完整藏文原文 · 德格版页 当前仅加载第 8 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུབ་པ། ཤཱཀྱའི་སེང་གེ །ཤཱཀྱའི་རྒྱལ་པོའི་གཙོ་བོ་དེས་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་སྨོན་ལམ་གདབ་པར་བརྩམས་པས་སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ཡང་དང་ཡང་དུ་མེའི་ཁམས་ལ་
D3.008.0036b01.01སྙོམས་པར་འཇུག་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་
D3.008.0036b02.01པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །མྱོས་པར་འགྱུར་བ་འཐུང་བའི་ལྟུང་བྱེད་དེ་བདུན་བཅུ་
D3.008.0036b03.01རྩ་དགུ་པ་རྫོགས་{སྷོ,སོ}།། །།བར་སྡོམ་ལ། ཞི་བ་རལ་པ་ནོར་བུ་དང་། །སྨན་པ་དགེ་འདུན་ལྟོ་དང་སྐས། །ཟ་དང་ཉེས་གྱུར་གཏུམ་མོ་དང་། །གཞོན་ནུ་ལྷུང་བཟེད་སྟོབས་རྣམས་སོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་
D3.008.0036b04.01དགའ་ར་བ་ན་བཞུགས་སོ། །རི་བྲགས་ཤིག་ན་བྲམ་ཟེ་ཞིག་འདུག་པ་དེས་མཉན་ཡོད་པའི་བུ་མོ་ཞིག་བག་མར་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་མོ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །
D3.008.0036b05.01བྲམ་ཟེ་དེ་ལ་རེ་ཞིག་མཉན་ཡོད་དུ་བྱ་བ་ཞིག་བྱུང་ནས་དེས་ཤིང་རྟ་བཅས་ཏེ་འཕགས་པ་དང་། བུ་མོ་དེས་མཐོང་ནས་དེས་སྨྲས་པ། ཡབ་གར་བཞུད། བྲམ་ཟེས་སྨྲས་པ། བུ་མོ་མཉན་ཡོད་དུའོ། །བུ་མོས་སྨྲས་པ། ཡབ་བདག་ཀྱང་མཆིའོ། །བྲམ་ཟེས་སྨྲས་པ། བུ་མོ་ཁྱོད་
D3.008.0036b06.01ད་མཆོག་ཐོབ་པ་ཡིན་པས་ཁྱོད་ཀྱི་ལག་པ་འམ་རྐང་པ་ལ་འགའ་ཞིག་གིས་རེག་པར་གྱུར་ན། བདག་ཅག་ལ་མི་སྙན་པར་འགྱུར་གྱིས་ཁྱོད་འདི་ཉིད་ན་འདུག་ཤིག །བུ་མོ་དེས་ངུ་བར་བརྩམས་པ་དང་། བྲམ་ཟེ་མོས་སྨྲས་པ། བུ་མོ་ཅིའི་ཕྱིར་ངུ་། བུ་མོས་སྨྲས་པ། ཡབ་
D3.008.0036b07.01