完整藏文原文 · 德格版页 当前仅加载第 8 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ། ནོར་བུ་དག་དང་། མུ་ཏིག་དག་དང་། བཻ་ཌཱུརྱ་དག་དང་། མན་ཤེལ་དཀར་པོ་དག་དང་། བྱི་རུ་དག་དང་། དངུལ་དག་དང་། གསེར་དག་དང་། རྡོའི་སྙིང་པོ་དག་དང་། སྤུག་དག་དང་། དམར་པོ་དག་དང་། གཡས་སུ་འཁྱིལ་པ་དག་
D3.008.0183a01.01ཡིན་ནོ་སྙམ་དུ་སེམས་པ་དེ་དག་ནི་དེའི་གཤུལ་ལམ་རྒྱབ་ཏུ་ཞོན་པར་གྱུར་དུ་ཟིན་ཀྱང་དེ་དག་ཤིང་ཏོག་སྨིན་པ་རྩེ་དག་ལས་འབྲུལ་བ་བཞིན་དུ་ལྷུང་བར་གྱུར་ཅིང་བུད་མེད་དེ་དག་འོངས་ཤིང་འོངས་ཤིང་ཟོས་པར་གྱུར་ཏེ། འདི་ལྟར་སྐྱེས་བུ་ཟ་བ་ན་སྐྲ་དང་། སྤུ་དང་། སེན་མོ་
D3.008.0183a02.01དང་། སོའི་ལྷག་མ་གང་དག་ཡིན་པ་དེ་དག་ཀྱང་མ་ལུས་པར་ཟོས་པར་གྱུར་ལ། དེ་དག་སྐྱེས་བུ་ཟ་བ་ན་ཁྲག་དྲོན་མོའི་ཐིགས་པ་ས་ལ་ལྷུང་བ་གང་དག་ཡིན་པ་དེ་དག་ཀྱང་སོར་མོའི་རྩེ་མོས་བྱོགས་ཤིང་བྱོགས་ཤིང་ས་དང་བཅས་པར་ཁར་བཅུག་པར་གྱུར་ཏོ། །དེ་ལ་
D3.008.0183a03.01དེ་དག་ལས་གང་དག་འདི་སྙམ་དུ་བདག་གི་ཆུང་མའམ། བུའམ་བུ་མོའམ། ཟས་ཀྱི་གནས་དག་གམ། སྐོམ་གྱི་གནས་དག་གམ། གོས་ཀྱི་གནས་དག་གམ། གནས་མལ་གྱི་གནས་དག་གམ། ཀུན་དགའ་ར་བ་དགའ་བར་འགྱུར་བ་དག་གམ། ནགས་ཚལ་
D3.008.0183a04.01དགའ་བར་འགྱུར་བ་དག་གམ། རྫིང་བུ་དགའ་བར་འགྱུར་བ་དག་གམ། འཛམ་བུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང་། མུ་ཏིག་དག་དང་། བཻ་ཌཱུརྱ་དག་དང་། མན་ཤེལ་དཀར་པོ་དག་དང་། བྱི་རུ་དག་དང་། དངུལ་དག་དང་། གསེར་དག་དང་།
D3.008.0183a05.01རྡོའི་སྙིང་པོ་དག་དང་། སྤུག་དག་དང་། དམར་པོ་དག་དང་། གཡས་སུ་འཁྱིལ་པ་དག་ཡིན་ནོ་སྙམ་དུ་མི་སེམས་པ་དེ་དག་ནི་དེའི་སྤུ་དག་ལ་འཇུས་པར་གྱུར་དུ་ཟིན་ཀྱང་དེ་དག་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་གྱུར་ཏོ། །དགེ་སློང་དག་དེ་བཞིན་དུ་ཁྱེད་
D3.008.0183a06.01ཅག་ལས་གང་དག་བདག་མིག་གོ། །བདག་གི་མིག་གོ། །བདག་རྣ་བའོ། །སྣའོ། །ལྕེའོ། །ལུས་སོ། །ཡིད་དོ། །བདག་གི་ཡིད་དོ། །བདག་གཟུགས་སོ། །བདག་གི་གཟུགས་སོ། །བདག་སྒྲའོ། །དྲིའོ། །རོའོ། །རེག་བྱའོ། །ཆོས་སོ། །བདག་གི་ཆོས་སོ། །བདག་
D3.008.0183a07.01