完整藏文原文 · 德格版页 当前仅加载第 8 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་སུ་ཡིན། དེས་སྨྲས་པ། ལྷ་བདག་སྟོང་ཐུབ་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་སྟོང་ཐུབ་ལ་འཚོ་བ་བྱིན་ཅིག །དེ་དག་གིས་དེ་ལ་འཚོ་བ་བྱིན་ནོ། །གང་གི་ཚེ་བཅོམ་ལྡན་འདས་ཀྱིས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་
D3.008.0149b01.01ཅན་སྙིང་པོ་ལྷ་བརྒྱད་ཁྲི་དང་མ་ག་དྷཱ་པའི་བྲམ་ཟེ་དང་། ཁྱིམ་བདག་འབུམ་ཕྲག་དུ་མ་དང་ལྷན་ཅིག་བདེན་པ་དག་ལ་བཞག་པ་དེའི་ཚེ་ན་དེས་རྒྱལ་པོའི་ཁབ་ཏུ་དྲིལ་བསྒྲགས་པ་བྱེད་དུ་བཅུག་སྟེ་བསྒོ་བ། རྒྱལ་པོའི་ཁབ་ན་གནས་པ་དང་། ཕོ་བྲང་འཁོར་གྱི་མི་དང་། ཡུལ་ཐ་
D3.008.0149b02.01དད་པ་ནས་ལྷགས་པའི་སྐྱེ་བོའི་ཚོགས་ཤེས་ལྡན་དག་ཉོན་ཅིག །ངའི་ཡུལ་དུ་སུས་ཀྱང་རྐུན་པོ་མི་བྱའོ། །ངའི་ཡུལ་དུ་གང་རྐུན་པོ་བྱེད་པ་དེ་ངས་ཡུལ་མེད་པར་བྱ་ཞིང་བརྐུས་པ་རྣམས་ཀྱི་ནོར་ནི་ང་རང་གི་མཛོད་དང་བང་བ་ནས་སྦྱིན་ནོ་ཞེས་བསྒོའོ། །གང་གི་ཚེ་བཅོམ་ལྡན་འདས་
D3.008.0149b03.01ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོས་བཏུལ་བ་དེའི་ཚེ་ན་དེས་ཀྱང་མཉན་ཡོད་དུ་དྲིལ་བསྒྲགས་པ་བྱེད་དུ་བཅུག་སྟེ་བསྒོ་བ། ངའི་ཡུལ་དུ་སུས་ཀྱང་རྐུན་པོ་མི་བྱའོ། །ངའི་ཡུལ་དུ་གང་རྐུན་པོ་བྱེད་པ་དེ་ངས་གསད་པར་བྱ་ཞིང་བརྐུས་པ་རྣམས་ཀྱི་
D3.008.0149b04.01ནོར་ནི་ང་རང་གི་མཛོད་དང་བང་བ་ནས་སྦྱིན་ནོ་ཞེས་བསྒོའོ། །བར་དུ་ཡུལ་མ་ག་དྷཱ་ན་གནས་པའི་ཆོམ་རྐུན་པ་གང་དག་ཡིན་པ་དང་། ཡུལ་ཀོ་ས་ལ་ན་གནས་པའི་ཆོམ་རྐུན་པ་གང་དག་ཡིན་པ་དེ་དག་མཚམས་ཀྱི་བར་དུ་དོང་སྟེ་འཁོད་ཅིང་ཡུལ་མ་ག་དྷཱ་ནས་དོན་མཐུན་པ་གང་དག་འོང་
D3.008.0149b05.01བ་དེ་དག་ཀྱང་འཇོམས་པར་བྱེད། ཡུལ་ཀོ་ས་ལ་ནས་དོན་མཐུན་པ་གང་དག་འོང་བ་དེ་དག་ཀྱང་འཇོམས་པར་བྱེད་ནས་ཐམས་ཅད་དུ་ཡུལ་མ་ག་དྷཱ་ན་འཁོད་པའི་ཆོམ་རྐུན་པ་གང་དག་ཡིན་པ་དང་། ཡུལ་ཀོ་ས་ལ་ན་འཁོད་པའི་ཆོམ་རྐུན་པ་གང་དག་ཡིན་པ་དེ་དག་མཚམས་ཀྱི་བར་
D3.008.0149b06.01དུ་དོང་སྟེ་འཁོད་ཅིང་དོན་མཐུན་འཇོམས་པར་བྱེད་པས་དོན་མཐུན་འགྲོ་བ་དང་འོང་བ་རྒྱུན་ཆད་དེ། རྒྱལ་པོའི་དཔྱ་དང་ལོ་ཐང་མི་འདུའོ་ཞེས་བྱ་བ་དེ་ལྟ་བུའི་སྒྲ་གྲགས་པར་གྱུར་ཏོ། །རྒྱལ་པོ་གཟུགས་ཅན་སྙིང་པོས་དེ་ཐོས་ནས་རུ་གཅིག་བཏང་ན་དེ་བཅོམ་ཞིང་རབ་ཏུ་བཅོམ་སྟེ་ཕྱིར་འོངས་
D3.008.0149b07.01