完整藏文原文 · 德格版页 当前仅加载第 8 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོར་གྱུར་ནས་ཡི་གེ་དང་ཡིག་འབྲུ་དག་དང་། སྒྱུ་རྩལ་གཞན་དག་ལ་ཡང་ཤིན་ཏུ་མཁས་པར་གྱུར་ཏོ། །གང་གི་ཚེ་སྔོ་བསངས་ཅན་མགོ་བསྒྱུར་རན་པར་གྱུར་པ་དེའི་ཚེ་ན་དེ་སློང་བ་རྒྱལ་པོ་དག་དང་། ནོར་ཅན་དག་དང་། ཚོང་དཔོན་དག་དང་དེད་དཔོན་དག་
D3.008.0158a01.01དང་། ཤཱཀྱ་དག་དང་། ཀཽ་དྱ་དག་དང་། ལིཙྪ་བཱི་དག་དང་། གཞན་ཡང་མང་པོ་དག་ལྷགས་པར་གྱུར་ནས། ཁྱིམ་བདག་གདངས་ཅན་འདི་སྙམ་དུ་མང་པོ་དག་སྔོ་བསངས་ཅན་སློང་སྟེ། གང་དག་ལ་མ་བྱིན་པ་དེ་དག་བདག་གི་དགྲ་བོར་འགྱུར་རོ་སྙམ་ནས་ལག་པ་ལ་
D3.008.0158a02.01འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་གོ། །སྔོ་བསངས་ཅན་གྱིས་དེ་མཐོང་ནས་སྨྲས་པ། ཡབ་ཁྱོད་ཅིའི་སླད་དུ་ཕྱག་ལ་ཞལ་གཏད་དེ་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ་མོ་ཁྱོད་སློང་བ་རྒྱལ་པོ་དག་དང་། ནོར་ཅན་དག་དང་། ཚོང་དཔོན་
D3.008.0158a03.01དག་དང་། དེད་དཔོན་དག་དང་། ཤཱཀྱ་དག་དང་། ཀཽ་དྱ་དག་དང་། ལིཙྪ་བཱི་དག་དང་། གཞན་ཡང་མང་པོ་དག་ལྷགས་པས་གང་དག་ལ་ཁྱོད་མ་བྱིན་པ་དེ་དག་ངའི་དགྲར་འགྱུར་ན། ཁོ་བོ་ཇི་ལྟར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་མི་འདུག་ཏུ་རུང་།
D3.008.0158a04.01དེས་སྨྲས་པ། ཡབ་གལ་ཏེ་དེ་ལྟ་ན་མི་དགྱེས་པར་མ་མཛད་ཅིག་དང་། དེང་ནས་གདུགས་བདུན་ན་ངན་བུ་རང་གིས་གནས་བཙལ་བར་བགྱིའོ། །དེས་སྨྲས་པ། བུ་མོ་དེ་ལྟར་གྱིས་ཤིག །འོན་ཀྱང་རེ་ཞིག་ལྷ་ལ་ཞུ་བར་བྱའོ་ཞེས་དེ་བད་སའི་རྒྱལ་པོ་ཤར་པའི་གན་དུ་སོང་
D3.008.0158a05.01སྟེ་སྨྲས་པ། ལྷ་དེང་ནས་གདུགས་བདུན་ན་སྔོ་བསངས་ཅན་རང་གིས་གནས་ཚོལ་བར་འགྱུར་གྱིས་ལྷས་གནང་བར་མཛོད་ཅིག །རྒྱལ་པོས་བསམས་པ། དེས་ང་མ་གཏོགས་པ་གཞན་སུ་ཞིག་ལ་གནས་ཚོལ་བར་འགྱུར་སྙམ་ནས་གནང་ངོ་། །དེས་གནང་ནས་བློན་པོ་རྣམས་
D3.008.0158a06.01ལ་བསྒོ་བ། ཤེས་ལྡན་དག་གྲོང་ཁྱེར་མཛེས་པར་བྱེད་དུ་ཆུག་ལ། འདི་སྐད་ཅེས་དེང་ནས་ཉི་མ་བདུན་ནས་སྔོ་བསངས་ཅན་རང་གིས་གནས་ཚོལ་བར་འགྱུར་རོ་ཞེས་དྲིལ་སྒྲོགས་ཤིག །བློན་པོ་རྣམས་ཀྱིས་གྲོང་ཁྱེར་དེ་རྡོ་བ་དང་། གསེག་མ་དང་། གྱོ་མོ་མེད་པར་རྣམ་
D3.008.0158a07.01