完整藏文原文 · 德格版页 当前仅加载第 8 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
དེ། མི་དེ་ལ་སྨྲས་པ། ཀྭའི་ནང་རྗེ་རྒྱལ་པོ་གཟུགས་ཅན་སྙིང་པོའི་གན་དུ་སོང་ལ་རྒྱལ་པོ་ཨུ་ཏྲ་ཡ་ན་སྐྱེད་མོས་ཚལ་ན་སྡོད་དོ་ཞེས་སྦྲོན་ཅིག །མི་དེ་སོང་སྟེ་རྒྱལ་པོ་གཟུགས་ཅན་སྙིང་པོ་ལ་ལྷ་རྒྱལ་པོ་ཨུ་ཏྲ་ཡ་ན་སྐྱེད་མོས་ཚལ་ན་སྡོད་དོ་ཞེས་སྦྲན་ཏོ། །དེས་ཐོས་ནས་འཕྲལ་ཁོ་
D3.008.0113b01.01ན་ལ་ལངས་ཏེ་ཞོ་ཤས་འཚོ་བ་རྣམས་ལ་སྨྲས་པ། ཤེས་ལྡན་དག་རྒྱལ་པོ་དེ་དཔུང་ཆེན་པོ་དང་ལྡན་པ་ཡིན་ན་དེས་མ་སྦྲན་པ་ཁོ་ནར་འོངས་པ་ཁྱེད་ཅག་སུས་ཀྱང་མ་ཤེས་སོ། །དེས་སྨྲས་པ། ལྷ་དེ་ལ་དཔུང་ག་ལ་མཆིས་ཏེ་དཔོན་གཡོག་གཉིས་པུ་ཞིག་མཆིས་སོ། །རྒྱལ་པོ་
D3.008.0113b02.01གཟུགས་ཅན་སྙིང་པོས་བསམས་པ། གང་གི་ཕྱིར་བདག་གིས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་བགྱིས་ན་དེ་བཞིན་དུ་གྲོང་ཁྱེར་དུ་གཞུག་པ་ནི་བདག་གི་ཚུལ་དང་མཐུན་པ་མ་ཡིན་གྱིས། བདག་གིས་བཀུར་སྟི་ཆེན་པོས་འཇུག་ཏུ་གཞུག་གོ་སྙམ་དུ་རིག་ནས། ལམ་
D3.008.0113b03.01མཛེས་པ་དང་གྲོང་ཁྱེར་མཛེས་པར་བྱེད་དུ་བཅུག་ནས་དཔུང་གི་ཚོགས་ཡན་ལག་བཞི་པས་བསུའོ། །དེ་ནས་གཉའ་བ་སྤྲད་དེ་གླང་པོ་ཆེའི་རྒྱབ་ཏུ་ཞོན་ནས་གྲོང་ཁྱེར་རྒྱལ་པོའི་ཁབ་ཏུ་བཅུག་སྟེ། སྤོས་སྣ་ཚོགས་དང་སྦྱར་བའི་ཆུས་ཁྲུས་བྱེད་དུ་བཅུག་ནས་རྒྱལ་པོ་ལ་འོས་
D3.008.0113b04.01པའི་གོས་དག་དང་། སྤོས་དང་། ཕྲེང་བ་རྒྱུ་དང་། བྱུག་པ་སྣ་ཚོགས་དག་གིས་ལེགས་པར་བརྒྱན་ནས་ཟན་བྱིན་ཏེ་ལམ་གྱིས་དུབ་པའི་ངལ་བསོས་ནས་སྨྲས་པ། ཤེད་མཐུན་དགྱེས་པས་རྒྱལ་སྲིད་རྒྱས་པ་དང་། བཙུན་མོའི་འཁོར་དང་། གཞོན་ནུ་དང་། བློན་པོ་དང་
D3.008.0113b05.01ཕོ་བྲང་འཁོར་གྱི་མི་རྣམས་སྤངས་ཏེ་འདིར་ཅི་ལ་བྱོན། ས་གཞན་གྱི་རྒྱལ་པོ་འགའ་ཞིག་གིས་ཡུལ་འཁོར་གཞོམ་པར་བགྱིས་པའམ། གཞོན་ནུ་རྒྱལ་སྲིད་ལ་མངོན་པར་དགའ་བ་བློན་པོ་སྐྱོན་ཆགས་པས་བསླུས་པ་འགའ་ཞིག་གིས་བརྟུལ་བའམ་གཅིག་ཏུ་མ་གྱུར་ཏམ།
D3.008.0113b06.01དེས་སྨྲས་པ། ཤེད་མཐུན་དགྱེས་པ་དེ་ལྟར་མ་གྱུར་ཏེ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་འཚལ་ལོ། །རྒྱལ་པོ་གཟུགས་ཅན་སྙིང་པོས་ཐོས་ནས་ཡིད་དགའ་ཞིང་དགའ་སྟེ། རོ་སྟོད་
D3.008.0113b07.01