完整藏文原文 · 德格版页 当前仅加载第 8 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་རུང་། དེས་སྨྲས་པ། སྲས་ཅི་མི་འཇིགས་པ་སྩོལ་ཅིག་དང་། གང་མེད་པ་དེ་བཀའ་མཆིད་བགྱིའོ། །དེས་སྨྲས་པ། ཡུམ་གསོལ་གྱིས་ཇི་ལྟར་ལགས་པ་གསུངས་ཤིག །སྲས་དེ་ནི་ཁྱོད་ཀྱི་ཡབ་མ་ལགས་ཏེ། འདི་ལྟར་བདག་གིས་ཟླ་མཚན་བཀྲུ་བའི་སླད་དུ་སྐྱེས་
D3.008.0123a01.01པ་གཞན་དག་དང་ལྷན་ཅིག་དགའ་མགུར་སྤྱོད་པ་དེ་ལས་ཁྱོད་འཁྲུངས་སོ། །དེས་བསམས་པ། དེ་ལྟ་ན་ཕ་བསད་པར་མ་གྱུར་ཏོ་སྙམ་དུ་རིག་ནས་སྨྲས་པ། ཡུམ་གལ་ཏེ་དེ་ལྟ་ན་ཕ་བསད་པ་ནི་མ་མཆིས་ན་དགྲ་བཅོམ་པ་བསད་པ་མཆིས་པ་དེ་ཇི་ལྟར་མཐར་ཐུག་པར་བགྱི། དེས་
D3.008.0123a02.01སྨྲས་པ། སྲས་འདི་ལ་ཤེས་པ་ལ་མཁས་པ་དག་སྨྲ་བར་བགྱི་སྟེ། དེ་དག་གིས་དེ་མཐར་ཐུག་པར་བགྱིད་པར་འགྱུར་རོ། །ཞེས་སྨྲས་ཏེ་སོང་ནས། དེས་བློན་པོ་སྐྱོན་ཆགས་པ་དེ་གཉིས་བོས་ཏེ་སྨྲས་པ། ཁོ་མོས་དེའི་ཕ་བསད་པ་ནི་བསལ་ཟིན་གྱིས་ད་ཁྱོད་གཉིས་ཀྱིས་དགྲ་བཅོམ་
D3.008.0123a03.01པ་བསད་པ་སོལ་ཅིག །རྒྱལ་པོ་གཙུག་པུད་ཅན་གྱིས་བློན་པོ་རྣམས་ལ་བསྒོ་བ། བློན་པོ་གང་དག་ཤེས་པ་ལ་མཁས་པ་ཐམས་ཅད་སྡུས་ཤིག །དེ་དག་གིས་བློན་པོ་གང་དག་ཤེས་པ་ལ་མཁས་པ་ཐམས་ཅད་བསྡུས་པ་དང་བློན་པོ་སྐྱོན་ཆགས་པ་དེ་གཉིས་ཀྱང་དེར་འདུས་པར་གྱུར་
D3.008.0123a04.01ཏོ། །དེ་ནས་རྒྱལ་པོ་གཙུག་པུད་ཅན་གྱིས་དེ་དག་ལ་སྨྲས་པ། ཤེས་ལྡན་དག་ངས་དགྲ་བཅོམ་པ་བསད་པ་གང་ཡིན་པ་དེ་ཇི་ལྟར་མཐར་ཐུག་པར་བྱ། དེ་ན་རྒྱལ་པོས་ཉེ་བར་འཚོ་བའི་མི་ཐམས་ཅད་ཀྱིས་ནི་མི་མཐུན་པར་སྨྲ་བར་བརྩམས་ཏེ། དེ་ན་ཁ་ཅིག་གིས་སྨྲས་པ། ལྷ་དེས་
D3.008.0123a05.01དགྲ་བཅོམ་པ་ཉིད་མངོན་སུམ་དུ་བགྱིས་པར་སུས་མཐོང་། ཁ་ཅིག་གིས་སྨྲས་པ། ལྷ་དགྲ་བཅོམ་པ་དག་ནི་ཐམས་ཅད་མཁྱེན་པ་དང་འདྲ་སྟེ་ནམ་མཁའ་ལ་མཆིའོ། །བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་འདི་ལ་ཐུགས་ངན་བགྱིར་ཅི་མཆིས། དེས་སྨྲས་པ།
D3.008.0123a06.01ཁྱེད་གཉིས་ཀྱང་དེ་སྐད་ཅེས་འདི་ལ་མྱ་ངན་བྱར་ཅི་ཡོད་ཟེར་རམ། ཁྱེད་གཉིས་ཉིད་ན་རེ་དགྲ་བཅོམ་པ་གསོད་དུ་བཅུག་གོ་ཞེས་མི་ཟེར་རམ། དེ་གཉིས་ཀྱིས་སྨྲས་པ། ལྷ་དགྲ་བཅོམ་པ་དག་མ་མཆིས་ན་དགྲ་བཅོམ་པ་དག་བཀུམ་པ་མཆིས་རེ་སྐན། དེས་སྨྲས་པ། ངས་མངོན་སུམ་ཁོ་
D3.008.0123a07.01