ཡོད་དོ། །དེས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་དེ་
D3.008.0138a05.01ཁོ་བོའི་ཡང་མ་མཐོང་བའི་གྲོགས་ཡིན་གྱིས་འདི་ཉིད་དུ་དབྱར་གྱི་མཚན་མོ་གྱིས་ལ་དབྱར་འདས་ནས་ཁོ་བོ་དང་ལྷན་ཅིག་འདོང་ངོ་། །དེ་དག་དེ་ཉིད་དུ་དབྱར་གྱི་མཚན་མོ་གནས་ཏེ། དབྱར་འདས་ནས་མཉན་ཡོད་དུ་འཕགས་པ་དང་ཁྱིམ་བདག་གདངས་ཅན་གྱིས་བད་སའི་རྒྱལ་པོ་
D3.008.0138a06.01ཤར་པ་ལ་སྨྲས་པ། ལྷ་བདག་མཉན་ཡོད་དུ་བགྱི་བ་ཅུང་ཞིག་མཆིས་ན། གལ་ཏེ་ལྷས་གནང་ན་དེར་མཆིའོ། །རྒྱལ་པོས་སྨྲས་པ། ཁྱིམ་བདག་གལ་ཏེ་དེ་ལྟ་ན་སོང་ལ་ཁྱོད་ཀྱིས་དོན་བསྒྲུབ་པ་བྱས་ནས་མྱུར་དུ་ཕྱིར་ཤོག་ཤིག །དེ་རྒྱལ་པོས་གནང་ནས་དྲང་སྲོང་ལྔ་བརྒྱ་པོ་དེ་
D3.008.0138a07.01