完整藏文原文 · 德格版页 当前仅加载第 8 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏེ་ལྷགས་སོ། །དེ་དག་གིས་ཀྱང་ཡང་ཁ་གཉིས་སུ་བཅད་དེ་ཞུགས་པ་དང་ཡང་དེ་ལྟར་གྱུར་ཏོ། །དེ་དག་གིས་ཀྱང་ཡང་དང་ཡང་དུ་ཁ་གཉིས་སུ་བཅད་དེ་ཞུགས་པ་དང་། དེ་ལྟ་དེ་ལྟར་གྱུར་ནས་ཇི་ཙམ་ན་ལེགས་འོངས་དང་མུ་ལྟོ་བ་གཞན་ཅིག་དང་གཉིས་ལྷན་ཅིག་ཞུགས་པ་
D3.008.0023b01.01ཡང་སོ་སོར་བྱེ་བ་དང་། ལེགས་འོངས་ནི་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་འོངས་ལ། གཞན་ཐམས་ཅད་ལག་པ་གང་བ་དང་། སྤྲང་ཕོར་གང་བར་གྱུར་ཏེ་འོངས་ནས་དེ་དག་གིས་སྨྲས་པ། སེམས་ཅན་སྐལ་ཆད་འདི་བདག་ཅག་གི་ནང་དུ་ཞུགས་པས་དེས་ན་བདག་ཅག་
D3.008.0023b02.01ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་ལྷགས་སོ་ཞེས་དེ་དག་གིས་ལེགས་འོངས་ཤིན་ཏུ་བརྡེགས་ཏེ་སྤྲང་ཕོར་གྱིས་དེའི་ཀླད་པ་བཅོམ་ནས་ཉེས་འོངས་ཁྱོད་ཕར་སོང་ཤིག་ཅེས་སྨྲས་ཏེ་བསྐྲད་དོ། །ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་
D3.008.0023b03.01འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དེས་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག་ཇི་སྲིད་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་མ་གསོལ་གྱི་བར་དུ་མུ་ལྟོ་བ་འགའ་ཡང་འཇུག་ཏུ་མ་གཞུག་ཤིག །དེ་དག་ལ་ཕྱིས་སྦྱིན་
D3.008.0023b04.01པར་བྱའོ། །དེ་ན་མུ་ལྟོ་བས་འཇུག་པར་བརྩམས་པ་ན་སྒོ་བས་དེ་དག་ཕྱིར་བཟློག་པ་དང་། དེ་དག་གིས་སྨྲས་པ། ཀྱེ་ནང་རྗེ་ཁོ་བོ་ཅག་གི་མིང་གིས་ཁྱིམ་བདག་བཟང་བྱིན་གྱི་མིང་མགོན་མེད་ཟས་སྦྱིན་ཞེས་བྱ་བར་གྲགས་པ་ཡིན་ན་ཅིའི་ཕྱིར་ཁྱོད་ཁོ་བོ་ཅག་ཕྱིར་ཟློག་པར་བྱེད། ཡང་དེ་
D3.008.0023b05.01དག་གིས་སྨྲས་པ། ཤེས་ལྡན་དག་བདག་ཅག་གི་ནང་དུ་ཡང་ཉེས་འོངས་དེ་ཞུགས་པར་མ་གྱུར་ཏམ་ལྟོས་ཤིག་ཅེས་དེ་དག་གིས་བལྟས་པ་དང་། ཇི་ཙམ་ན་དེ་དག་གིས་ལེགས་འོངས་དེར་ཞུགས་པ་མཐོང་ནས་དེ་དག་གིས་སྨྲས་པ། ཉེས་འོངས་དེ་འདི་ཡིན་ནོ་ཞེས་དེ་དག་གིས་ལེགས་
D3.008.0023b06.01འོངས་ཤིན་ཏུ་བརྡེགས་ཏེ་སྤྲང་ཕོར་གྱིས་དེའི་ཀླད་པ་བཅོམ་ནས་དེ་དག་གིས་ལག་པ་དང་། རྐང་པ་དག་ནས་བཟུང་སྟེ་ཁྲིད་ནས་ཕྱག་དར་གྱི་ཕུང་པོའི་སྟེང་དུ་བཞག་སྟེ་ཉེས་འོངས་ཁྱོད་འདིར་འདུག་ཤིག་ཅེས་སྨྲས་པ་དང་། ལེགས་འོངས་ཕྱག་དར་གྱི་ཕུང་པོ་དེའི་སྟེང་ན་ངུ་ཞིང་འདུག་གོ། །
D3.008.0023b07.01