完整藏文原文 · 德格版页 当前仅加载第 8 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་
D3.008.0207b01.01རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་འཐོབ་ཅིང་། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་རྒལ་བར་གྱུར། །འགྲོ་བར་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་
D3.008.0207b02.01མཐོང་བ་རབ་དཀོན་ན། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་གདུད་བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང་། །དེ་ནས་
D3.008.0207b03.01སྔོན་དགེ་སློང་ལྷའི་བུ་ཚོང་པ་ཁེ་སྤོགས་རྙེད་པ་ལྟ་བུ་དང་། ཞིང་པ་ལོ་ཏོག་འབྱོར་པ་ལྟ་བུ་དང་། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང་། ནད་པ་ནད་ཐམས་ཅད་ལས་ཡོངས་སུ་ཐར་བ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་
D3.008.0207b04.01པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ་། །ཇི་ཙམ་ན་མཚན་མོ་ནམ་ནངས་ནས་ཁང་སྐྱོང་གིས་སྒོ་ཕྱེ་སྟེ་ཕྱགས་མ་ཐོགས་ནས་སྒོ་ཁང་ཕྱག་པར་བརྩམས་པ་དང་། དེ་སྐྱིལ་མོ་ཀྲུང་གིས་འདུག་པ་མཐོང་ནས་དེས་སྨྲས་པ། ཚེ་དང་ལྡན་པ་ལོངས་ཤིག །ཅི་ཁྱོད་ཀྱང་སྔར་
D3.008.0207b05.01བསམ་གཏན་བྱེད་པ་ཡིན་ནམ། དེ་ཚིག་མི་སྨྲ་ནས། དེས་དེའི་ལག་པ་གཉིས་ནས་བཟུང་སྟེ་བསྒུལ་བར་བརྩམས་པ་དང་། ཇི་ཙམ་ན་དུས་ལ་བབ་པར་མཐོང་ངོ་། །དེས་འདི་ཅི་ཞིག་གིས་དུས་ལ་བབ་ཅེས་བརྟག་པར་བརྩམས་པ་དང་། ཇི་ཙམ་ན་ཁྲི་འོག་ན་སྦྲུལ་དུག་
D3.008.0207b06.01མྱུར་དུ་ཁྱབ་པར་བྱེད་པ་འདུག་པ་མཐོང་ནས་དེ་སྔངས་ཏེ། དགེ་སློང་རྣམས་ཀྱི་གན་དུ་སོང་སྟེ་སྨྲས་པ། ཚེ་དང་ལྡན་པ་དག་དགེ་སློང་སྒོ་ཁང་དུ་ཉལ་བ་གང་ཡིན་པ་དེ་སྦྲུལ་དུག་མྱུར་དུ་ཁྱབ་པར་བྱེད་པས་བཟུང་སྟེ་དུས་ལ་བབ་བོ། །དགེ་སློང་རྣམས་ཀྱིས་དེ་དུར་ཁྲོད་དུ་བསྐྱལ་ཏེ་
D3.008.0207b07.01