完整藏文原文 · 德格版页 当前仅加载第 8 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་ཡང་དག་བླངས། །སེར་སྣ་འདུལ་ལ་བརྩོན་གྱུར་ཅིང་། །ཆོས་གསུམ་ཆོག་མི་ཤེས་པ་ཡིས། །ལག་བརྒྱུད་མི་གདུང་སྐྱེས་པར་གྱུར། །དེ་ནས་ལྷའི་བུ་ལག་བརྒྱུད་འབྲོག་གནས་ཀྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་
D3.008.0163b01.01རྗེས་སུ་ཡི་རངས་པ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་དེ་ཉིད་དུ་མི་སྣང་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་
D3.008.0163b02.01ལ་ཞུས་པ། བཙུན་པ་བཅོམ་ལྡན་འདས་ཀྱིས་གནོད་སྦྱིན་འབྲོག་གནས་ལས་དྲི་མ་ཅན་དང་ཕྲལ་ཏེ་སྐྱབས་སུ་མཆི་བ་དང་། བསླབ་པའི་གཞི་དག་ལ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་ང་འདོད་ཆགས་དང་བྲལ་བ།
D3.008.0163b03.01ཞེ་སྡང་དང་བྲལ་བ། གཏི་མུག་དང་བྲལ་བ། སྐྱེ་བ་དང་རྒ་བ་དང་ན་བ་དང་འཆི་བ་དང་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་དག་ལས་ཡོངས་སུ་གྲོལ་ཞིང་། ཐམས་ཅད་མཁྱེན་པ། ཐམས་ཅད་གཟིགས་པ།
D3.008.0163b04.01མཁྱེན་པ་དང་ཤེས་བྱ་ཐམས་ཅད་ལ་མངའ་བརྙེས་པ་གནོད་སྦྱིན་འབྲོག་གནས་ལས་དྲི་མ་ཅན་དང་ཕྲལ་ཏེ་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཞག་པ་འདི་ལ་ངོ་མཚར་ཅི་ཆེ། ང་འདས་པའི་དུས་ན་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་
D3.008.0163b05.01མུག་དང་བཅས་པ། སྐྱེ་བ་དང་རྒ་བ་དང་ན་བ་དང་འཆི་བ་དང་མྱ་ངན་དང་སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་འཁྲུག་པ་དག་ལས་ཡོངས་སུ་མ་གྲོལ་བས་ཀྱང་གནོད་སྦྱིན་འབྲོག་གནས་ལས་དྲི་མ་ཅན་དང་ཕྲལ་ཏེ་སྐྱབས་སུ་འགྲོ་བ་དང་། བསླབ་པའི་
D3.008.0163b06.01གཞི་དག་ལ་བཞག་སྟེ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་དེད་དཔོན་དཔའ་ཆེན་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་
D3.008.0163b07.01