完整藏文原文 · 德格版页 当前仅加载第 8 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུང་ན་འབྲས་ཆན་ཚོད་མ་སྣ་ཚོགས་དང་བཅས་པས་གང་བ་ཞིག་འདུག་པ་མཐོང་ནས། དེ་དག་གིས་དེར་ཁྲུས་བྱས་ཏེ་ཟོས་ཤིང་ཆུ་འཐུངས་ནས་རིལ་བ་ཆུས་བཀང་སྟེ། བཟའ་བ་དང་བཏུང་བ་ཅི་འདོད་པ་ཁྱེར་ནས་ཤིས་པ་བརྗོད་དེ་དོང་བ་དང་། དེ་དག་ལ་བློ་སྐྱེས་པ། ཤེས་ལྡན་དག་
D3.008.0136b01.01བདག་ཅག་གིས་དེ་ལྟ་བུའི་ཡ་མཚན་མཐོང་ནས་དེ་ལ་ཁྱོད་སུ་ཡིན། ལས་གང་གིས་འདིར་སྐྱེས་ཞེས་མ་དྲིས་པ་ནི་བདག་ཅག་ཉམས་པ་ཡིན་གྱིས་ཚུར་ཤེག་ཕྱིར་ལོག་ལ་དྲིའོ་སྙམ་ནས། དེ་དག་ཐམས་ཅད་འདུས་ཏེ་ཕྱིར་ལོག་ནས་ཤིང་ལྗོན་པ་དེའི་དྲུང་དུ་འཁོད་དེ་སྨྲས་པ། ཤིང་
D3.008.0136b02.01ལྗོན་པ་འདི་ལ་ལྷའམ། ཀླུའམ། གནོད་སྦྱིན་ནམ། ནམ་མཁའ་ལྡིང་ངམ། དྲི་ཟའམ། མི་འམ་ཅིའམ། ལྟོ་འཕྱེ་ཆེན་པོ་གང་གནས་པ་གང་གིས་བདག་ཅག་དགོན་པའི་ལམ་དུ་སོང་བ་གནོད་པ་དང་། ཉམ་ང་བ་དང་། མི་བདེ་བར་གྱུར་ཅིང་འཆི་བའི་དབང་དུ་གྱུར་པ་རྣམས་ལ་
D3.008.0136b03.01ཆུ་ཡན་ལག་བརྒྱད་དང་ལྡན་པ་དང་། ཟས་ཀྱིས་ཚིམ་པར་བྱས་པ་དེས་བདག་གང་ཡིན་པ་དང་། ལས་གང་གིས་འདིར་སྐྱེས་པ་སྨྲོས་ཤིག །ཇི་ཙམ་ན་ཤིང་ལྗོན་པ་དེ་ལས་ཚིག་བྱུང་བ། ཤེས་ལྡན་དག་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བ་ཡིན་པས་ཁོ་བོ་སུ་
D3.008.0136b04.01ཡིན་པ་དང་། ལས་གང་གིས་འདིར་སྐྱེས་པ་ཡིད་ཆེས་པར་མི་འགྱུར་བས་ཇི་ལྟར་སྨྲ་བར་བྱ། དྲང་སྲོང་རྣམས་ཀྱིས་སྨྲས་པ། ཀྱེ་བདག་ཅག་གིས་མངོན་སུམ་ཁོ་ནར་མཐོང་ན་ཇི་ལྟར་ཡིད་ཆེས་པར་མི་འགྱུར། ཐེ་ཚོམ་མ་ཟ་བར་སྨྲོས་ཤིག །དེས་སྨྲས་པ། ཤེས་ལྡན་དག་གལ་ཏེ་དེ་
D3.008.0136b05.01ལྟ་ན་ཉོན་ཅིག་དང་ཁོ་བོ་གང་ཡིན་པ་དང་། ལས་གང་གིས་འདིར་སྐྱེས་པ་སྨྲ་བར་བྱའོ། །ཡུལ་ཀོ་ས་ལ་དག་ན་གྲོང་ཁྱེར་མཉན་ཡོད་ཅེས་བྱ་བ་དེ་ན་ཁྱིམ་བདག་མགོན་མེད་ཟས་སྦྱིན་ཞེས་བྱ་བ་ཞིག་འདུག་པ་དེ་མགོན་མེད་པ་རྣམས་ལ་ཟས་སྦྱིན་པར་བྱེད་ནས་རི་བྲགས་ཤིག་ན་བྲམ་
D3.008.0136b06.01ཟེ་ཞིག་འདུག་པ་ལོངས་སྤྱོད་སྲབས་ནས་དེས་བསམ་པ། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་འདུག་པ་དེ་མགོན་མེད་པ་རྣམས་ལ་ཟས་སྦྱིན་པར་བྱེད་ཀྱིས་དེའི་གན་དུ་སོང་ན་དེ་ལས་ཅུང་ཟད་འགྲུབ་པར་འགྱུར་རོ་སྙམ་ནས་དེ་དེའི་གན་དུ་སོང་བ་དང་། ཁྱིམ་བདག་
D3.008.0136b07.01