完整藏文原文 · 德格版页 当前仅加载第 8 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
གཞོན་ནུའི་ཡོངས་སུ་སྤང་བ་བྱིན། དགེ་སློང་མ་རྣམས་ལ་ནི་བཙུན་མོའི་འཁོར་གྱི་ཡོངས་སུ་སྤང་བ་བྱིན་ནོ། །དགེ་སློང་དག་དེའི་ཚེ་དེའི་དུས་ན་རྒྱལ་པོ་ཀྲྀ་ཀཱིའི་བློན་པོའི་མཆོག་དགའ་བོ་དང་། ཉེ་དགའ་ཞེས་བྱ་བ་དེ་གཉིས་ནི་ད་ལྟར་ཀླུའི་རྒྱལ་པོ་དགའ་བོ་དང་། ཉེ་དགའ་འདི་གཉིས་ཡིན་
D3.008.0080b01.01ཏེ། དེ་གཉིས་ཀྱིས་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་པ་གང་ཡིན་པ་དེས་ནི་ཀླུ་རྣམས་ཀྱི་ནང་དུ་སྐྱེས་སོ། །ཡོ་བྱད་ཐམས་ཅད་ཕུན་སུམ་ཚོགས་པའི་གཙུག་ལག་ཁང་བྱེད་དུ་བཅུག་སྟེ་ཡང་དག་པར་རྫོགས་པའི་སངས་རྒྱས་འོད་སྲུང་ཉན་ཐོས་ཀྱི་དགེ་འདུན་དང་
D3.008.0080b02.01བཅས་པ་ལ་ཕུལ་བ་གང་ཡིན་པ་དེས་ནི་རིན་པོ་ཆེ་སྣ་བཞི་ལས་བྱས་པའི་གནས་མངོན་པར་གྲུབ་ཅིང་ལྷའི་བདུད་རྩིའི་ཟས་དང་། སྦྲང་རྩིའི་ཆང་གི་བཏུང་བ་དང་། རེ་རེ་ལ་ཡང་འཁོར་ཉིས་སྟོང་ལྔ་བརྒྱ་དང་ལྡན་པར་གྱུར་ཏེ། དགེ་སློང་རྣམས་ལ་གཞོན་ནུའི་ཡོངས་སུ་སྤང་བ་བྱིན་པ་
D3.008.0080b03.01དང་། དགེ་སློང་མ་རྣམས་ལ་བཙུན་མོའི་འཁོར་གྱི་ཡོངས་སུ་སྤང་བ་བྱིན་པ་གང་ཡིན་པ་དེས་ནི་བསྐལ་པར་གནས་པ། ས་འཛིན་པ་འདབ་ཆགས་ཀྱི་རྒྱལ་པོ་འདབ་{བཟངས་ཀྱིས་,བཟང་གིས་}དབྱུང་བར་མི་ནུས་པར་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་
D3.008.0080b04.01སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་
D3.008.0080b05.01སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཀོད་པ་དེའི་ཚེ་ན་དེ་གཉིས་ཚེས་བརྒྱད་
D3.008.0080b06.01དང་། ཚེས་བཅུ་བཞི་དང་། ཚེས་བཅོ་ལྔ་ལ་རི་རབ་ཀྱི་བང་རིམ་དུ་འོངས་ནས་བཅོམ་ལྡན་འདས་ལ་བསྙེན་བཀུར་བྱེད་དོ། །དེ་གཉིས་གང་གི་ཚེ་མཚན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་ནི་གཞལ་མེད་ཁང་པའི་ཆ་ལུགས་ཀྱིས་བསྙེན་བཀུར་བྱེད་ཅིང་། གང་གི་ཚེ་ཉིན་མོ་
D3.008.0080b07.01