完整藏文原文 · 德格版页 当前仅加载第 8 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་འཆར་ཀ་ས་ལ་སྒྱེལ་ནས་དེ་འགོག་པ་ལ་སྙོམས་པར་ཞུགས་པ་དང་། དེས་བསམས་པ། མ་ཤིའམ་སྙམ་ནས་དེ་བབས་ཏེ་བསླང་བར་བརྩམས་ན་འགུལ་བར་ཡང་མ་ནུས་སོ། །བྲམ་ཟེ་འོངས་ནས་དྲིས་པ། འདི་ཅི་ཡིན། བྲམ་ཟེ་མོས་རྒྱས་པར་བརྗོད་པ་དང་། དེས་
D3.008.0051b01.01སྨྲས་པ། ཁྱོད་ཀྱིས་འདི་དེ་ལྟར་ཕུལ་བ་ནི་མ་ལེགས་པ་བྱས་ཏེ། འདི་ནི་བྲམ་ཟེ་མདུན་ན་འདོན་གྱི་བུ་ལས་རབ་ཏུ་བྱུང་བ། རྒྱལ་པོ་གསལ་རྒྱལ་གྱི་ཆུང་པོ་གྲོགས། བཙུན་མོ་ཕྲེང་ལྡན་མའི་སློབ་དཔོན་ཡིན་ཏེ། འདི་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་
D3.008.0051b02.01པས་བདག་ཅག་རྒྱལ་པོས་ཕྱག་སྦལ་དུ་བཅུག་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །བྲམ་ཟེ་མོས་ཚེ་དང་ལྡན་པ་འཆར་ཀའི་རྐང་པ་གཉིས་ལ་གཏུགས་ཏེ། འཕགས་པ་ཁྱོད་ཀྱིས་མི་མཁྱེན་པ་དང་། མི་གཟིགས་པ་དང་། མི་རིག་པ་དང་།
D3.008.0051b03.01རྣམ་པར་མི་མཁྱེན་པ་ཅི་ཡང་མ་མཆིས་ཀྱིས་བཟོད་པར་གསོལ་ཞེས་བཟོད་པ་གསོལ་བ་དང་། ཚེ་དང་ལྡན་པ་འཆར་ཀ་ལངས་ཏེ་སྨྲས་པ། བཟོད་པར་བྱའོ། །བྲམ་ཟེ་དེ་ངོ་མཚར་སྐྱེས་ནས་དེས་སྨྲས་པ། བཙུན་པ་འཆར་ཀ་ཅིའི་སླད་དུ་བྱོན། ཁྱོད་ཉིད་གདུལ་བའི་དོན་དུའོ། །
D3.008.0051b04.01བཙུན་པ་འཆར་ཀ་དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག །ཚེ་དང་ལྡན་པ་འཆར་ཀས་དེར་འདུག་སྟེ་ཟས་ཀྱི་བྱ་བ་བྱས་པ་དང་། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་
D3.008.0051b05.01དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས་འདི་ལྟར་བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ། འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་
D3.008.0051b06.01བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ་བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས། བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་
D3.008.0051b07.01