完整藏文原文 · 德格版页 当前仅加载第 8 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
རྐང་པ་གཉིས་ལ་གཏུགས་ཏེ་སྨོན་ལམ་བཏབ་པ་ཇི་ལྟར་ལྷུང་བཟེད་འདི་མི་གཡོ་བར་འདུག་པ་དེ་བཞིན་དུ་བདག་གི་རྒྱུད་ལ་ཆོས་གང་དག་ཞུགས་པ་དེ་དག་ཀྱང་མི་གཡོ་བ་ཉིད་དུ་གྱུར་ཅིག་ཅེས་བཏབ་བོ། །ལས་དེའི་རྣམ་པར་སྨིན་པས་འདི་ད་ལྟར་ཐོས་པ་འཛིན་པར་གྱུར་ཏོ། །ཡང་
D3.008.0196b01.01དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་སྒུར་མཆོག་གིས་ལས་ཅི་བགྱིས་ན་དེས་བྲན་མོར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྒུར་མཆོག་ཉིད་ཀྱིས་ལས་ཚོགས་རྙེད་པ། རྐྱེན་
D3.008.0196b02.01ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་དེ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་
D3.008.0196b03.01ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ལ་རྣམ་པར་སྨིན་
D3.008.0196b04.01པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་དེ་ཉིད་ན་འདི་དབང་ཕྱུག་གི་དྲེགས་པས་རྒྱགས་པས་འཁོར་གྱི་མི་རྣམས་ལ་བྲན་གྱི་ཚིག་གིས་ཀུན་
D3.008.0196b05.01དུ་སྤྱད་པས་ལས་དེའི་རྣམ་པར་སྨིན་པས་ད་ལྟར་བྲན་མོར་གྱུར་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དཔེ་མེད་མས་ལས་ཅི་བགྱིས་ན་དེས་གདུགས་བདུན་དུ་ཟན་མ་མཆིས་པར་ས་ཁང་དུ་སྩལ་ཅིང་
D3.008.0196b06.01ཉོན་མོངས་པ་ཅན་མ་ལགས་པ་དང་། ལུས་མ་རྙིས་པར་ཕྱུང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དཔེ་མེད་མ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་
D3.008.0196b07.01