完整藏文原文 · 德格版页 当前仅加载第 8 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་དག་ལ་མ་ཕུལ་གྱི་བར་དུ་དགེ་སྦྱོང་མགོ་རེག་འདི་ལ་ག་ལ་སྦྱིན། དེས་སྨྲས་པ། ནུ་མོ་གལ་ཏེ་དེ་ལྟ་ན་ཁོ་མོ་རེ་ཞིག་འདི་ལ་བསོད་སྙོམས་འབུལ་དུ་འགྲོས་ཕུལ་ནས་ཕྱིར་འོང་ངོ་། །དེས་སྨྲས་པ། ཆེ་ཞེ་གལ་ཏེ་དེ་ལྟ་ན་འདུག་ཅིག་དང་། བདག་གིས་འདི་ལ་བསོད་སྙོམས་
D3.008.0197b01.01དབུལ་ལོ། །དེས་དེ་ལ་བསོད་སྙོམས་ཕུལ་ནས་སྨོན་ལམ་ལོག་པ་བཏབ་སྟེ། བདག་གིས་དགེ་སྦྱོང་མགོ་རེག་འདི་ལ་བསོད་སྙོམས་ཕུལ་བ་གང་ཡིན་པ་འདི་དག་ལ་འཇིག་རྟེན་འདིར་ཡང་རྣམ་པར་སྨིན་པར་མ་གྱུར་ལ། འཇིག་རྟེན་ཕ་རོལ་དུ་ཡང་རྣམ་པར་སྨིན་པར་མ་གྱུར་ཅིག་ཅེས་
D3.008.0197b02.01བཏབ་བོ། །དགེ་སློང་དག་དེའི་ཚེ་དེའི་དུས་ན་བྲམ་ཟེའི་བུ་མོ་གང་ཡིན་པ་དེ་ནི་དཔེ་མེད་མ་འདི་ཡིན་ཏེ། འདིས་རང་སངས་རྒྱས་ལ་བསོད་སྙོམས་ཕུལ་ནས་སྨོན་ལམ་ལོག་པ་འདི་སྐད་ཅེས་བདག་གིས་དགེ་སྦྱོང་མགོ་རེག་འདི་ལ་བསོད་སྙོམས་ཕུལ་བ་གང་ཡིན་པ་འདི་འཇིག་རྟེན་འདིར་ཡང་
D3.008.0197b03.01རྣམ་པར་སྨིན་པར་མ་གྱུར་ལ། འཇིག་རྟེན་ཕ་རོལ་དུ་ཡང་རྣམ་པར་སྨིན་པར་མ་གྱུར་ཅིག་ཅེས་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་འདི་ཉི་མ་བདུན་དུ་ཟན་མེད་པར་ས་ཁང་དུ་བཅུག་ཅིང་ཉོན་མོངས་པ་ཅན་མ་ཡིན་པ་དང་ལུས་མ་རྙིས་པར་ཕྱུང་ངོ་། །དུས་གཞན་ཞིག་ན་མགུ་བྱེད་
D3.008.0197b04.01རྒས་པར་གྱུར་ནས་དེས་འཆི་བའི་དུས་ཀྱི་ཚེ་སྨོན་ལམ་བཏབ་པ། བདག་གིས་དགེ་སློང་གི་དགེ་འདུན་ལ་ཇི་སྲིད་འཚོའི་བར་དུ་བསྙེན་བཀུར་བྱས་པའི་དགེ་བའི་རྩ་བ་གང་ཡིན་པ་འདིས་བདག་ཁྱིམ་བདག་གདངས་ཅན་གྱི་ཆུང་མའི་མཆོག་གི་མངལ་དུ་སྐྱེ་ཞིང་སྔོ་བསངས་ཅན་གྱི་ཆུ་ཞེང་ཅི་
D3.008.0197b05.01འདྲ་བ་དེ་ལྟ་བུར་བདག་ཀྱང་གྱུར་ཏེ། བད་སའི་རྒྱལ་པོ་ཤར་པ་བདག་གི་ཁྱིམ་ཐབ་ཏུ་གྱུར་ཅིག་ཅེས་བཏབ་བོ། །དེ་ཤི་ཞིང་དུས་ལ་བབ་ནས་ཁྱིམ་བདག་གདངས་ཅན་གྱི་ཆུང་མའི་མཆོག་གི་མངལ་དུ་སྐྱེས་སོ། །གང་གི་ཉིན་མོ་སྐྱེས་པ་དེ་ཉིད་ཀྱི་ཉིན་མོ་ཁྱིམ་དེ་དཔལ་དག་གིས་སྣང་བར་
D3.008.0197b06.01གྱུར་ཏོ། །དེ་ཟླ་བ་བརྒྱད་དམ། དགུ་འདས་ཏེ་བཙས་པ་ལས་བུ་མོ་གཟུགས་བཟང་བ། བལྟ་ན་སྡུག་པ་མཛེས་པ་ཞིག་བྱུང་ངོ་། །བྱུང་མ་ཐག་ཏུ་ཡང་དེས་ཕའི་ཁྱིམ་རྒྱ་ཆེར་དཔལ་དག་གིས་སྣང་བར་གྱུར་ཏོ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་
D3.008.0197b07.01