完整藏文原文 · 德格版页 当前仅加载第 8 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ཁྱིམ་དད་པར་བྱེད་པ་རྣམས་ཀྱི་མཆོག་དེ་སྦས་པ་ནི་དེ་དང་དེ་དག་གིས་བསད་དོ། །དེ་དག་གིས་དེ་ཐོས་ནས་སྨྲས་པ། རྒན་མོ་ཅི་ཟེར། རྒན་མོ་དེས་སྨྲས་པ། ཅང་མི་ཟེར་རོ། །དེ་དག་གིས་དེ་བཟུང་སྟེ་བསྡིགས་ནས། དེ་སུས་བསད་སྨྲོས་ཤིག་ཅེས་བྱས་པ་དང་། དེས་
D3.008.0067b01.01སྨྲས་པ། བྲམ་ཟེའི་བུ་མོ་འདིས་གསོད་དུ་བཅུག་གོ། །ཆོམ་རྐུན་པའི་དམག་དཔོན་འདིས་བསད་དོ། །དེ་དག་གིས་ཀྱང་བསྡིགས་ཏེ། ཅི་དེ་གཉིས་ཁོ་ནར་ཟད་དམ་ཞེས་རྨས་པ་དང་། དེས་སྨྲས་པ། གཞན་ཡང་གཡོན་ཅན་ལྔ་བརྒྱ་ཡོད་དོ། །རྒྱལ་པོའི་མི་དེ་དག་
D3.008.0067b02.01གིས་བྲམ་ཟེའི་བུ་མོ་དེ་དང་། ཆོམ་རྐུན་པའི་དམག་དཔོན་དེ་དང་། གཡོན་ཅན་ལྔ་བརྒྱ་པོ་དེ་དག་བཟུང་སྟེ་རྒྱལ་པོ་ལ་ཕུལ་ནས་སྨྲས་པ། ལྷ་འཕགས་པ་འཆར་ཀ་ནི་བྲམ་ཟེའི་བུ་མོ་འདིས་འགུམས་སུ་སྩལ་ཏེ། ཆོམ་རྐུན་པའི་དམག་དཔོན་འདིས་བཀུམ་མོ། །གཡོན་
D3.008.0067b03.01ཅན་ལྔ་བརྒྱ་པོ་འདི་དག་གི་དམག་དཔོན་ནི་འདི་ལགས་སོ། །རྒྱལ་པོས་སྨྲས་པ། ཤེས་ལྡན་དག་དེང་ལ་བྲམ་ཟེའི་བུ་མོ་འདི་རྟེའུ་དམུ་རྒོད་ཀྱི་རྐང་པ་གཉིས་ལ་ཐོགས་ཤིག །ཆོམ་རྐུན་པའི་དམག་དཔོན་འདི་ནི་རྒྱ་སྐྱེགས་ཀྱི་ཁང་པར་ཆུག་ལ་སྲེགས་ཤིག །གཡོན་ཅན་
D3.008.0067b04.01ལྔ་བརྒྱ་པོ་འདི་དག་ནི་ལག་པ་དང་རྐང་པ་དག་ཆོད་ཅིག །དེ་དག་གིས་བྲམ་ཟེའི་བུ་མོ་དེ་ནི་རྟེའུ་དམུ་རྒོད་ཀྱི་རྐང་པ་གཉིས་ལ་བཏགས་སོ། །ཆོམ་རྐུན་པའི་དམག་དཔོན་དེ་ནི་རྒྱ་སྐྱེགས་ཀྱི་ཁང་པར་བཅུག་སྟེ་བསྲེགས་སོ། །གཡོན་ཅན་ལྔ་བརྒྱ་པོ་དེ་དག་ནི་ལག་པ་དང་རྐང་པ་
D3.008.0067b05.01དག་བཅད་དོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་འཆར་ཀས་ལས་ཅི་བགྱིས་ན། ལས་དེའི་རྣམ་པར་སྨིན་པས་སྡང་བ་མ་མཆིས་པ་དང་། གནོད་པ་མ་བགྱིས་
D3.008.0067b06.01བཞིན་དུ་དེ་གཉིས་ཀྱིས་བཀུམ་པར་གྱུར་ཅིང་། དེ་གཉིས་ཀྱང་བཀུམ་པར་གྱུར། གཡོན་ཅན་ལྔ་བརྒྱ་པོ་དག་ཀྱང་ལག་པ་དང་རྐང་པ་དག་བཀུམ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་
D3.008.0067b07.01