完整藏文原文 · 德格版页 当前仅加载第 8 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། འདི་ལྟར་བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་ནི་བདེ་བར་གྱུར་པས་མངོན་པར་བརྗོད་པར་བགྱིད་དོ། །ཇི་ལྟར་བཅོམ་ལྡན་འདས་འཛམ་བུའི་གླིང་ན་འཁོར་བཞི་པོ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་
D3.008.0163a01.01མ་རྣམས་ཀྱིས་བསྐོར་ཅིང་བཞུགས་པ་ན། བཅོམ་ལྡན་འདས་བདག་ཅག་ལ་ཆོས་གང་དང་གང་སྟོན་པར་འགྱུར་བའི་ཆོས་དེ་དང་དེ་བདག་ཅག་གིས་མཉན་ནས་དེ་ལྟ་དེ་ལྟར་བསྒྲུབ་པར་བྱ་སྟེ། དེ་ནི་བདག་ཅག་ལ་ཡུན་རིང་པོའི་དོན་དང་། ཕན་པ་དང་བདེ་བར་འགྱུར་རོ་སྙམ་པ་དེ་
D3.008.0163a02.01བཞིན་དུ། བཙུན་པ་བདག་ཀྱང་མི་གདུང་བའི་ལྷའི་རིས་ན་མི་གདུང་བའི་རིས་ཀྱི་ལྷ་རྣམས་ཀྱིས་ཡོངས་སུ་བསྐོར་ཅིང་མཆིས་པ་ན། ལྷའི་བུ་ལག་བརྒྱུད་འབྲོག་གནས་བདག་ཅག་ལ་ཆོས་གང་དང་གང་སྟོན་པར་འགྱུར་བའི་ཆོས་དེ་དང་དེ་དག་བདག་ཅག་གིས་མཉན་ནས་དེ་
D3.008.0163a03.01ལྟ་དེ་ལྟར་བསྒྲུབ་པར་བྱ་སྟེ། དེ་ནི་བདག་ཅག་ལ་ཡུན་རིང་པོའི་དོན་དང་ཕན་པ་དང་། བདེ་བར་འགྱུར་རོ་སྙམ་དུ་སེམས་སོ། །ལག་བརྒྱུད་ཁྱོད་ཆོས་དུ་དག་གིས་མ་ངོམས་ཤིང་ཕྱིར་མ་སྤངས་པས་ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་པར་གྱུར། བཙུན་
D3.008.0163a04.01པ་བདག་ཆོས་གསུམ་གྱིས་མ་ངོམས་ཤིང་སླར་མ་སྤངས་པས་ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་ཏེ། གསུམ་གང་ལགས་ཤེ་ན། བཙུན་པ་བདག་བཅོམ་ལྡན་འདས་ལ་ལྟ་བས་མ་ངོམས་ཤིང་སླར་མ་སྤངས་པས་ལུས་ཞིག་ནས་མི་གདུང་བའི་ལྷའི་རིས་
D3.008.0163a05.01སུ་སྐྱེས་སོ། །བཙུན་པ་བདག་ཆོས་མཉན་པས་མ་ངོམས་ཤིང་སླར་མ་སྤངས་པས་ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་སོ། །བཙུན་པ་བདག་དགེ་འདུན་ལ་བསྙེན་བཀུར་བགྱི་བས་མ་ངོམས་ཤིང་སླར་མ་སྤངས་པས་ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་
D3.008.0163a06.01སོ། །དེ་ནས་ལྷའི་བུ་ལག་བརྒྱུད་འབྲོག་གནས་ཀྱིས་དེའི་ཚེ་ཚིགས་སུ་བཅད་པ་དག་སྨྲས་པ། བདག་ནི་བཅོམ་ལྡན་བལྟ་བ་དང་། །དམ་ཆོས་ཉན་དང་དགེ་འདུན་ལ། །བསྙེན་བཀུར་བགྱིད་པས་ལན་འགའ་ཡང་། །ངོམས་ཤིང་ཕྱིར་སྤོང་མ་མྱོང་ངོ་། །འཕགས་པའི་
D3.008.0163a07.01